1 SAMIELE 3:1 - BIBELE Mahungu Lamanene

¹ Mufana Samiele a a tirhela HOSI Xikwembu a ri hansi ka Heli. Eminkarhini yoleyo, rito ra HOSI a ri kala ngopfu; swivono a swi nga tali ku va kona.

Xitsonga (Bibele)

¹ Wandzisanyana Samiele a a tirhela Yehovha emahlweni ka Heli. Kambe rito ra Yehovha a ri kala emasikwini lawa; ni mahlori ma nga talanga.

1 SAMIELE 3:1 Referans Kwoze

Pisalema 74:9

A wa ha vonaki exikarhi ka hina, ni vaprofeta va nyamalarile, kutani a ku na munhu exikarhi ka hina la tivaka leswaku swi ta hela rini.

1 SAMIELE 3:21

HOSI Xikwembu xi tlhela xi humelela emutini wa Xilo, hikuva hi kona laha xi tshamaka xi tikomba eka Samiele, hi rito ra xona.

1 SAMIELE 2:11

Kutani Elkana a tlhelela ekaya emutini wa Rhama. Kambe mufana Samiele a sala a tirhela HOSI Xikwembu, emahlweni ka muprista Heli.

1 SAMIELE 2:18

Mufana Samiele a a tirhela HOSI Xikwembu a ambele nceka wa vaprista wa ntsembyani, lowu vuriwaka “efodi”.

Esaya 13:12

Vanhu lava ndzi nga ta va tshika va hanya, va ta kala ku fana ni nsuku lowo tenga, va ta pfumaleka kukota nsuku wa le Ofiri.

1 SAMIELE 3:15

Samiele a ya etlela ri kondza ri xa, kutani a pfuka a ya pfula timbanti ta Tempele ya HOSI; kambe ú chavile ku ya hlamusela Heli timhaka ta xivono.

1 SAMIELE 2:35

kutani ndzi ta tilavela muprista la tshembekeke, loyi a nga ta tirha hilaha ndzi swi tsakelaka hakona embilwini ya mina ni le moyeni wa mina. Ndzi ta n'wi nyika vatukulu lavo tala, kutani ú ta tirhela Muhlawuriwa wa mina hilaha ku nga heriki.

1 SAMIELE 2:36

Un'wana ni un'wana wa rixaka ra wena la nga ta sala, ú ta titsongahata emahlweni ka muprista loyi; ú ta kombela mali eka yena, kumbe vuswa, a kombela ni ku amukeriwa exikarhi ka vaprista, leswaku a ta kuma swo tihanyisa ha swona.’ ”

Swivuriso 29:18

Vanhu lava nga kumiki switsundzuxo swa HOSI Xikwembu, va ta tshika milawu; ku katekile lava hlayisaka nawu wa HOSI Xikwembu.

Ezekiele 7:26

Makhombo ma ta khandzakanya, mahungu ya wona ma landzelelana. Lava kombelaka swivono eka vaprofeta, a va nga swi kumi, vaprista a va nga ha dyondzisi milawu, ni vakulukumba va ta tshika ku tsundzuxa van'wana.