1 SAMIELE 2:5 - BIBELE Mahungu Lamanene

⁵ Vanhu lava khale a va dya va xurha, sweswi va famba va tirhela vuswa; kambe lava khale a va sika, sweswi a va ha etleli na ndlala. Mhika yi veleka vana va 7, kasi loyi a a ri ni vana lavo tala, ú lo sala a ri yexe.

Xitsonga (Bibele)

⁵ Lava xurheke va tirhela vuswa, Kambe lava tweke ndlala, va wisa; Lowa mhika u veleka eka ntlhanu na kambirhi, Kambe la nga ni vana lavo tala, u tshama ntsena.

1 SAMIELE 2:5 Referans Kwoze

Luka 1:53

Lava nga ni ndlala, ú va phamerile leswo nandziha, va dya va xurha, kambe lavo fuma ú va tlherisile va nga ri na nchumu.

Pisalema 113:9

Wansati loyi a a ri mhika, xi n'wi nyika ku tshamiseka emutini, ni ntsako wo veleka vana. Dzunisani HOSI!

Yeremiya 15:9

Hambi loyi a a ri ni vana va 7, ú wile a titivala, nhlekanhi wu n'wi hundzukela munyama, a khoma hi tingana, a titwa a nga ha ri nchumu. Vanhu lava nga ta tshuka va ponile, ndzi ta va nyiketa eka valala, va va dlaya. Ndzi vula sweswo mina HOSI.”

Pisalema 34:10

Tinghala ti nga ha pfumala swakudya, ti twa ndlala, kambe lava lavaka HOSI Xikwembu, a va nga pfumali xilo ni xin'we lexo saseka.

Luka 16:25

Kambe Abrahama a ku: ‘N'wananga, tsundzuka leswaku u kumile rifuwo evutomini bya wena, kasi Lazaro yena a a vaviseka enkarhini wolowo; kambe sweswi wa chaveleriwa haleno, kasi wena u twisiwa ku vaviseka.

Esaya 54:1

HOSI Xikwembu xi ri: “We Yerusalema, a wu fana ni wansati loyi a nga velekiki, loyi a nga riki na n'wana na un'we; a wu fana ni wansati loyi a tshikiweke hi nuna, kambe sweswi yimbelela, u ba ni nkulungwana, hikuva u ta va ni vana vo tala, ku tlula wansati loyi a nga si tshamaka a hambana ni nuna wa yena.

1 SAMIELE 1:6

Kutani Penina a a tala ku karhata nkatikulobye Hana, a n'wi hlekula hi mhaka ya leswi HOSI Xikwembu a xi n'wi tsonile vana.

1 SAMIELE 1:20

a tika, kutani loko nkarhi wa yena wu fikile, a kuma n'wana wa mufana, a n'wi thya vito ra Samiele, hikuva a a ku: “Ndzi n'wi komberile eka HOSI Xikwembu.”

Vagalatiya 4:27

Hikuva ku tsariwile va ku: “Tsaka wena mhika, la nga kumiki swihlangi, bana nkulungwana lowukulu, wena la nga twiki ku lumiwa ka ku veleka; hikuva wansati loyi a nga tshikiwa, ú ta va ni vana vo tala ku tlula wansati loyi a nga ni nuna.”

Rhuti 4:15

Ú ta ku antswisela vutomi ni ku va nxongotelo wa wena loko u dyuharile. Naswona muveleki wa n'wana loyi i n'wingi wa wena loyi u n'wi rhandzaka, loyi eka wena a tlulaka majaha ya 7.”

Esaya 33:9

Tiko ri omile, a ra ha ri na nchumu, mirhi ya Lebanoni ya nyumisa, yi vunile; rivala ra Xaroni ri hundzuke rikhwarha, eBaxani ni le Karmele, mirhi a ya ha ri na matluka.