1 SAMIELE 7:3 - BIBELE Mahungu Lamanene

³ Kutani Samiele a khongotela vanhu hinkwavo va Israele, a ku: “Loko hakunene mi tlhelela eka HOSI hi timbilu ta n'wina hinkwato, cukumetani swikwembu swa vamatiko ni swifaniso swa Astarte xikwembukazi; namarhelani HOSI hi timbilu ta n'wina hinkwato, mi tirhela yona ntsena, kutani yona yi ta mi kutsula emavokweni ya Vafilista.”

Xitsonga (Bibele)

³ Kavaloko Samiele a byela yindlu ya Israele hinkwayo, a ku: “Ku nga ku loko mi tlhelela eka Yehovha hi timbilu hinkwato ta n'wina, susani xikarhi ka n'wina swikwembu swimbe ni va Astarte, mi tiyisa timbilu ta n'wina eka Yehovha, mi tirhela yena ntsena; hi kona a nga ta mi ponisa emavokweni ya Vafilista.”

1 SAMIELE 7:3 Referans Kwoze

Luka 4:8

Yesu a n'wi hlamula, a ku: “Ku tsariwile va te: “ ‘U ta nkhinsamela Hosi, Xikwembu xa wena, u gandzela xona ntsena.’ ”

Duteronoma 13:4

N'wina mi fanele ku famba endleleni ya HOSI Xikwembu xa n'wina, mi chava xona, mi endla leswi xi mi byelaka swona, mi xi tirhela, mi namarhela xona.

Matewu 4:10

Hiloko Yesu a ku ka yena: “Suka Sathana, hikuva ku tsariwile leswi: “ ‘U ta gandzela Hosi, Xikwembu xa wena, u tirhela xona ntsena.’ ”

Duteronoma 6:13

Chavani HOSI Xikwembu xa n'wina, mi tirhela xona ntsena, mi hlambanva hi vito ra xona.

Esaya 55:7

Lavo homboloka a va tshike mahanyelo ya vona layo biha, ni lava nga lulamangiki a va cukumete kule miehleketo leyo biha leyi va nga na yona; hinkwavo a va tlhelele eka HOSI Xikwembu xa hina, kutani xi ta va twela vusiwana, xi va rivalela swidyoho swa vona hinkwaswo.

Yoxuwa 24:14

“Kutani sweswi, chavani HOSI Xikwembu, mi xi tirhela hi ku tinyiketa ni ku tshembeka. Swikwembu leswi vatata wa n'wina va swi tirheleke entsungeni wa nambu wa Yufrata ni le Egipta, hambanani na swona, mi tirhela HOSI Xikwembu.

Yoxuwa 24:23

Yoxuwa a ku: “Loko swi ri tano, hambanani ni swikwembu leswi swi nga exikarhi ka n'wina, mi tinyiketa eka HOSI Xikwembu xa Israele hi timbilu ta n'wina hinkwato.”

Yohane 4:24

Xikwembu i moya; kutani lava xi gandzelaka, va fanele ku xi gandzela hi moya ni ntiyiso.”

Duteronoma 10:20

Mi fanele ku chava HOSI Xikwembu xa n'wina, mi xi tirhela, mi namarhela xona, mi hlambanya hi vito ra xona.

1 TIHOSI 8:48

Loko va hundzukisa sweswo, hi timbilu ta vona hinkwato ni miehleketo ya vona hinkwayo, etikweni leri vavala va vona va va yiseke eka rona va ri mahlonga, ni loko va khongela va ri karhi va languta tiko ra vona leri u ri nyikeke vatata wa vona, ni loko va languta muti lowu u wu hlawuleke ni yindlu leyi ndzi yi akeke leswaku u gandzeleriwa eka yona,

Matewu 6:24

“A ku na munhu loyi a nga kotaka ku tirhela tihosi timbirhi; hikuva ú ta venga yin'wana, a rhandza leyin'wana. Mi nge koti ku tirhela Xikwembu ni rifuwo ra misava.

Matewu 15:8

“ ‘Vanhu lava va ndzi xixima hi nomo, kambe timbilu ta vona ti le kule na mina.

Vaavanyisi 10:6

Vaisraele va tlhela va endla leswo biha emahlweni ka HOSI Xikwembu: Va tirhela swifaniso swa Baali ni swa Astarte, swi nga swikwembu swa Vasiriya, ni Vasidoni, ni Vamowabu, ni Vaamoni, ni Vafilista. Vaisraele va tshika HOSI Xikwembu, va nga ha xi tirheli.

1 TIKRONIKA 22:19

Sweswi lavani HOSI Xikwembu xa n'wina hi mbilu ni moya; tinyiketeni mi aka Tempele leyo hlawuleka leyi yi nga ta dzunisa HOSI Xikwembu, mi nghenisa ka yona Areka ya Ntwanano wa xona, ni swibya swa xona leswo hlawuleka.”

Genesa 35:2

Hiloko Yakobo a byela va ndyangu wa yena ni hinkwavo lava a a ri na vona a ku: “Cukumetani swikwembu swa vamatiko leswi nga xikarhi ka n'wina, mi tlhela mi tibasisa mi ambala swiambalo swin'wana,

Ezekiele 18:31

Swidyoho hinkwaswo leswi a mi hanya eka swona, swi cukumeteni kule na n'wina, kutani mi tilavela mianakanyo leyintshwa ni moya lowuntshwa! Xana mi susumetiwa ha yini ku tivangela rifu n'wina Vaisraele xana?

