1 SAMIELE 26:10 - BIBELE Mahungu Lamanene

¹⁰ Davhida a engeta a ku: “Ndza hlambanya emahlweni ka HOSI Xikwembu lexi hanyaka, ndzi ri: HOSI Xikwembu, hi xona xi nga ta lovisa Sawulo: Ku nga va loko siku ra yena ra ku fa ri ta va ri fikile, kumbe a ya fela enyimpini.

Xitsonga (Bibele)

¹⁰ Davhida a ku: “Yehovha wa hanya! I Yehovha ntsena a nga ta n'wi ba, hambi siku ra ku fa ka yena ri fika, kumbe loko a ya eku lweni a dlawa kona!

1 SAMIELE 26:10 Referans Kwoze

Duteronoma 31:14

Kutani HOSI Xikwembu xi ku ka Muxe: “Masiku ya wena ya ku fa ma le kusuhi; hikokwalaho vitana Yoxuwa, mi ta swin'we eka Ntsonga lowo Hlawuleka, ndzi ta n'wi lerisa.” Hiloko Muxe na Yoxuwa va ya swin'we eka Ntsonga lowo Hlawuleka.

Genesa 47:29

Loko nkarhi wa yena wa ku hundza emisaveni wu ri kusuhi, Yakobo a vitana n'wana wa yena Yosefa, a ku ka yena: “Loko u ndzi tsakela hakunene, ndzi kombela leswaku u vekela voko ra wena exikarhi ka milenge ya mina, u tiboha leswaku u ta va munhu wo tshembeka, wa ntiyiso, eka mina: U nga tshuki u ndzi lahla laha tikweni ra Egipta,

Varhoma 12:19

Varhandziwa, mi nga tshuki mi tirihisela mi ri n'wina; kambe kendlukelani vukari bya Xikwembu, hikuva ku tsariwile va ku: “Ku rihisa i ka mina; hi mina loyi ndzi nga ta rihisela, ku vula Hosi.”

Pisalema 37:13

kambe N'wini wa hinkwaswo ú hleka lavo homboloka, hikuva wa swi vona leswaku siku ra ku avanyisiwa ka vona ri le kusuhi.

1 SAMIELE 31:6

Sawulo a fisa sweswo, a fa siku rin'we ni vana va yena vanharhu, ni mutameri wa matlhari ya yena, ni masocha ya yena hinkwawo.

1 SAMIELE 25:38

Endzhaku ka masiku yo lava ku ringana khume, HOSI Xikwembu xi tlhela xi ba Nabala nakambe, kutani a fa.

1 SAMIELE 25:26

Sweswi ke, n'wini wanga, ndza tiyisa hi ku hlambanya emahlweni ka HOSI Xikwembu lexi hanyaka ni le mahlweni ka wena, ndzi ri: Hi xona Xikwembu lexi ku siveleke ku tirihisela hi wexe ni ku halata ngati ya vanhu. Valala va wena ni lava ringetaka ku ku endla swo biha, a va fane na Nabala, wena n'wini wanga.

Duteronoma 32:35

ku kondza ku fika siku leri ndzi nga ta va ba ha rona ndzi rihisela, ri nga siku leri va nga ta rhetemuka va wa; siku ra vona ra khombo a ri le kule, va ta hela ku nga ri khale.

Nhlavutelo 18:8

Hikwalaho ka swona, mintungu hinkwayo yi ta n'wi wela henhla hi siku rin'we, a kuma mavabyi yo chavisa, ni mahlomulo, ni ku sika, kutani ú ta hisiwa hi ndzilo, hikuva Hosi Xikwembu, muavanyisi wa yena, xi ni matimba lamakulu.”

Vaheveru 9:27

Tanihi leswi ku lulamisiweke leswaku vanhu va fa kan'we, kutani endzhaku ka swona ku ta ku avanyisiwa,

Luka 18:7

Kutani, xana Xikwembu a xi nga avanyiseri vahlawuriwa va xona, ni ku va lehisela mbilu, vona lava huwelelaka eka xona vusiku ni nhlekanhi, xana?

Eklesiasta 3:2

Ku ni nkarhi wo velekiwa, ni nkarhi wa ku fa; ku ni nkarhi wa ku byala, ni nkarhi wo tsuvula leswi byariweke.

Pisalema 94:23

Lavo homboloka xi ta va ba hikwalaho ka vubihi bya vona, xi ta va herisa hi mhaka ya swiendlo swa vona; hakunene HOSI Xikwembu xa hina xi ta va herisela makumu.

Pisalema 37:10

Ku nga ri khale, lavo homboloka va ta nyamalala, u ta va lava endhawini ya vona, kambe u nge va kumi.

Ntirho 14:14

Loko munhu a a kota ku fa a tlhela a hanya, a ndzi ta tiyisela emaxangwini ya mina hinkwawo, ndzi yimela ku ntshunxiwa eka wona.

Ntirho 14:5

Masiku ya munhu ma pimiwile, hi wena u tivaka ntsengo wa malembe ya yena ya ku hanya; u n'wi bele mindzilekana leyi a tsandzekaka ku yi tlula.

Ntirho 7:1

“Laha misaveni, munhu ú rhwexiwa ntirho lowu a nga wu laviki, vutomi bya yena byi fana ni bya muthoriwa.

1 SAMIELE 24:15

HOSI Xikwembu a xi hi avanyise, xi komba loyi a nga mudyohi exikarhi ka mina na wena. A xi kambisise mhaka ya mina, xi yi tsema, xi ndzi kutsula emavokweni ya wena.”

Vaheveru 10:30

Hikuva ha n'wi tiva loyi a nga te: “Ku rihisa i ka mina, hi mina ndzi nga ta ba vadyohi.” A engeta a ku: “Hosi yi ta avanyisa tiko ra yona.”

1 SAMIELE 24:12

HOSI Xikwembu a xi kombe loyi a nga mudyohi exikarhi ka mina na wena; a xi ve xona lexi xi ndzi rihiselaka eka wena, hikuva mina ndzi nga ka ndzi nga ku khumbi.

1 SAMIELE 25:39

Loko Davhida a twa leswaku Nabala ú lovile, a ku: “A ku nkhensiwe HOSI Xikwembu lexi yimeke na mina, emhakeni ya ku rhuketeriwa ka mina hi Nabala. HOSI Xikwembu xi ndzi siverile ku endla leswo biha, mina nandza wa xona, xi bile Nabala hi xoxe hikwalaho ka mintirho ya yena leyo biha.” Kutani Davhida a rhuma vanhu va ya gangisa Abigayele, leswaku a va nsati wa yena.

1 SAMIELE 31:4

Hiloko a lerisa mutameri wa matlhari ya yena, a ku: “Hlomula fumu ra wena, u ndzi tlhava ha rona, hikuva ndzi chava leswaku vanhu lava nga yimbangiki lava, va nga ndzi dlaya, va tlhela va tlanga hi ntsumbu wa mina.” Kambe mutameri wa matlhari a ala ku endla sweswo, hikuva a a chava ngopfu. Kavaloko Sawulo a hlomula fumu ra yena, a titlhava ha rona.