1 SAMIELE 4:3 - BIBELE Mahungu Lamanene

³ Kuteloko mavuthu ma tlhelele emixaxeni, vakulukumba va Israele va ku: “Hikwalaho ka yini HOSI Xikwembu xi hi tshikile hi hluriwa hi Vafilista namuntlha ke? A hi yeni eXilo hi ya teka Areka ya Ntwanano wa HOSI Xikwembu, leswaku xi ta va exikarhi ka hina, ni leswaku xi ta hi lamulela emavokweni ya valala va hina.”

Xitsonga (Bibele)

³ Tiko ri tlhela ri nghena emixaxeni, kutani vakulukumba va Israele va ku: “Xana Yehovha u hi tshikele yini hi hluriwa hi Vafilista namuntlha xana? A hi yeni Xilo, hi ya lava areka ya ntwanano wa Yehovha, a yi te xikarhi ka hina, yi hi ponisa emavokweni ya valala va hina.”

1 SAMIELE 4:3 Referans Kwoze

Yuda 1:5

Hambileswi mi tivaka swinene timhaka leti, ndzi navela ku mi tsundzuxa leswaku Hosi yi ponisile Vaisraele, yi va humesa etikweni ra Egipta; kambe endzhaku ka sweswo, yi herisile lava va nga pfumelangiki.

1 Petro 3:21

Nkhuvulo wu yelana ni mhaka leyi; sweswi wa mi ponisa, ku nga ri hi ku susa thyaka emirini, kambe hi ku endla leswaku mi kombela ripfalo leri tengeke eka Xikwembu. Nkhuvulo wa mi ponisa hi mhaka ya ku pfuka ka Yesu Kriste eku feni,

Vaheveru 9:4

A wu ri ni alitari ya nsuku ya mirhi ya risuna, ni areka ya ntwanano leyi namekiweke hinkwako hi nsuku; endzeni ka areka a ku ri ni nkambana wa nsuku wo hlayisa manna, ni nhonga ya Aroni leyi hlukeke matluka, ni maribye ya ntwanano.

2 Timotiya 3:5

Va ta tiendla wonge hi loko va ri ni vukhongeri, kambe va ta ala matimba ya byona. Fambela kule ni vanhu lavo tano.

Yeremiya 7:4

Mi nga tikanganyisi hi ku vula mi ku: ‘Laha, hi titwa hi hlayisekile hikuva hi le Tempeleni ya HOSI, hi le Tempeleni ya HOSI, hi le Tempeleni ya HOSI!’

Yeremiya 3:16

HOSI Xikwembu xi ri: “Eminkarhini leyi taka, loko mi ta va mi andzile mi tata tiko, vanhu a va nga ha vulavuli hi Areka ya mina ya Ntwanano, kumbe ku vilela hi yona; ni ku yi tsundzuka a va nga ha yi tsundzuki, naswona a va nga ha endli yin'wana.

Esaya 58:3

“Va tlhela va ku: ‘Ku titsona swakudya ni ku titsongahata, a swi pfuni nchumu, hikuva wena Xikwembu, a wu na-mhaka na swona!’ Nhlamulo ya mina hi leyi: Vonani, esikwini ra ku titsona swakudya, mi endla leswi mi swi rhandzaka, mi xanisa ni vatirhi va n'wina hinkwavo.

Esaya 50:1

HOSI Xikwembu xi vurisa sweswo xi ri: “Mi ehleketa leswaku ndzi mi tshikile, n'wina Vaisraele, ku fana ni wanuna la hlongolaka nsati wa yena; loko swi ri tano, ri kwihi papila leri tiyisaka mhaka ya kona, xana? Mi anakanya leswaku ndzi mi yisile evuhlongeni, ku fana ni munhu la rihaka swikweleti hi vana va yena; xana ndzi mi nyikete eka mani? Swidyoho swa n'wina, hi swona swi nga mi yisa evuhlongeni, mi tshikiwile hi mhaka ya milandzu ya n'wina kukota wansati la hlongoriweke evukatini.

Pisalema 74:11

U khondlela yini mavoko, u alela yini ku hi lwela ke?

Pisalema 74:1

We Xikwembu, xana u hi tshikele yini? U nga va u hi tshikele makumu xana? Xana u hi hlundzukelela yini, hina hi nga ntlhambi lowu u wu risaka, xana?

