1 SAMIELE 13:2 - BIBELE Mahungu Lamanene

² Sawulo a hlawula vavanuna va 3 000 exikarhi ka Vaisraele, vavanuna va 2 000 va va na yena emutini wa Mikamaxa ni le magangeni ya Betele, kutani va 1 000 va va na Yonatani emutini wa Gibeya wa Benjamini. Sawulo a tlherisa vanhu lava saleke, un'wana ni un'wana a ya ekaya ka yena.

Xitsonga (Bibele)

² Sawulo a tihlawulela vanhu va Israele va 3 000; va 2 000 a va ri na Sawulo eMikamaxa ni le ntshaveni ya Betele, kambe va 1 000 a va ri na Yonatani eGibeya wa Benjamini; loko va ri lava seleke va tiko, a va rhuma un'wana ni un'wana entsongeni wa yena.

1 SAMIELE 13:2 Referans Kwoze

1 SAMIELE 10:26

Na yena Sawulo a ya ekaya ka yena eGibeya, a heleketiwa hi vuthu ra tinhenha leti Xikwembu xi khumbeke timbilu ta tona.

1 SAMIELE 14:31

Hi siku rero, Vaisraele va hlaserile Vafilista ku suka eMikamaxa ku ya fika le Ayaloni. Kambe vavanuna a va karhatiwile ngopfu hi ndlala.

1 SAMIELE 13:5

Kutani Vafilista va hlengeletana ku ya lwa ni Vaisraele. A va ri ni makalichi ya 3 000, ni vagadi va tihanci va 6 000, ni masocha layo tala kukota sava eribuweni ra lwandle. Kutani va hloma matlhari va ya gova eMikamaxa, hi tlhelo ra vuxa bya Beta-Avene.

1 SAMIELE 13:23

Vafilista va rhumela ntlawa wa masocha wu ya rindza xiphandze xa le kusuhi na Mikamaxa.

2 SAMIELE 21:6

Hi kombela ku nyiketiwa vana va yena va xinuna va 7, hi ta va hayeka emahlweni ka HOSI Xikwembu le Gibeya, emutini wa Sawulo muhlawuriwa wa HOSI Xikwembu.” Kutani hosi Davhida a hlamula a ku: “Hiswona, ndzi ta mi nyiketa vona.”

1 SAMIELE 15:34

Kutani Samiele a ya eRhama. Sawulo yena a tlhandlukela ekaya ka yena eGibeya.

1 SAMIELE 14:52

Hi nkarhi wa ku fuma ka Sawulo, nyimpi ya yena ni Vafilista a yi nga heli. Kutani loko Sawulo a vona munhu wo tiya kumbe nhenha, a a n'wi nghenisa eka mavuthu ya yena.

1 SAMIELE 14:5

Ribye rin'wana a ri yimile en'walungwini hi tlhelo ra Mikamaxa, lerin'wana edzongeni hi tlhelo ra Geba.

1 SAMIELE 8:11

kutani a ku: “Hosi leyi nga ta mi fuma, yi ta endlisa leswi: Yi ta teka majaha ya n'wina leswaku ma ya va vakhandziyi va makalichi ya yona ni vagadi va tihanci ta yona; va ta hamba va tsutsuma emahlweni ka makalichi ya yona.

Vaavanyisi 19:12

Kambe n'wini wa yena a ku: “A hi nga hambuki hi nghena emutini wa vanhu vambe lava nga riki Vaisraele; kambe hi ta hundzela eGibeya.”

Yoxuwa 18:28

na Sela, na Hayelefe, na Yebusi (hileswaku Yerusalema), na Gibeya, na Kiriyata-Yeyarimi. Miti ni swimitana swa yona i 14. Leyi hi yona ndzhaka ya va ka Benjamini hi ku ya hi mindyangu ya vona.

1 SAMIELE 10:5

Endzhaku ka sweswo, u ta fika emutini lowu vuriwaka ‘Xintshabyana-xa-Xikwembu’, laha ku nga ni vuthu ra Vafilista. Loko u nghena emutini, u ta hlangana ni ntlawa wa vaprofeta lava rhelelaka va huma exitsungeni lexo hlawuleka, va rhangeriwile hi vachayi va haripa, ni xingomana, ni xitiringo, ni xitende, va ri karhi va vhumbha.

1 SAMIELE 13:1

Sawulo a a ri ni malembe ya 30 loko a sungula ku fuma, kutani a fuma malembe mambirhi etikweni ra Israele.

1 SAMIELE 13:11

Samiele a n'wi vutisa a ku: “U endle yini xana?” Sawulo a hlamula a ku: “Ndzi vonile leswaku vanhu a va sungula ku hangalaka va ndzi tshika, ni leswaku wena a wu fikanga hi siku leri hi twananeke rona, kasi Vafilista a va hlengeletanile le Mikamaxa.

1 SAMIELE 13:15

Kavaloko Samiele a suka eGiligala a famba. Vanhu lavan'wana va landza Sawulo loko a ya kumana ni masocha ya yena. Va suka eGiligala, va tlhandluka va ya eGibeya wa Benjamini. Sawulo a hlaya vavanuna lava a va sele na yena, a kuma leswaku a va ri kwalomu ka 600.

1 SAMIELE 13:16

Kutani yena ni n'wana wa yena Yonatani, ni vavanuna lava a va sele na vona, va ya gova emutini wa Geba wa Benjamini. Kasi Vafilista a va dzimile mixaxa ya vona eMikamaxa.

1 SAMIELE 26:2

Hiloko Sawulo a khoma ndlela, a famba ni vavanuna va 3 000 lava hlawuriweke exikarhi ka Vaisraele, a rhelela a ya lava Davhida emananga ya Zifi.

2 SAMIELE 20:1

A ku ri ni munhu wa ka Benjamini loyi a a nga pfuni nchumu, loyi a va ku i Xeba n'wana Bikri; o tshuka a humelela le Giligala, a chaya nanga, a ku: “Erixakeni ra Davhida, ku hava lexi nga xa hina. A hi na ndzhaka erixakeni ra n'wana Yese. Tlhelelani emakaya n'wina hinkwenu, vavanuna va Israele!”

Yoxuwa 22:6

Kutani Yoxuwa a va katekisa, a va byela leswaku va muka; kutani va tlhelela emakaya ya vona.

1 SAMIELE 24:3

Loko va fika laha ku nga ni tshanga ra tinyimpfu ni bako, kusuhi ni ndlela, Sawulo a hambuka a nghena ebakweni ku ya tipfuna kona. Davhida ni vanhu va yena a va tumberile empfungwe ka bako rero.

2 SAMIELE 23:29

Helebe n'wana Baana wa le Netofa; Itayi n'wana Ribayi wa le Gibeya, etikweni ra Benjamini;

Ezra 2:27

va le Mikamasa i 122;

Nehemiya 11:31

Va ka Benjamini vona a va tshama emutini wa Geba, ni wa Mikamasa, ni wa Ayi, ni le mutini wa Betele ni le swimitaneni swa wona,