1 TIHOSI 8:5 - BIBELE Mahungu Lamanene

⁵ Kutani hosi Solomoni a yima emahlweni ka Areka, swin'we ni nhlengeletano hinkwayo ya Vaisraele lava fikeke eka yena, kutani va humesa magandzelo hi swifuwo leswo tala ngopfu swa ntsandza-vahlayi, leswikulu ni leswitsongo.

Xitsonga (Bibele)

⁵ Hosi Solomoni ni nhlengeletano hinkwayo ya Israele va ri lava nga vitaniwa eka yena, va yima emahlweni ka areka; va humesa magandzelo ya tinyimpfu ni ya tihomu leti a va tsandzeka ku ti hlaya, ni ku vula ntsengo wa tona hikwalaho ka vunyingi bya tona.

1 TIHOSI 8:5 Referans Kwoze

2 SAMIELE 6:13

Loko varhwali va Areka va fambile magoza ya 6, Davhida a tlhava nkuzi ni rhole leri nonisiweke a endla gandzelo ha swona,

1 TIKRONIKA 16:1

Va fika ni Areka ya Xikwembu, va yi tikirheta entsongeni lowu Davhida a a wu dzimele ku yi veka kona, kutani va humesela Xikwembu emagandzelo lama hisiwaka ni ya xinakulobye.

1 TIHOSI 12:32

Kutani Yerobuwamu a veka siku ra vu-15 ra n'hweti ya vu-8, leswaku ri va ra nkhuvo lembe rin'wana ni rin'wana, ematshan'wini ya nkhuvo lowu a wu endliwa eYuda, wo hisa magandzelo ehenhla ka alitari. A endlisa sweswo eBetele hi ku hisa magandzelo, a hisela marhole mambirhi lawa a ma vumbeke. Naswona a veka vaprista eBetele, eswitsungeni leswo hlawuleka leswi a swi lulamiseke.

2 TIKRONIKA 1:6

Va tlhava swifuwo swa 1 000, kutani Solomoni a humesa ha swona magandzelo lama hisiwaka, alitarini leya koporo, leyi nga mahlweni ka Ntsonga lowo Hlawuleka wa HOSI Xikwembu.

Yuwele 1:18

Hambi swi ri swifuwo swi le ku konyeni! Mintlhambi ya tihomu yi le ku kayakayeni, hikuva madyelo ya yona ma omile; na yona mintlhambi ya tinyimpfu, yi le ku xanisekeni.