1 SAMIELE 4:4 - BIBELE Mahungu Lamanene

⁴ Kutani va rhuma vanhu va ya emutini wa Xilo, va ya teka Areka ya Ntwanano wa HOSI ya matimba hinkwawo, Xikwembu lexi nga xiluvelweni ehenhla ka tikerubu. Vana va Heli vambirhi, Hofini na Finiyasi, na vona va longoloka ni lava rhwalaka Areka ya Ntwanano wa Xikwembu.

Xitsonga (Bibele)

⁴ Kavaloko tiko ri rhuma vanhu eXilo, kutani va tisa areka ya ntwanano wa Yehovha wa mavandla, la tshamaka xikarhi ka tikerubu. Na vona vana vambirhi va Heli, Hofini na Finiyasi, a va ri kona, ni areka ya ntwanano wa Xikwembu.

1 SAMIELE 4:4 Referans Kwoze

2 SAMIELE 6:2

Kutani a suka a famba ni vavanuna lava hinkwavo ku ya teka Areka ya Xikwembu emutini wa Baale-Yuda, va vuya na yona. Hi yona Areka leyi thyiweke vito ra HOSI ya matimba hinkwawo, Xikwembu lexi tshamaka xiluvelweni ehenhla ka tikerubu.

Pisalema 80:1

We murisi wa Israele, yingisa, rhiya ndleve wena u fambisaka va ka Yosefa kukota ntlhambi; wena u tshameke exiluvelweni ehenhla ka tikerubu, komba ku vonakala ka wena.

Tinhlayo 7:89

Loko Muxe a ya nghena eka Ntsonga lowo Hlawuleka ku ya vulavula na HOSI Xikwembu, a twa HOSI Xikwembu xi vulavula na yena, rito ra xona ri huma exikarhi ka Areka ya Ntwanano; kutani na yena a a vulavula na xona.

Pisalema 99:1

HOSI Xikwembu xa fuma, xi tshamile ehenhla ka tikerubu; vamatiko va rhurhumela hi ku chava, misava ya tsekatseka.

2 TIHOSI 19:15

Kutani a khongela a ku: “Wena HOSI, Xikwembu xa Israele, wena u tshamaka exiluvelweni ehenhla ka tikerubu, hi wena ntsena la nga Xikwembu ehenhla ka mimfumo hinkwayo ya misava; hi wena la endleke tilo ni misava.

Malakiya 1:9

Loko mi humesa tinyiko to tano, mi ri karhi mi kombela leswaku ndzi mi tsetselela, mina HOSI ya matimba hinkwawo, ndzi nga ka ndzi nga mi katekisi!

1 SAMIELE 2:22

Enkarhini wolowo, Heli a a dyuharile ngopfu; kutani a twa hinkwaswo leswi vana va yena va karhatisaka xiswona Vaisraele hinkwavo, ni leswaku va etlela ni vavasati lava tirhaka enyangweni ya Ntsonga lowo Hlawuleka.

Tinhlayo 4:15

Loko Aroni ni vana va yena va hetile ku funengeta xivandla lexo hlawuleka ni swingolongondzwana swa xona hinkwaswo, enkarhini lowu mixaxa yi rhurhisiwaka ha wona, hi kona va ka Kohata va nga ta ta va ta swi rhwala; kambe va nga tshuki va khumba swilo leswo hlawuleka, hikuva va nga ta fa. Leswi hi swona swilo swa Ntsonga lowo Hlawuleka leswi va ka Kohata va nga ta swi rhwala.

Tinhlayo 4:5

Loko mixaxa yi lava ku rhurhisiwa, Aroni ni vana va yena va ta ya nghena eka Ntsonga, va fika va hawula xisirhelelo lexi sivaka Areka ya Ntwanano, kutani va yi funengeta ha xona.

1 SAMIELE 1:24

Loko a n'wi lumurile, a tlhandluka a ya eXilo na yena, a ri ni homu ya nkuzi ya malembe manharhu, ni xinkwamana xa mapa, ni khuwana ra vhinyo; a yisa n'wana eTempeleni ya HOSI, hambileswi a a ha ri ntsongo ngopfu.

2 SAMIELE 15:24

Muprista Sadoki na yena a hundza, a ri ni Valevhi, lava rhwalaka Areka ya Ntwanano wa Xikwembu, kutani va yi veka ehansi; Abiyatara a humesa gandzelo, ku kondza loko vanhu hinkwavo va helele ku huma emutini.

Esaya 37:16

“HOSI ya matimba hinkwawo, Xikwembu xa Israele, wena u tshamaka exiluvelweni ehenhla ka tikerubu, hi wena ntsena la nga Xikwembu ehenhla ka mimfumo hinkwayo ya misava; hi wena la endleke tilo ni misava.

1 SAMIELE 14:3

(Muprista loyi a ambaleke nceka lowu vuriwaka “efodi”, a a ri Ahiya n'wana Ahituba; makwa wa tata wakwe a a ri Ikabodo n'wana Finiyasi n'wana Heli, muprista wa HOSI Xikwembu eXilo.) A ku vanga na un'we la tiveke leswaku Yonatani ú fambile.

Pisalema 80:2

Hlavutela matimba ya wena emahlweni ka va ka Efrayimi ni va ka Benjamini ni va ka Manase, tana u ta hi ponisa.