1 SAMIELE 15:3 - BIBELE Mahungu Lamanene

³ Kutani sweswi, famba u ya hlasela Vaamaleke, u herisa hinkwaswo leswi va nga na swona, swi ku bì! U nga va tsetseleli, kambe u dlaya vavanuna hinkwavo ni vavasati; hambi va ri vana kumbe swihlangi swa le makatleni, hambi ti ri tihomu kumbe tinyimpfu, hambi ti ri tikamela kumbe timbhongolo, dlaya hinkwaswo!”

Xitsonga (Bibele)

³ Sweswi, famba u ya hlasela Amaleke, mi yirisa hinkwaswo leswi nga swa yena; u nga tshuki u n'wi tsetselela, kambe u ta dlaya vavanuna ni vavasati, ni vana ni swihlangi leswi an'waka ni tihomu ni tinyimpfu, ni tikamela ni timbhongolo.’ ”

1 SAMIELE 15:3 Referans Kwoze

Tinhlayo 24:20

Kutani Balaama a languta etlhelo ra tiko ra Amaleke, a sungula ku tlhokovetsela, a ku: “Vaamaleke a va tlula va matiko man'wana hi matimba, kambe eku heteleleni va ta herisiwa va nyamalala.”

1 SAMIELE 22:19

Na wona Nobo muti wa vaprista, Sawulo a lerisa leswaku wu herisiwa hi fumu; ku dlayeteriwa vavanuna ni vavasati, vana ni swihlangi swa le makatleni, tihomu ni timbhongolo ni tinyimpfu, hinkwaswo swi herisiwa swi ku bì!

Tinhlayo 31:17

Kutani sweswi, exikarhi ka swihlangi swa Vamidiyani, dlayetelani swa xinuna hinkwaswo, mi dlaya ni vavasati hinkwavo lava nga tshama va tivana ni wanuna.

Eksoda 20:5

u nga tshuki u swi nkhinsamela, kumbe ku swi tirhela, hikuva mina HOSI Xikwembu xa wena, ndzi Xikwembu xa rilaveta: Ndzi ba lava va ndzi vengaka kun'we ni vana va vona, ku fika eka rixaka ra vona ra vunharhu ni ra vumune.

Genesa 36:12

Elifasi n'wana Esawu a a ri ni nsati lontsongo loyi a va ku i Timina, kutani Timina a velekela Elifasi n'wana loyi a va ku i Amaleke. Lava hi vona vatukulu va Ada nkata Esawu.

Eksoda 17:14

Kutani HOSI Xikwembu xi ku ka Muxe: “Vaamaleke, ndzi ta va herisela makumu emisaveni, ku nga sali na un'we loyi vanhu va nga ta va tsundzuka ha yena! Tsala marito lawa ebukwini, ma ta ka ma nga rivariwi, u ma hlayela na Yoxuwa.”

1 SAMIELE 14:48

Ú kombisile vunhenha bya yena ngopfu hi ku hlula Vaamaleke, a lamulela Vaisraele emavokweni ya vaxanisi va vona.

1 SAMIELE 15:9

Kutani Sawulo ni vanhu va yena va tsetselela Agaga, va siya tinyimpfu ni tihomu leto saseka, ni swifuwo leswi noneke, ni swinyimpfana, ni hinkwaswo leswinene, va nga lavi ku swi herisa; kambe swilo hinkwaswo leswi nga pfuniki nchumu, ni leswi nga riki na risima, va swi herisa.

1 SAMIELE 15:18

Ku lerisa ka HOSI Xikwembu loko xi ku rhuma, a ku ri leswaku u ya herisa vadyohi lava va ka Amaleke, u va hlasela va kondza va heriseriwa makumu.

1 SAMIELE 27:9

Davhida a hlasela tiko leri hinkwaro, a nga tsetseleli, a dlaya hambi wanuna kumbe wansati, naswona a phangha tinyimpfu, ni tihomu, ni timbhongolo, ni tikamela, ni swiambalo, a vuya na swona eka Akixi.

1 SAMIELE 30:17

Kutani Davhida a va hlasela, ku sukela nimpundzu, ku fikela madyambu ya siku leri tlhandlamaka. A ku ponanga ni un'we wa vona, ehandle ka majaha ya 400 lama balekeke ma gadile tikamela.

2 SAMIELE 1:8

Kutani a ndzi vutisa a ku: ‘Hi wena mani xana?’ Ndzi hlamula ndzi ku: ‘Mina ndzi Muamaleke.’

Yoxuwa 10:39

va wu teka; va teka ni hosi ya wona ni swimitana swa wona hinkwaswo. Va dlayetela vaaki va muti hinkwavo hi fumu ku nga sali na un'we wa mhamba. Va endlile muti wa Debiri ni hosi ya wona leswi va swi endleke muti wa Hebroni, ni wa Lakixi ni hosi ya wona.