1 SAMIELE 22:2 - BIBELE Mahungu Lamanene

² Vanhu hinkwavo lava a va xaniseka, ni hinkwavo lava a va ri ni milandzu ya mali, ni hinkwavo lava a va ri eku vileleni, va hlengeletana eka yena, kutani a hundzuka murhangeri wa vona. Vanhu lava va nga ya va ya tshama na yena, a va lava ku ringana 400.

Xitsonga (Bibele)

² Kavaloko vanhu hinkwavo lava nga eku chaveni, ni hinkwavo lava ingi va ri ni milandzu ni hinkwavo lava vavisekaka emimoyeni ya vona, va hlengeletana eka yena, kutani a va hosi ya vona. Vanhu lava lavaka ku va mune wa madzana a va ri na yena.

1 SAMIELE 22:2 Referans Kwoze

Matewu 11:28

“Tanani ka mina, n'wina hinkwenu lava karheleke, ni lava tikeriwaka, ndzi ta mi wisisa.

1 SAMIELE 30:6

Davhida a a ri ekhombyeni lerikulu; vanhu a va vulavula hi ku n'wi khandla hi maribye, hikuva a va khunguvanyekile swinene hikwalaho ka ku khomiwa ka vana va vona va majaha ni vanhwana. Hambiswiritano, Davhida a tiyisela, a tshemba HOSI Xikwembu xa yena.

1 SAMIELE 25:13

Kutani Davhida a lerisa vavanuna va yena, a ku: “Un'wana ni un'wana a a khome fumu ra yena!” Kutani va endla tano hinkwavo. Davhida na yena a khoma ra yena, kutani vavanuna va kwalomu ka 400 va huma nyimpi na Davhida, van'wana va 200 va sala ni tinhundzu.

1 SAMIELE 23:13

Hiloko Davhida ni masocha ya yena ya kwalomu ka 600 va suka emutini wa Keyila hi ku hatlisa, va rhendzeleka-rhendzeleka na tiko. Loko mahungu ya leswaku Davhida ú balekile eKeyila ma fika etindleveni ta Sawulo, a tshika makungu ya yena yo ya n'wi lava le Keyila.

1 SAMIELE 9:16

“Mundzuku hi nkarhi wolowu, ndzi ta ku rhumela wanuna la humaka etikweni ra Benjamini. U ta n'wi veka mufambisi wa tiko ra mina ra Israele hi ku n'wi chela mafurha enhlokweni. Hi yena la nga ta lamulela tiko ra mina emavokweni ya Vafilista, hikuva ndzi langutile tiko ra mina, ndzi twa ni xirilo xa rona.”

Vaavanyisi 11:3

Kutani Yefta a baleka vamakwavo a ya tshama etikweni ra Toba, a tihlanganisa ni vavanuna vo ka va nga pfuni nchumu lava a va hamba va rhendzeleka na yena.

Vaheveru 2:10

Hikuva a swi fanela leswaku Xikwembu, lexi swilo hinkwaswo swi hanyelaka xona ni ku hlayisiwa hi xona, loko xi fikisa vana va xona lavo tala eku kwetsimeni, xi endla leswaku murhangeri wa ku ponisiwa ka vona a va loyi a hetisekeke, hi mhaka ya ku vaviseka ka yena.

Matewu 11:12

Ku sukela enkarhini wa Yohane Mukhuvuri ku fikela enkarhini wa sweswi, ku ngheniwa eMfun'weni wa matilo hi ku tirhisa matimba, kutani va matimba hi vona lava titekelaka wona.

Swivuriso 31:6

Byalwa, nyika munhu loyi a nga kusuhi ni ku fa, ni lava khunguvanyekeke ngopfu emoyeni, va nyike vhinyo,

2 TIHOSI 20:5

“Famba, u ya byela Hezekiya mufambisi wa tiko ra mina, leswaku HOSI Xikwembu xa Davhida kokwa wa yena xi vurisa sweswo xi ri: ‘Xikhongelo xa wena ndzi xi twile, ndzi vonile ni mihloti ya wena. Hikokwalaho, ndzi ta ku horisa, kutani ku sukela mundlwani, u ta kota ku tlhandlukela endlwini ya mina.

2 SAMIELE 17:8

Huxayi a engeta a ku: “Wa swi tiva leswaku tata wa wena ni masocha ya yena i vanhu va matimba, ni leswaku va leva ku fana ni ntswele ya xinkankanka leyi tekeriweke vana va yona enhoveni. Naswona, tata wa wena i munhu loyi a tivaka swa tinyimpi; a nga ka a nga etleli ndhawu yin'we ni masocha ya yena.

2 SAMIELE 5:2

Khale loko Sawulo a ha ri hosi ya hina, hi wena u fambiseke mavuthu ya Israele enyimpini; naswona HOSI Xikwembu xi ku tshembisile xi ku: ‘Hi wena loyi u nga ta va murisi ni mufambisi wa tiko ra mina ra Israele.’ ”

Vaavanyisi 18:25

Va ka Dani va ku ka yena: “U nga hi beli huwa, hikuva loko wo hlundzukisa vavanuna lava, va nga ku ba va ku dlaya, wena ni va ndyangu wa wena.”

1 SAMIELE 22:3

Loko a suka kona, Davhida a ya emutini wa Mispe le Mowabu, a ya vulavula ni hosi ya Mowabu, a ku: “Ndzi kombela leswaku u pfumelela tata wa mina ni mana wa mina ku huma ebakweni va ta laha ka n'wina Vamowabu, ndzi ko ndzi tiva makungu ya Xikwembu ehenhla ka mina.”

2 TIHOSI 4:1

Siku rin'wana, wansati loyi a a tekiwile hi un'wana wa vadyondzisiwa va vaprofeta, a ta ni xirilo eka Elixa, a ku: “Nuna wa mina loyi a a ri nandza wa wena, ú file. Wa n'wi tiva leswaku a a ri munhu loyi a a chava HOSI Xikwembu; hina a hi lombiwile mali, kambe n'wini wa yona ú tile a ta teka majaha ya mina mambirhi, a ma endla mahlonga ya yena.”