1 TIHOSI 1:21 - BIBELE Mahungu Lamanene

²¹ Handle ka sweswo, swi nga endleka leswaku mina ni n'wana wa mina Solomoni hi kumiwa hi ri vaonhi, siku leri wena n'wini wanga u nga ta va u tietlelele, u lahliwa ni vakokwa wa wena.”

Xitsonga (Bibele)

²¹ Kutakuloko hosi, n'wini wanga, a ta etlela ni vatata wa yena, mina ni n'wananga Solomoni, hi ta vuriwa vadyohi.”

1 TIHOSI 1:21 Referans Kwoze

1 TIHOSI 2:10

Kutani Davhida a tietlelela, va n'wi lahla eka “Muti-wa-Davhida”.

Duteronoma 31:16

Kutani HOSI Xikwembu xi ku ka Muxe: “Vona, u le kusuhi ni ku fa, kutani vanhu lava va ta sala va ndzi fularhela, va tshova ntwanano lowu ndzi wu endleke na vona. Loko va ri exikarhi ka vamatiko lava va yaka va ya tshama na vona, va ta sungula ku endla vunghwavava, va landzelela swikwembu swa vamatiko lava.

1 TIHOSI 2:15

Adoniya a vula a ku: “Wa swi tiva leswaku vuhosi a byi ri bya mina; naswona tiko hinkwaro ra Israele a ri langutele leswaku ndzi fuma. Kambe swilo swi hundzukile, vuhosi byi tekiwile hi makwerhu, hikuva byi hundzuke bya yena hi ku rhandza ka HOSI Xikwembu.

2 SAMIELE 7:12

Loko masiku ya wena ya ku hanya ma ta va ma herile, ni loko u ta va u tietlelele ni vakokwa wa wena, ndzi ta hlawula endyangwini wa wena munhu loyi a nga ta va wa ngati ya wena, ndzi tiyisa vuhosi bya yena.

Genesa 15:15

Loko a ri wena, u ta tietlelela u dyuharile swinene, u landza vatata wa wena hi ku rhula.

1 TIHOSI 1:20

We hosi n'wini wanga, tiko hinkwaro ra Israele ri ku yimerile leswaku u ri byela vito ra loyi a nga ta teka vuhosi endzhaku ka wena, we hosi n'wini wanga.

1 TIHOSI 1:22

Loko Batixeba a ha vulavula ni hosi, muprofeta Natani a nghena.

Vaavanyisi 9:5

Kutani a ya le Ofira emutini wa tata wa yena, a fika a dlayetela vamakwavo wa yena va 70 ehenhla ka ribye rin'we, va nga vana va Yerubaali. Loyi a poneke exikarhi ka vona i Yotamu, yena lontsongo eka vona hinkwavo, hikuva a a tumberile.

1 TIHOSI 1:12

Sweswi hatlisa u famba. Ndzo ku tsundzuxa leswaku wena ni n'wana wa wena Solomoni, mi tiponisa.

2 TIKRONIKA 22:10

Kuteloko Ataliya mana wa Ahaziya a twa leswaku n'wana wa yena ú dlayiwile, a nghenela va le vuhosini bya ka Yuda, a va dlayetela hinkwavo.