1 SAMIELE 9:2 - BIBELE Mahungu Lamanene

² A a ri ni n'wana la vuriwaka Sawulo, mbhuri ya jaha, loyi a a tlula Vaisraele hinkwavo hi ku saseka, naswona hi xiyimo a a lehile ku va tlula hinkwavo.

Xitsonga (Bibele)

² A a ri ni n'wana la thyiweke Sawulo; loyi ingi a ri mburhi, a tlula vana va Israele hinkwavo hi ku saseka ka yena; a va tlula hi ku leha, hinkwavo a va fika ekhatleni ri ra yena.

1 SAMIELE 9:2 Referans Kwoze

1 SAMIELE 16:7

Kambe HOSI Xikwembu xi ku ka yena: “U nga languti ku saseka ka yena kumbe ku leha ka xiyimo xa yena, hikuva a ndzi n'wi hlawulanga. Mina HOSI, a ndzi yi hi leswi vanhu va vonaka swona; vanhu va languta nghohe, kambe mina HOSI ndzi languta mbilu.”

Tinhlayo 13:33

hi vonile ni va rixaka ra ka Anaka, va nga swihontlovila swa vanhu. Loko hi tiringanisa na vona, hina a ho va switsotso ntsena, ha tshemba na vona a va hi vonisa sweswo.”

Genesa 6:2

Kutani swivumbiwa swa le tilweni swi vona leswaku vanhwanyana lava va sasekile, kutani swi tihlawulela vasati exikarhi ka vona.

Yeremiya 9:23

HOSI Xikwembu xi vula sweswo xi ri: “Ntlhari yi nga tikurisi hi vutlhari bya yona, ni nhenha hi vunhenha bya yona, na yena la fumeke a nga tidzunisi hi rifuwo ra yena.

1 SAMIELE 17:4

Kutani wanuna wa xihontlovila la vuriwaka Goliyadi, wa le Gati, a huma emixaxeni ya Vafilista. Wanuna loyi a a lehile ku lava ku ringana timitara tinharhu.

1 SAMIELE 9:3

Siku rin'wana, Kixi tata wa yena a lahlekeriwa hi timbhongolo ta yena ta mantswele; kutani a ku ka Sawulo n'wana wa yena: “Ndzi lava leswaku u teka un'we wa malandza ya hina, mi famba mi lava timbhongolo.”

1 SAMIELE 10:21

A xaxameta nyimba ya ka Benjamini hi mindyangu ya yona, kutani ndyangu wa va ka Matri wu hlawuriwa hi vuhlolotwana; [a hetelela hi ku yimisa va ndyangu wa ka Matri ha un'we-un'we,] kutani Sawulo n'wana Kixi a hlawuriwa hi vuhlolotwana; va n'wi lava, kambe va nga n'wi kumi.

1 TIKRONIKA 8:33

Neri hi yena tata wa Kixi; n'wana Kixi i Sawulo. Vana va Sawulo i Yonatani, na Maliki-Xuwaka, na Abinadaba, na Exi-Baali.