1 TIKRONIKA 28:9

“Na wena Solomoni n'wananga, amukela Xikwembu xa vatata wa wena, u xi tirhela hi mbilu ya wena hinkwayo, ni moya lowunene, hikuva HOSI Xikwembu xi kambela timbilu hinkwato, xi hatla xi vona makungu ni miehleketo ya munhu. Xi ta tsakela ku kumiwa hi wena loko u xi lava, kambe loko u xi fularhela, xi ta ku cukumetela makumu.

Swivuriso 16:1

Munhu a nga endla makungu, kambe HOSI Xikwembu hi xona lexi nga ni rito ro hetelela.

2 TIKRONIKA 19:3

Hambiswiritano ku ni leswo saseka leswi u swi endleke: U susile timhandze ta vugandzeri bya Axera etikweni ra Yuda, kutani u tirherile HOSI Xikwembu hi mbilu ya wena hinkwayo.”

Vaavanyisi 10:16

Hiloko Vaisraele va cukumeta swikwembu swa vamatiko leswi a swi ri exikarhi ka vona, kutani va tirhela HOSI Xikwembu. Hiloko HOSI Xikwembu xi vavisekela Vaisraele hikwalaho ka maxangu ya vona.

Hosiya 14:1

N'wina vanhu va tiko ra Israele, tlhelelani eka HOSI, Xikwembu xa n'wina, hikuva milandzu ya n'wina yi mi khugurile mi wa.

2 TIKRONIKA 30:19

vanhu lava hinkwavo, lava nga landzangiki milawu ya ku tibasisa ya laha Tempeleni, hikuva va ku lava hi mbilu ya vona hinkwayo, we Xikwembu xa vatata wa vona!”

Vaavanyisi 2:13

Va tshika HOSI Xikwembu, va ya tirhela swifaniso swa Baali ni swa Astarte.

1 SAMIELE 31:10

Va veka matlhari ya Sawulo etempeleni ya Astarte xikwembukazi, kutani va belela ntsumbu wa yena erirhangwini ra muti wa Beta-Xani.

Yoxuwa 13:31

ni hafu ya tiko ra Giliyadi, ni muti wa Axitaroto, ni wa Edreyi, yi nga miti ya Ogo leyi nga eBaxani. Miti leyi yi averiwile hafu ya va ka Makiri, n'wana Manase, hi ku ya hi mindyangu ya vona.

1 TIHOSI 11:33

Mhaka hileswaku va le Yerusalema va ndzi tshikile hi ku ya gandzela Astarte xikwembukazi xa Vasidoni, na Kemoxi xikwembu xa le Mowabu, na Milikomo xikwembu xa Vaamoni. A va hanyanga hi tindlela ta mina, ku nga ku endla leswi lulameke emahlweni ka mina ni ku hlayisa milawu ya mina ni swiletelo swa mina, tanihilaha Davhida tata wa vona a endleke hakona.

Yeremiya 24:7

Ndzi ta va pfula miehleketo, kutani va ta tiva leswaku hi mina ndzi nga HOSI. Va ta va vanhu va mina, na mina ndzi va Xikwembu xa vona, hikuva va ta va va vuyele eka mina hi mbilu hinkwayo.

Yeremiya 36:3

Kumbexana va ka Yuda va nga hundzuka loko va twa makhombo lawa ndzi lavaka ku va vangela wona, kutani mina ndzi ta va rivalela swidyoho swa vona ni ku homboloka ka vona.”

Ezekiele 14:6

Hikokwalaho, va byele leswaku mina HOSI N'wini wa hinkwaswo ndzi ni rito eka vona leri nge: Hundzukani, mi tshika swikwembu swa n'wina swa hava, mi hambana ni manyala ya n'wina hinkwawo.

Duteronoma 4:29

“Loko mi ri exikarhi ka vanhu lava, mi ta lava HOSI Xikwembu xa n'wina, kutani loko mi xi lava hi timbilu ta n'wina hinkwato ni moya wa n'wina hinkwawo mi ta xi kuma.

Vaavanyisi 2:11

Vaisraele va endla leswo biha emahlweni ka HOSI Xikwembu. Va tirhela swifaniso swa Baali,

2 TIHOSI 17:39

kambe mi ta khongela mina ntsena HOSI Xikwembu xa n'wina, hikuva hi mina loyi a nga ta mi ntshunxa emavokweni ya valala va n'wina.”

2 TIHOSI 23:15

Naswona, Yosiyasi a hindzimuxa alitari ya le Betele, exivandleni lexo hlawuleka lexi Yerobuwamu n'wana Nebati a a xi lulamisile, lexi a dyohiseke Vaisraele ha xona. A hindzimuxa alitari leyi ni hinkwaswo swa xitsunga xa kona, a fayetela maribye ya yona, a ma kandziyela, a hisa ni mhandze ya Axera xikwembukazi.

2 TIKRONIKA 20:33

Hambiswiritano, mintirho ya le switsungeni leswo hlawuleka a yi tshikiwanga; va ka Yuda a va nga si tshemba Xikwembu xa vatata wa vona hi ku hetiseka.

Yeremiya 4:1

HOSI Xikwembu xi vula sweswo xi ri: “Wena Israele, loko u tiyimisele ku hundzuka, hundzuka u vuyela eka mina. Loko u hambana ni swikwembu swa wena swa manyala, u nga ka u nga tsekatseki emahlweni ka mina.