1 SAMIELE 2:8 - BIBELE Mahungu Lamanene

⁸ HOSI yi humesa xisiwana entshurini, yi pfuxa mupfumari etaleni, yi va tshamisisa ni tinganakana, va nyikiwa xiyimo xa vuchaviseki, hikuva masungulo ya misava i ya HOSI, yi akile ntumbuluko ehenhla ka wona.

Xitsonga (Bibele)

⁸ Wa pfuxa mupfumari ethyakeni, Ku va tshamisa ni tihosi, Ni ku va avela swiluvelo swa ntwalo. Hikuva masungulo ya misava i ya Yehovha; U tiyisile misava ehenhla ka wona.

1 SAMIELE 2:8 Referans Kwoze

Daniele 2:48

Kutani hosi yi fundzha Daniele hi ku n'wi humesela tinyiko leto tala to saseka, yi n'wi endla mulanguteri wa xifundzha hinkwaxo xa Babilona, yi n'wi veka ni ku va murhangeri wa tintlhari hinkwato ta Babilona.

Yakobo 2:5

Yingisani vamakwerhu lava rhandzekaka: Xana Xikwembu a xi hlawulanga lava nga swisiwana emisaveni leyi leswaku va va lava fuweke hi tlhelo ra ku pfumela xana? Xana a xi va hlawulelanga ku dya ndzhaka ya Mfumo lowu xi wu tshembiseke lava va xi rhandzaka xana?

Daniele 6:3

kambe a a hambene ni tihosana ni valanguteri lavan'wana, hikuva yena a a lulamile ngopfu; kutani hosi Dariyosi a ehleketa ku n'wi veka mulanguteri wa tiko ra yena hinkwaro.

Nhlavutelo 1:6

a hi endla tiko, ni ku va vaprista lava tirhelaka Xikwembu Tata wa yena, eka yena Kriste a ku ve ku dzuneka ni matimba, hilaha ku nga heriki! Amen.

Eklesiasta 4:14

Loko ka ha fuma hosi leyi, jaha ri humesiwa ekhotsweni, ri vekiwa ku va murhangeri, hambileswi ri velekiweke evusiwaneni.

1 SAMIELE 15:17

Kutani Samiele a ku: “Hambileswi u tivonaka u ri munhu ntsena, xana a hi wena mufambisi wa tinyimba ta Israele, xana? HOSI Xikwembu xi vekile wena ku va hosi ya Israele, hi ku ku chela mafurha enhlokweni.

Nhlavutelo 22:5

Vusiku a byi nga ha vi kona, a va nga ha lavi ku vonakala ka rivoni kumbe ka dyambu, hikuva Hosi Xikwembu xi ta va ku vonakala ka vona, kutani va ta fuma hilaha ku nga heriki.

Nhlavutelo 5:10

U va endlile tiko, ni ku va vaprista lava tirhelaka Xikwembu xa hina, kutani va ta va tihosi emisaveni.”

2 SAMIELE 7:8

HOSI Xikwembu xi engeta xi ku ka Natani: “Sweswi u ta byela nandza wa mina Davhida leswaku mina HOSI ya matimba hinkwawo ndzi ri: ‘Ndzi ku hlawurile, ndzi ku susa eku riseni, u tshika ku landzelelana ni tinyimpfu, leswaku u ta va mufambisi wa vanhu va mina va Israele.

Nhlavutelo 3:21

Loyi a hlulaka, ndzi ta n'wi nyika ku tshama na mina exiluvelweni xa mina, kukotisa leswi na mina hi xiviri ndzi hluleke, kutani ndzi tshamaka ni Tata wa mina exiluvelweni xa yena.

Vaheveru 1:3

Hi yena loyi ku kwetsima ka Xikwembu ku tikombaka eka yena, kutani ú tekelele leswi Xikwembu xi nga swona hi xiviri xa xona; naswona ú tamele ntumbuluko hinkwawo hi rito ra yena ra matimba. Loko a hlantswile swidyoho swa vanhu, ú tshamile evokweni ra xinene ra Loyi a nga ni vukulu hinkwabyo, ehenhla matilweni,

Pisalema 104:5

U tiyisile misava emasungulweni ya yona, yi nga ka yi nga tsekatseki ni siku ni rin'we.

Pisalema 102:25

We HOSI, i khale u vekile masungulo ya misava, matilo i ntirho wa mavoko ya wena.

Pisalema 24:2

Xi andlarile misava ehenhla ka mati ya le hansi, xi yi tiyisile ehenhla ka swidziva.

Genesa 41:14

Kutani Faro a rhuma vanhu va ya vitana Yosefa ekhotsweni, va vuya na yena hi ku hatlisa. Kuteloko Yosefa a hetile ku byewula nhloko ni loko a ambarile swiambalo swin'wana, a ya emahlweni ka Faro.

Ntirho 2:8

Kutani Yobo a ya tshama etaleni, a teka xirhengele a tinwaya ha xona.

Genesa 41:40

U ta va mulanguteri wa muti wa mina, kutani vanhu hinkwavo va tiko ra mina va ta yingisa swileriso swa wena; mina ndzi ta ku tlula ntsena hi ku va exiluvelweni xa vuhosi.”

Daniele 4:17

Lawa i makungu ya valanguteri lavo hlawuleka ni xiboho xa vona. Hikokwalaho, vanhu hinkwavo va fanele ku tiva leswaku Loyi a nga henhla-henhla ú fuma tihosi hinkwato; a nga teka vuhosi hilaha a rhandzaka hakona, a nyika swikamba byi va bya swona.’

1 TIHOSI 16:2

“Wena Baaxa, a wu nga ri nchumu, kambe ndzi ku kurisile, ndzi ku veka ku va mufambisi wa tiko ra mina ra Israele. Kambe u hanyile hi tindlela ta Yerobuwamu; u dyohisile tiko ra mina ra Israele, kutani swidyoho leswi swa vona swi ndzi hlundzukisile ngopfu.

2 TIHOSI 9:6

Kutani va suka, va ya nghena endlwini ya le xikarhi. Hiloko jaha ri chela Yehu hi mafurha enhlokweni, ri ku ka yena: “HOSI Xikwembu xa Israele xi vurisa sweswo, xi ri: ‘Hi mafurha lawa, ndzi ku veka ku va hosi ya vanhu va mina, va nga Vaisraele.

Ntirho 1:21

a ku: “Ndzi velekiwile ndzi nga ri na nchumu, ndzi ta fa ndzi nga ri na nchumu. HOSI Xikwembu xi nyikile, kambe xi tlhele xi teka. A ku dzunisiwe vito ra xona!”

Pisalema 75:3

Hambiloko misava yi tsekatseka ni vaaki va yona hinkwavo, mina ndza ha ta tiyisa masungulo ya yona.

Pisalema 75:7

hikuva i Xikwembu lexi avanyisaka, van'wana xa va tsongahata, van'wana xa va tlakusa.

Pisalema 107:41

Kutani xi ta humesa swisiwana eku xanisekeni ka swona, xi ta andzisa mindyangu ya swona ni mintlhambi ya swona.

Esaya 22:23

Ndzi ta n'wi belela a tiya, ku fana ni mhingu leyi beleriweke yi tiya swinene. Va ka vona va ta tidzunisa hi yena.

Pisalema 75:4

Hikokwalaho, ndzi byela vatikurisi ndzi ri: Tshikani ku tikurisa! Eka lavo homboloka, ndzi ri: Mi nga tshembi matimba ya n'wina!