1 TIHOSI 1:1 - BIBELE Mahungu Lamanene

¹ Eminkarhini yoleyo, hosi Davhida a a ri munhu wa masiku, a dyuharile, ku fikela laha hambiloko va n'wi funengeta hi minkumba, a a nga ha twi ku kufumela.

Xitsonga (Bibele)

¹ Hosi Davhida a a dyuharile, a lehisa masiku ya yena; a va n'wi funengeta hi tinguvu, kambe a a nga kufumeri.

1 TIHOSI 1:1 Referans Kwoze

Pisalema 90:10

Hi hanya malembe ya 70, ni lava tiyeke va nga fika eka 80, kambe malembe ya kona ma tele maxangu ni ku tikeriwa; masiku ya hina ma komile, mo haha kunene!

1 TIKRONIKA 23:1

Loko Davhida a dyuharile, ni loko masiku ya yena ma ri karhi ma hela, a veka Solomoni n'wana wa yena ku va hosi ya Israele.

2 SAMIELE 5:4

Davhida a a ri ni malembe ya 30 loko a sungula ku fuma, kutani a fuma malembe ya 40.

Genesa 24:1

Enkarhini lowu, Abrahama a a dyuhele swinene, naswona eka hinkwaswo, HOSI Xikwembu a xi n'wi katekisile.

Genesa 18:11

Enkarhini lowu, Abrahama na Sara a va dyuharile swinene; Sara a a hundzeriwile hi nkarhi wa ku kuma vana.

Luka 1:7

Ntsena a va nga ri na n'wana, hikuva Elizabeta a a ri mhika; naswona hi vumbirhi bya vona, a va dyuharile.

2 SAMIELE 24:25

Kutani Davhida a akela HOSI Xikwembu alitari kona, a humesa magandzelo yo hisiwa ni ya xinakulobye. HOSI Xikwembu xi amukela mikhongelo leyi ya ku khongelela tiko, kutani ntungu wu suka etikweni ra Israele.

1 TIHOSI 1:2

Hikokwalaho malandza ya yena ma ku ka yena: “We hosi n'wini wa hina, hi pfumelele ku ku lavela nhwana loyi a nga si tivanaka ni wanuna, loyi a nga ta ku tirhela ni ku va mukufumeti wa wena, loyi a nga ta nghena emasangwini ya wena, leswaku u ta kufumela, wena hosi n'wini wa hina.”

1 TIHOSI 1:15

Kwalaho Batixeba a ya endlwini ya hosi. Hosi a yi dyuharile ngopfu, muhlayisi wa yona a a ri Abixaga wa le Xuneme.

Eklesiasta 4:11

Naswona, loko vambirhi va funengela nkumba wun'we, va kufumetana, kasi la nga yexe, ú ta kufumerisa ku yini ke?

Yoxuwa 13:1

Enkarhini lowu, Yoxuwa a a dyuharile swinene. Kutani HOSI Xikwembu xi ku ka yena: “U dyuharile ngopfu, kambe ka ha sele tindhawu to tala ta tiko leti mi faneleke ku ti teka ti va ta n'wina.