1 SAMIELE 26:8 - BIBELE Mahungu Lamanene

⁸ Kutani Abixayi a ku ka Davhida: “Namuntlha, HOSI Xikwembu xi nyiketile nala wa wena emavokweni ya wena. Ndzi tshike ndzi n'wi tlhava kan'we hi tlhari, ndzi n'wi katsa na misava. Ndzi nge kali ndzi n'wi tlhava kambirhi!”

Xitsonga (Bibele)

⁸ Abixayi a ku eka Davhida: “Namuntlha Xikwembu xi nyiketile nala wa wena evokweni ra wena; sweswi ndzi pfumelele ndzi n'wi tlhava hi tlhari, ndzi n'wi bela ehansi kan'we; a ndzi nga ha bi ra vumbirhi.”

1 SAMIELE 26:8 Referans Kwoze

1 SAMIELE 24:4

Vavanuna lava va hlevela Davhida va ku: “Leri hi rona siku leri HOSI Xikwembu xi ri vuleke, loko xi ku tivisa leswaku xi ta nyiketa nala wa wena emavokweni ya wena, ni leswaku u ta endla ha yena leswi u swi lavaka.” Kutani Davhida a tshinela hi ku nyandlamela, a tsema xichupu emakumu ka xiambalo xa Sawulo.

1 SAMIELE 26:23

HOSI Xikwembu xi hakela munhu un'wana ni un'wana la lulameke, la tshembekeke! Namuntlha, a xi ku nyiketile emavokweni ya mina, kambe a ndzi swi lavanga ku tshambuluta voko ra mina, ndzi ku vavisa, wena muhlawuriwa wa xona.

1 SAMIELE 23:14

Davhida ú yile a ya tumbela emakocokocweni, emagangeni ya mananga ya le Zifi, a tshama kona. Masiku hinkwawo, Sawulo a a famba a lava Davhida, kambe Xikwembu a xi n'wi nyiketanga emavokweni ya yena.

Vaavanyisi 1:4

Va ka Yuda va ya eku lweni, kutani HOSI Xikwembu xi nyiketa Vakanana ni Vaperesi emavokweni ya vona, va va hlula eBezeki, va dlaya vanhu vo ringana 10 000 loko va ri eBezeki, va kuma na Adoni-Bezeki, va lwa na yena.

Yoxuwa 21:44

HOSI Xikwembu xi va wisisile matlhelo hinkwawo hilaha xi hlambanyeleke vatata wa vona hakona. A ku vanga na un'we wa valala va Vaisraele loyi a a va tiyela hikuva HOSI Xikwembu a xi nyiketile valala va vona hinkwavo emavokweni ya vona.

Duteronoma 32:30

Xana munhu a nga hlongorisa vanhu va gidi a ri yexe xana? Hambi vanhu vambirhi va nga hlula vanhu va khume ra magidi ke? E-e, sweswo swi nga endleka ntsena loko HOSI Xikwembu, Ribye ra vona leri tiyeke, xi lo va tshika, xi va fularhela.

Varhoma 11:32

Hikuva Xikwembu xi endlile leswaku vanhu hinkwavo va tsandzeka ku yingisa, leswaku xi ta kota ku va tsetselela hinkwavo.

Nahume 1:9

Xana i xikungu muni lexi mi xi tshamaka HOSI xana? Xikungu xexo, yi ta xi herisela makumu, yi nga ka yi nga tirihiseli kambirhi eka valala va yona.

Pisalema 31:8

A wu ndzi nyiketanga eka valala va mina, u ndzi famba-fambisile hinkwako hi ku ntshunxeka.

1 SAMIELE 26:7

Vusiku byebyo, Davhida na Abixayi va ya laha masocha ya Sawulo a ma govile kona, va kuma Sawulo a etlele enxaxeni wa le xikarhi, vurhongo byi khomile, tlhari ra yena ri dzimiwile etinhlokweni ta yena; Abinere ni masocha a va etlele va n'wi rhendzerile.

1 SAMIELE 26:9

Kambe Davhida a hlamula a ku: “U nga tshuki u n'wi vavisa, hikuva munhu loyi a khumbaka muhlawuriwa wa HOSI Xikwembu, ú ta tivangela nandzu lowukulu emahlweni ka xona.”

2 SAMIELE 16:9

Kutani Abixayi n'wana Seruya a ku ka Davhida: “Xana u yi tshikela yini mbyana leyi yo fa, yi ku rhuketela, wena hosi n'wini wanga, xana? Ndzi pfumelele ndzi tsemakanya, ndzi ya n'wi tsema nhloko.”

Yeremiya 40:15

Hiloko Yohanani n'wana Kariyaka a vulavula na Gedaliya le Mispa va ri vambirhi exihundleni, a ku: “Ndzi tshike ndzi ya dlaya Iximaele n'wana Netaniya; mhaka leyi a yi nga tivi hi munhu. Hi fanele ku n'wi sivela ku ku dlaya, hikuva ú lava ntsena leswaku va ka Yuda hinkwavo lava hlengeletaneke laha ka wena va tlhela va hangalasiwa ematikweni, kutani masalela ya va ka Yuda ma heriseriwa makumu.”

1 SAMIELE 24:5

Kambe endzhaku ka loko a tsemile xiambalo xa Sawulo, a biwa hi ripfalo,