1 TIHOSI 1:16 - BIBELE Mahungu Lamanene

¹⁶ Batixeba a xeweta hosi hi ku korhama, mombo wa yena wu ko wu khumba ehansi, kutani hosi yi n'wi vutisa yi ku: “Mhaka ya wena hi yihi ke?”

Xitsonga (Bibele)

¹⁶ Batixeba a korhama, a khinsama emahlweni ka hosi. Kutani hosi yi ku: “U na yini xana?”

1 TIHOSI 1:16 Referans Kwoze

1 SAMIELE 25:23

Loko Abigayele a vona Davhida, a hatla a xika embhongolweni, a wa hi mombo emahlweni ka Davhida, a korhamela ehansi

1 SAMIELE 24:8

Endzhakunyana, Davhida na yena a huma ebakweni, kutani a landza Sawulo a ri karhi a n'wi huwelela, a ku: “N'wini wanga! Hosi!” Sawulo a hundzuluka a languta endzhaku, kutani Davhida a korhamela hansi, a n'wi nkhinsamela,

1 SAMIELE 20:41

Loko mufana a fambile, Davhida a huma endzhaku ka nhulu ya maribye, a nkhinsama, a korhama kanharhu mombo wu ko wu khumba hansi, kutani a vukarhana na Yonatani, va rila hi vumbirhi bya vona, Davhida a kondza a nga ha tikoti hi ku rila.

Matewu 20:32

Yesu a yima, a va vitana, a ku: “Mi lava leswaku ndzi mi endlela yini xana?”

Matewu 20:21

Yesu a ku ka yena: “U lava yini xana?” Yoloye a ku ka yena: “Tshembisa leswaku vana lavambirhi va mina va ta tshama eMfun'weni wa wena, un'wana evokweni ra wena ra xinene, un'wana eka lera ximatsi.”

Estere 7:2

Loko va ri karhi va nwa vhinyo hi siku leri ra vumbirhi, hosi yi engeta yi ku ka Estere: “Nkosikazi Estere, ndzi byele leswi u kombelaka swona, u ta swi kuma; u ta nyikiwa hinkwaswo leswi u swi lavaka, hambiloko u kombela ku averiwa mfumo wa mina hi le xikarhi!”

1 TIHOSI 2:20

kutani a ku: “Ndzi kombela xilonyana xin'we eka wena, u nga ndzi aleli.” Hosi yi ku ka yena: “Kombela manana, hikuva a ndzi nga ku aleli.”

1 TIHOSI 1:23

Va vikela hosi va ku: “Muprofeta Natani hi loyi!” Loko muprofeta a fika emahlweni ka hosi, a xeweta hi ku korhama, mombo wa yena wu ko wu khumba misava.

1 TIHOSI 1:15

Kwalaho Batixeba a ya endlwini ya hosi. Hosi a yi dyuharile ngopfu, muhlayisi wa yona a a ri Abixaga wa le Xuneme.

1 TIHOSI 1:17

“N'wini wanga”, ku hlamula Batixeba, “u hlambanyele mina nandza wa wena, u tlhela u tiyisa leswaku Solomoni n'wana wa mina ú ta fuma endzhaku ka wena, ni leswaku ú ta tshama exitshan'wini xa wena xa vuhosi.