1 SAMIELE 8:3 - BIBELE Mahungu Lamanene

³ Vana lava a va landzanga mintila ya Samiele tata wa vona, kambe va hambukile hi ku navela ngopfu mali, va pfumela ku xaviwa, va nga ha avanyisi timhaka hi ku lulama.

Xitsonga (Bibele)

³ Kambe vana va yena a va fambanga etindleleni ta yena, va hambuka hi ku navela mali, a va amukela ni tinyiko, va voyamisa ku lulama.

1 SAMIELE 8:3 Referans Kwoze

Duteronoma 16:19

Mi nga tshuki mi avanyisa timhaka hi ndlela leyi nga riki yona, naswona mi nga tshuki mi ya hi nghohe kumbe mi pfumela ku xaviwa, hikuva sweswo swi dlaya mahlo ya lavo tlhariha, kutani va gombonyokisa timhaka ta lava lulameke.

1 Timotiya 6:10

Hikuva ku rhandza ngopfu mali i rimitsu ra leswo biha hinkwaswo; hi yo mhaka ya ku navela mali ngopfu leyi yi nga hambukisa van'wana, va tshika vupfumeri, kutani timbilu ta vona ti ngheniwa hi mivilelo leyo tala.

Pisalema 15:5

A nga lavi ntswalo, loko a lombile munhu emali, ú ala ni ku xaviwa leswaku a dlayisa la nga riki na nandzu. La endlisaka sweswo a nga ka a nga tsekatsekisiwi ni siku ni rin'we.

Eksoda 23:8

Mi nga tshuki mi pfumela ku xaviwa, hikuva swi dlaya mahlo ya lava vekiweke ku avanyisa timhaka, kutani va gombonyokisa ta vanhu lava vulavulaka ntiyiso.

Eksoda 18:21

Tlhandlakambirhi, tihlawulele exikarhi ka vanhu hinkwavo vavanuna lava tiyeke, u va veka ku va varhangeri, va fambisa mintlawa ya vanhu va 1 000, van'wana ya 100, van'wana ya 50, van'wana ya 10. Vavanuna lava va fanele ku va lava xiximaka Xikwembu, lava tshembekeke, naswona lava nga ta ala ku xaviwa.

1 Timotiya 3:3

A nga vi xidakwa, kumbe munhu wa tinyimpi, kambe a va lowo rhula, a nga vi na vuntswaka, naswona a nga vi loyi a rhandzaka ngopfu mali.

Esaya 33:15

Leswi swi kota hi lava hanyaka vutomi lebyinene, lava vulavulaka ntiyiso, lava nyenyaka ku kuma rifuwo hi ku xanisa van'wana, vanhu lava nga pfumeriki ku fumbarherisiwa swo va xava, lava nga laviki ku twa nchumu hi ku halata ngati, lava nga tihlanganisiki ni lava endlaka leswo homboloka.

2 SAMIELE 15:4

Abixalomu a engeta a ku: “Mawaku loko ndzi nga vekiwa ku va muavanyisi etikweni! Munhu un'wana ni un'wana loyi a nga ni mhaka kumbe swivilelo a a ta ta eka mina, ndzi n'wi avanyisela swona.”

Eklesiasta 2:19

Loyi a nga ta va mudyandzhaka wa mina, a nga va ntlhari kumbe phuphula, sweswo a swi tivi hi munhu. Kambe hi yena la nga ta sala a fuma hinkwaswo leswi ndzi nga tikumela swona laha misaveni, hi nyuku wa mina ni ku tlhariha ka mina. Na swona sweswo a swi pfuni nchumu.

Pisalema 26:10

va nga vanhu lava endlaka swa manyala, lava khomeke swilo swo tala leswi va xaviweke ha swona.

Eksoda 23:6

“Mi nga tshiki ku avanyisa timhaka hi ku lulama ehubyeni, hambi ta xisiwana xa ka n'wina.

1 SAMIELE 2:35

kutani ndzi ta tilavela muprista la tshembekeke, loyi a nga ta tirha hilaha ndzi swi tsakelaka hakona embilwini ya mina ni le moyeni wa mina. Ndzi ta n'wi nyika vatukulu lavo tala, kutani ú ta tirhela Muhlawuriwa wa mina hilaha ku nga heriki.

1 SAMIELE 12:2

Sweswi, hosi leyi hi yona mufambisi wa n'wina. Mina ndzi dyuharile, ndzi basile nhloko; vana va mina va kona exikarhi ka n'wina. Ndzi vile mufambisi wa n'wina ku sukela evuhlangini bya mina, ku fikela namuntlha.

Esaya 1:23

Varhangeri va wena va tiarisa ngopfu, va twanana ni makhamba; hinkwavo va tsakela ku xaviwa, va rhandza ngopfu tinyiko; a va lweli lava pfumalaka vatswari, ni nkarhi wo sirhelela tinoni, a va na wona.

Mikiya 3:11

Varhangeri va muti va pfumela ku xaviwa ehubyeni, vaprista va dyondzisela muholo ntsena, na vona vaprofeta va vhumbhela ku hakeriwa; hinkwavo va tisirhelela hi ku vula leswaku va nge humeleriwi hi nchumu xo biha, hikuva Xikwembu xi na vona.