1 SAMIELE 26:12 - BIBELE Mahungu Lamanene

¹² Kwalaho Davhida a teka tlhari leri a ri ri etinhlokweni ta Sawulo ni gula ra mati, va suka va famba. A ku vanga na un'we enxaxeni loyi a swi voneke, hambi ku ri ku swi twa, kumbe ku pfuka, hikuva HOSI Xikwembu a xi va etlerisile hi vurhongo lebyikulu.

Xitsonga (Bibele)

¹² Davhida a teka tlhari ni nghotsa evuseketelweni bya Sawulo, kutani va famba. Kambe a va voniwanga hi munhu ni ku tiviwa; a ku pfukanga na un'we, hikuva a va etlele hinkwavo; Yehovha a a va etlerisile hi vurhongo lebyo tika.

1 SAMIELE 26:12 Referans Kwoze

Genesa 2:21

Hiloko HOSI Xikwembu xi etlerisa munhu vurhongo lebyikulu, kutani loko a ha etlele, xi hlomula rimbambu rin'we eka yena, xi tlhela xi pfala hi nyama laha a ri ri kona.

Genesa 15:12

Loko dyambu ri ya eku peleni, Abrama a khomiwa hi vurhongo lebyikulu; kutani a tikuma a funengetiwile hi munyama lowukulu wo chavisa,

Esaya 29:10

HOSI Xikwembu xi mi huhuterile moya wa vurhongo lebyikulu; xi pfarile mahlo ya n'wina, va nga vaprofeta, xi khubumeta ni tinhloko ta n'wina, va nga vamavonakule.

Estere 6:1

Hosi Ahasuwerusi a a ri ni nkelunkelu vusiku byebyo. Kutani a lerisa leswaku va n'wi tisela buku ya matimu, laha ku tsariwaka timhaka leti ti faneleke ku tsundzukiwa. Kunene matsalwa ya kona ma tisiwa ku ta hlayiwa emahlweni ka yena.

1 SAMIELE 26:7

Vusiku byebyo, Davhida na Abixayi va ya laha masocha ya Sawulo a ma govile kona, va kuma Sawulo a etlele enxaxeni wa le xikarhi, vurhongo byi khomile, tlhari ra yena ri dzimiwile etinhlokweni ta yena; Abinere ni masocha a va etlele va n'wi rhendzerile.

1 SAMIELE 24:4

Vavanuna lava va hlevela Davhida va ku: “Leri hi rona siku leri HOSI Xikwembu xi ri vuleke, loko xi ku tivisa leswaku xi ta nyiketa nala wa wena emavokweni ya wena, ni leswaku u ta endla ha yena leswi u swi lavaka.” Kutani Davhida a tshinela hi ku nyandlamela, a tsema xichupu emakumu ka xiambalo xa Sawulo.

1 SAMIELE 26:13

Kutani Davhida a tsemakanya nkova, a yima kulenyana enhlohlorhini ya xintshabyana; a ku ri ni mpfhuka swinene exikarhi ka yena ni mixaxa ya Sawulo.