1 SAMIELE 7:4 - BIBELE Mahungu Lamanene

⁴ Hakunene Vaisraele va cukumeta swifaniso swa Baali ni swa Astarte, va tirhela HOSI Xikwembu ntsena.

Xitsonga (Bibele)

⁴ Kutani vana va Israele va susa va Baali ni va Astarte va tirhela Yehovha ntsena.

1 SAMIELE 7:4 Referans Kwoze

Hosiya 14:8

N'wina va ka Efrayimi, a ndza ha lavi ku twa nchumu hi mhaka ya swikwembu swa hava. Hi mina ndzi nga ta hlamula swikhongelo swa n'wina, ndzi mi hlayisa. Ndzi fana ni murhi wa kipresi lowu tshamaka wu ri wa rihlaza, mihandzu ya n'wina yi huma eka mina.

Hosiya 14:3

Hakunene, tiko ra Asiriya ri nga ka ri nga hi ponisi, ni tihanci ta nyimpi ti nga ka ti nga hi sirheleli; ni xilo lexi hi xi endleke hi mavoko ya hina, hi nge he engeti hi ku ka xona: ‘U xikwembu xa hina!’ Eka wena, hambi a ri n'wana wo pfumala vatswari ú kuma ku hlayiseka.”

1 TIHOSI 11:33

Mhaka hileswaku va le Yerusalema va ndzi tshikile hi ku ya gandzela Astarte xikwembukazi xa Vasidoni, na Kemoxi xikwembu xa le Mowabu, na Milikomo xikwembu xa Vaamoni. A va hanyanga hi tindlela ta mina, ku nga ku endla leswi lulameke emahlweni ka mina ni ku hlayisa milawu ya mina ni swiletelo swa mina, tanihilaha Davhida tata wa vona a endleke hakona.

Vaavanyisi 2:13

Va tshika HOSI Xikwembu, va ya tirhela swifaniso swa Baali ni swa Astarte.

Vaavanyisi 2:11

Vaisraele va endla leswo biha emahlweni ka HOSI Xikwembu. Va tirhela swifaniso swa Baali,

1 SAMIELE 7:3

Kutani Samiele a khongotela vanhu hinkwavo va Israele, a ku: “Loko hakunene mi tlhelela eka HOSI hi timbilu ta n'wina hinkwato, cukumetani swikwembu swa vamatiko ni swifaniso swa Astarte xikwembukazi; namarhelani HOSI hi timbilu ta n'wina hinkwato, mi tirhela yona ntsena, kutani yona yi ta mi kutsula emavokweni ya Vafilista.”

1 SAMIELE 7:5

Kutani Samiele a ku ka vona: “Rhambani nhlengeletano ya Vaisraele hinkwavo emutini wa Mispa, kutani mina ndzi ta mi khongelela eka HOSI.”

1 TIHOSI 8:48

Loko va hundzukisa sweswo, hi timbilu ta vona hinkwato ni miehleketo ya vona hinkwayo, etikweni leri vavala va vona va va yiseke eka rona va ri mahlonga, ni loko va khongela va ri karhi va languta tiko ra vona leri u ri nyikeke vatata wa vona, ni loko va languta muti lowu u wu hlawuleke ni yindlu leyi ndzi yi akeke leswaku u gandzeleriwa eka yona,

1 TIHOSI 11:5

Solomoni a sungula ku gandzela Astarte xikwembukazi xa Vasidoni, na Milikomo xikwembu xa ndzhukano xa Vaamoni.

2 TIHOSI 23:15

Naswona, Yosiyasi a hindzimuxa alitari ya le Betele, exivandleni lexo hlawuleka lexi Yerobuwamu n'wana Nebati a a xi lulamisile, lexi a dyohiseke Vaisraele ha xona. A hindzimuxa alitari leyi ni hinkwaswo swa xitsunga xa kona, a fayetela maribye ya yona, a ma kandziyela, a hisa ni mhandze ya Axera xikwembukazi.