1 SAMIELE 4:2 - BIBELE Mahungu Lamanene

² Vafilista va xaxamela, va ya lwa ni Vaisraele. Nyimpi yi ya yi hisa, kutani Vaisraele va hluriwa hi Vafilista; ku dlayiwa vavanuna lava lavaka ku ringana 4 000 erivaleni ra nyimpi.

Xitsonga (Bibele)

² Vafilista va tilunghisa ku ya hlangana na Israele, kutani ku lwa ku va kona hinkwako. Israele a hluriwa hi Vafilista lava dlayeke vanhu eku lweni ni le nhoveni, va lava ku fika 4 000.

1 SAMIELE 4:2 Referans Kwoze

Swirilo 3:40

A hi tikambeni, hi xiyaxiya tindlela ta hina, kutani hi tlhelela eka HOSI Xikwembu.

1 SAMIELE 17:21

Mavuthu ya Vaisraele ni ya Vafilista ma yimeka, ma jamelanile.

1 SAMIELE 17:8

Goliyadi a yima a huwelela a byela mavuthu ya Vaisraele a ku: “He n'wina! Hikwalaho ka yini mi huma nyimpi mi tilulamisele ku lwa na mina xana? Xana mina a ndzi Mufilista xana, n'wina mahlonga ndzin'wina ya Sawulo? Tihlawuleleni wanuna, a rhelela a ta enkoveni haleno ka mina.

Yoxuwa 7:12

Hikokwalaho, Vaisraele va nga ka va nga swi koti ku hlula valala va vona; va tsutsuma va chava valala va vona hikuva na vona Vaisraele va fana ni swilo leswi nyiketiweke leswaku swi herisiwa. Mina a ndzi nga vi na n'wina, loko mi nga si herisa swilo leswi nga xikarhi ka n'wina leswi nyiketiweke leswaku swi herisiwa.

1 SAMIELE 4:1

Kutani leswi Samiele a a swi vula, a swi amukeriwa etikweni hinkwaro ra Israele. Enkarhini wolowo Vaisraele va huma nyimpi va ya lwa ni Vafilista, kutani va ya gova kusuhi na Ebenezere, Vafilista vona va gova le Afeka.

1 SAMIELE 4:3

Kuteloko mavuthu ma tlhelele emixaxeni, vakulukumba va Israele va ku: “Hikwalaho ka yini HOSI Xikwembu xi hi tshikile hi hluriwa hi Vafilista namuntlha ke? A hi yeni eXilo hi ya teka Areka ya Ntwanano wa HOSI Xikwembu, leswaku xi ta va exikarhi ka hina, ni leswaku xi ta hi lamulela emavokweni ya valala va hina.”

1 SAMIELE 4:10

Kavaloko Vafilista va lwa ni Vaisraele, va va hlula, kutani Vaisraele hinkwavo va tsutsumela emakaya; kambe lavo tala ngopfu exikarhi ka vona a va dlayiwile; a ku file tinhenha ta Vaisraele to ringana 30 000, leti a ti famba hi milenge.

Levhitika 26:37

Va ta phijana va wa, wonge vo va eku balekeni ka nyimpi, kasi a ku na munhu loyi a va hlongorisaka. Mi ta pfumala ni matimba yo lwa ni valala va n'wina.

Tinhlayo 14:45

Kutani Vaamaleke ni Vakanana, lava a va tshama emagangeni, va rhelela va hlasela Vaisraele, va va hlongorisa ku ya fika eHorma.