1 SAMIELE 2:3 - BIBELE Mahungu Lamanene

³ Mi nga ha yi emahlweni mi tidzunisa, marito ya ku tikurisa ma nga ha humi emilon'wini ya n'wina, hikuva HOSI i Xikwembu xa vutivi, lexi kambisisaka mintirho ya vanhu.

Xitsonga (Bibele)

³ Mi nga ha tarisi marito ya n'wina ya ku tikurisa; Ku tikukumuxa ku nga ha humi emilon'wini ya n'wina; Hikuva Yehovha i Xikwembu lexi nga ni vutivi, Hi yena la ringanisaka maendlelo ya vanhu.

1 SAMIELE 2:3 Referans Kwoze

Swivuriso 8:13

Loyi a chavaka HOSI Xikwembu ú venga leswo biha. Ku tikurisa, ni ku tiarisa, ni mahanyelo layo biha, ni ku vulavula mavunwa, ndza swi venga.

1 TIHOSI 8:39

va yingise, wena HOSI, u ri evutshan'wini bya wena ematilweni, u va rivalela, u tlherisela un'wana ni un'wana wa vona hi ku ya hi mahanyelo ya yena ni makungu ya mbilu ya yena, hikuva hi wena ntsena u tivaka timbilu ta vanhu.

Swivuriso 24:12

Loko u ku: “Leswi, hina a hi nga swi tivi!” xana Loyi a vonaka swa le mbilwini, a nge swi kumi leswaku wa hemba xana? Loyi a hlayisaka vutomi bya wena, ú ta swi tiva, kutani ú ta avanyisa un'wana ni un'wana hi ku ya hi mintirho ya yena.

Vaheveru 4:12

Hikuva Rito ra Xikwembu ra hanya, naswona ra tirha, ri kariha ku tlula tlhari rin'wana ni rin'wana leri lotiweke matlhelo mambirhi, ri tlhava ku ya fika emahlanganeni ya hika ni moya, ni ya marhambu ni mongo, ri kota ku hlaya mianakanyo ni makungu ya mbilu.

Swivuriso 16:2

Hinkwaswo leswi munhu a swi endlaka, ú swi vona swi tengile, kambe HOSI Xikwembu xi kambela miehleketo ya yena.

Esaya 37:23

Xana loyi u n'wi sandzaka ni ku n'wi rhuketela, i mani xana? Xana i mani loyi u n'wi huweleleke, ni ku n'wi langutela hansi eku tikuriseni ka wena, xana? Hi mina Muhlawuleki wa Israele!

Pisalema 147:5

Xikwembu N'wini wa hina i xikulu, xi ni matimba ngopfu, vutlhari bya xona a byi pimeki.

Pisalema 94:4

Hinkwavo lava endlaka leswo biha, a hi ku rhukana ka vona loko va vulavula, va tibumabuma ngopfu.

Pisalema 44:21

xana a wu nga ta swi tiva xana, leswi u tivaka swihundla swa le mbilwini ya munhu?

Ntirho 31:6

Xikwembu a xi ndzi pime exikalweni lexi heleleke, xi ta swi vona leswaku ndzi hava nandzu.

1 SAMIELE 16:7

Kambe HOSI Xikwembu xi ku ka yena: “U nga languti ku saseka ka yena kumbe ku leha ka xiyimo xa yena, hikuva a ndzi n'wi hlawulanga. Mina HOSI, a ndzi yi hi leswi vanhu va vonaka swona; vanhu va languta nghohe, kambe mina HOSI ndzi languta mbilu.”

Nhlavutelo 2:23

Ndzi ta dlaya vana va yena, kutani tikereke hinkwato ti ta tiva leswaku hi mina loyi a kambisisaka mianakanyo ni timbilu. Kutani ndzi ta avanyisa un'wana ni un'wana wa n'wina hi ku ya hi mintirho ya n'wina.

Malakiya 3:13

HOSI Xikwembu xi ri: “Marito ya n'wina ma ndzi vavisa mbilu, kambe n'wina mi ri: ‘Hi ku vavisa loko hi vula yini xana?’

Daniele 5:27

‘Tekele’, swi vula ku pima. U pimiwile exikalwini, kutani u kumekile u ri la vevukaka.

Daniele 4:37

Kutani sweswi mina Nebukadnetsara, ndzi dzunisa Hosi ya matilo, ndzi yi tlangela ni ku yi komba xichavo, hikuva mintirho ya yona hinkwayo i yinene, ni tindlela ta yona ti lulamile; lava tikurisaka, ya swi kota ku va tsongahata.”

Yeremiya 17:10

loko ku nga ri hi mina HOSI, hikuva ndzi kambisisa miehleketo, ndzi ringeta ni timbilu ta vanhu, kutani ndzi hakela un'wana ni un'wana hi ku ya hi mahanyelo ya yena ni leswi a swi endlaka.”

Esaya 26:7

We HOSI, munhu wo lulama, u n'wi khulelela ndlela leyinene, budula leri a fambaka ha rona, ri basile.

Pisalema 17:10

Va file ripfalo, a va tsetseleli, va tikurisa hi ku vulavula.

Pisalema 31:18

Vahembi lava vo titshemba ni ku tikukumuxa, lava nga chaviki ku lumbeta munhu wo lulama, va hundzule timbheveve!

Pisalema 75:5

Ina, tshikani ku titshemba hi ndlela leyi, mi nga vuli leswaku mi tiye ngopfu, tshikani ku tikukumuxa loko mi vulavula!”

Yoxuwa 22:22

“HOSI i Xikwembu xa matimba hinkwawo! HOSI Xikwembu xa matimba hinkwawo xa swi tiva, kutani na n'wina Vaisraele mi fanele ku swi tiva! Loko hi fularhele HOSI Xikwembu, kumbe loko hi tlurile xileriso xa xona, namuntlha mi nga hi tsetseleli!

Vaavanyisi 9:38

Hiloko Zebulu a ku ka Gaali: “Xana u lo tsemeka nomo xana? A hi wena a wu ku: ‘Abimeleke wa kona o va mani, hi nga ta kala hi n'wi tirhela’ xana? Vanhu lava a wu va sandza, hi lava! Huma, u ya lwa na vona.”

Ezekiele 35:13

Mi lwile na mina hi ku tikurisa ngopfu, mi nga hlawuli marito loko mi vulavula, kambe mina ndzi mi twile!