1 TIKRONIKA 17:1

Loko Davhida a tshamisekile emutini wa yena, a byela muprofeta Natani, a ku: “Vona, sweswi ndzi tshama endlwini yo akiwa hi timhandze to saseka ta kedari, kasi Areka ya Ntwanano wa HOSI yona yo va entsongeni!”

2 SAMIELE 15:25

Kutani hosi Davhida a ku ka Sadoki: “Tlherisela Areka ya Xikwembu emutini. Loko HOSI Xikwembu xi ndzi tsakela, xi ta endla leswaku ndzi vuya ndzi ta yi vona, ndzi vona ni laha yi tshamaka kona.

1 SAMIELE 14:18

Kutani Sawulo a ku ka Ahiya: “Tisa Areka ya Xikwembu!” (Enkarhini wolowo, Vaisraele a va famba ni Areka ya Xikwembu.)

Yoxuwa 7:7

Kutani Yoxuwa a ku: “We Hosi N'wini wa hina, hikwalaho ka yini u hi perisile nambu wa Yordani, u ta hi nyiketa emavokweni ya Vaamori leswaku va hi herisa xana? Leswi swi tlula hi loko a hi lo titshamela entsungeni wa nambu wa Yordani!

Yoxuwa 4:7

mi ta va byela leswaku mati ya nambu wa Yordani ma avanile emahlweni ka Areka ya HOSI Xikwembu, loko Areka yi pela nambu wa Yordani; mati ya nambu lowu ma tsemekile ma nga ha khuluki. Kutani maribye lawa, ma ta va xitsundzuxo eka Vaisraele hilaha ku nga heriki.”

Duteronoma 31:26

“Tekani buku leyi ya Nawu, mi yi veka kusuhi ni Areka ya Ntwanano wa HOSI Xikwembu, yi tshama kona, yi va mbhoni leyi yi nga ta kanetana na n'wina.

Duteronoma 29:24

Kutani vanhu hinkwavo va ta ku: ‘Hikwalaho ka yini HOSI Xikwembu xi khome vanhu lava hi ndlela leyi ke? Xana vukari lebyikulu byo pfurhisa leswi, byi vangiwe hi yini xana?’

Tinhlayo 31:6

Kutani Muxe a va rhuma va ya enyimpini, va famba swin'we na Finiyasi n'wana muprista Eliyazara, loyi a a ta ya hlayisa swibya leswi humaka exivandleni lexo hlawuleka ni timhalamhala leti ti nga ta biwa enyimpini.

Tinhlayo 10:35

Minkarhi hinkwayo loko Areka yi suka, Muxe a a ku: “We HOSI, pfuka u hangalasa valala va wena, u hlongorisa ni lava va ku vengaka!”

Tinhlayo 10:33

Ku suka entshaveni ya HOSI Xikwembu, Vaisraele va famba riendzo ra masiku manharhu, Areka ya Ntwanano yi rhangile emahlweni ka vona eriendzweni leri ra masiku manharhu, yi va lavela laha va nga ta fika va wisa kona.

Yoxuwa 6:6

Kutani Yoxuwa n'wana Nuni a vitana vaprista a ku ka vona: “Rhwalani Areka ya Ntwanano, kutani vaprista va 7 va khoma timhalamhala ta 7, va famba emahlweni ka Areka ya HOSI Xikwembu.”

Yoxuwa 7:8

We N'wini wanga, xana ndzi nga vula yini sweswi, hikuva Vaisraele va suke va tsutsuma va chava valala va vona!

1 SAMIELE 1:24

Loko a n'wi lumurile, a tlhandluka a ya eXilo na yena, a ri ni homu ya nkuzi ya malembe manharhu, ni xinkwamana xa mapa, ni khuwana ra vhinyo; a yisa n'wana eTempeleni ya HOSI, hambileswi a a ha ri ntsongo ngopfu.

1 SAMIELE 4:2

Vafilista va xaxamela, va ya lwa ni Vaisraele. Nyimpi yi ya yi hisa, kutani Vaisraele va hluriwa hi Vafilista; ku dlayiwa vavanuna lava lavaka ku ringana 4 000 erivaleni ra nyimpi.

Esaya 59:1

Mi nga ehleketi leswaku HOSI Xikwembu a xi na wona matimba yo mi ponisa, ni leswaku a xi mi twi loko mi huwelela.

Esaya 59:2

Leswi swi mi hambanyisaka ni Xikwembu xa n'wina i mintirho ya n'wina leyo homboloka; xi mi fularherile hikwalaho ka swidyoho swa n'wina, kutani a xa ha lavi ku mi twa.