1 SAMIELE 12:3 - BIBELE Mahungu Lamanene

³ Hi mina loyi! Loko ndzi mi hoxerile, vulani sweswi emahlweni ka HOSI Xikwembu, ni le mahlweni ka Sawulo muhlawuriwa wa xona. Xana i mani loyi ndzi tshamaka ndzi n'wi tekela homu ya yena kumbe mbhongolo ya yena xana? Xana ndzi dyelerile mani? I mani loyi ndzi n'wi xaniseke xana? Xana ndzi amukerile mali eka mani yo ndzi pfala nomo xana? Loko a ri kona ndzi nga n'wi tlherisela.”

Xitsonga (Bibele)

³ Hi mina loyi; ndzi landzuleni emahlweni ka Yehovha, ni le mahlweni ka muhlawuriwa wa yena: Ndzi tekile homu ya mani xana? Ndzi tekile mbhongolo ya mani xana? Ndzi dyelele mani? Ndzi xanisile mani? Ndzi khandlile mani? Ndzi amukerile tinyiko emavokweni ya mani leswaku ndzi pfala mahlo ehenhla ka yena ndzi ta mi tlherisela swona!”

1 SAMIELE 12:3 Referans Kwoze

Timhaka 20:33

A ndzi lavanga mali ya silivhere kumbe ya nsuku, hambi xi ri xiambalo, eka munhu ni un'we.

Tinhlayo 16:15

Muxe a hlundzuka swinene, kutani a ku ka HOSI Xikwembu: “Magandzelo ya vona, u nga ma amukeri. Mina a ndzi tekanga nchumu xa vona, hambi xi ri xikukwana xinene, naswona a ndzi si khunguvanyisa ni un'we wa vona!”

1 Petro 5:2

Risani ntlhambi wa Xikwembu lowu nge hansi ka n'wina, mi wu hlayisa ku nga ri hi ku sindzisiwa, kambe ku ri hi ku swi rhandza, hilaha Xikwembu xi swi lavaka hakona, naswona ku nga ri hi ku langutela bindzu leri khomisaka tingana, kambe hi ku hiseka.

1 SAMIELE 24:6

kutani a ya byela vanhu va yena a ku: “Eka mina, mhaka leyi mi yi vulaka ya yila emahlweni ka HOSI Xikwembu: Ndzi nge pfuki ndzi khumbile n'wini wa mina, hikuva i munhu loyi HOSI Xikwembu xi n'wi hlawuleke hi ku n'wi chela mafurha enhlokweni.”

Duteronoma 16:19

Mi nga tshuki mi avanyisa timhaka hi ndlela leyi nga riki yona, naswona mi nga tshuki mi ya hi nghohe kumbe mi pfumela ku xaviwa, hikuva sweswo swi dlaya mahlo ya lavo tlhariha, kutani va gombonyokisa timhaka ta lava lulameke.

1 Vatesalonika 2:10

Mi timbhoni ta hina, na xona Xikwembu i mbhoni: Mahanyelo ya hina eka n'wina lava pfumeleke, a ma ri lawa yo tenga ni lawa yo lulama, ma nga ri na nandzu.

1 SAMIELE 12:5

Kutani Samiele a ku ka vona: “HOSI Xikwembu i mbhoni ya mina emahlweni ka n'wina namuntlha, na yena Sawulo muhlawuriwa wa xona i mbhoni ya mina, leswaku a mi kumanga nandzu ni wun'we eka mina.” Va hlamula va ku: “Kunene Xikwembu i mbhoni emhakeni leyi!”

1 SAMIELE 10:1

Kavaloko Samiele a teka rimhondzo ra mafurha, a ma chela enhlokweni ya Sawulo, kutani a n'wi ntswontswa a ku: “Hi mafurha lawa, hakunene HOSI Xikwembu xi ku veka ku va mufambisi wa tiko ra xona.

Eksoda 23:8

Mi nga tshuki mi pfumela ku xaviwa, hikuva swi dlaya mahlo ya lava vekiweke ku avanyisa timhaka, kutani va gombonyokisa ta vanhu lava vulavulaka ntiyiso.

1 Vatesalonika 2:5

Ma swi tiva swinene leswaku a hi ringetanga, ni siku ni rin'we, ku mi tsakisa kumbe ku mi kanganyisa hi marito, naswona a hi vulavulanga na n'wina hi ku susumetiwa hi makwanga. Xikwembu i mbhoni ya hina!

Eksoda 20:17

“U nga tshuki u navela yindlu ya munhu-kuloni, hambi a ri nsati wa yena, u nga n'wi naveli; ni nandza wa yena wa xinuna kumbe wa xisati, ni homu ya yena, ni mbhongolo ya yena, kumbe xilo xihi ni xihi lexi nga xa yena, u nga tshuki u xi navela.”

Luka 19:8

Hiloko Zakiya a suka a yima, a ku ka Hosi: “Vona Hosi, ndzi ta avanyisa rifuwo ra mina hi le xikarhi, ndzi nyika swisiwana; ni loko ndzi tekile xilo xa munhu hi ku n'wi xisa, ndzi ta n'wi tlherisela xona ka mune.”

Matewu 22:21

Va n'wi hlamula va ku: “I swa Khezari.” Kutani a ku ka vona: “Nyikani Khezari leswi nga swa Khezari, ni Xikwembu leswi nga swa Xikwembu.”

Levhitika 6:4

Loko munhu a tshuka a tivangele nandzu hi ku dyoha, ú fanele ku tlherisa leswi a swi kumeke hi ku dyelela, kumbe hi ku xanisa van'wana, kumbe leswi a a khomisiwile swona, kumbe leswi a swi lahlekile kutani yena a swi thumbha,

Eksoda 22:4

Kambe loko xifuwo lexi yiviweke xi kumiwa eka khamba leri xa ha hanya, hambi yi ri homu kumbe mbhongolo kumbe nyimpfu, khamba ri ta humesa swifuwo swimbirhi ku riha xin'we.

2 Vakorinto 12:14

Ndzi tilunghisele ku ta ra vunharhu le ka n'wina; a ndzi nga mi tikiseli, hikuva a ndzi lavi swilo swa n'wina, kambe ndzi lava n'wina vinyi; hikuva vana a hi vona lava fanelaka ku hlayisela vatswari exuma, kambe i vatswari lava fanelaka ku hlayisela vana.

1 SAMIELE 2:35

kutani ndzi ta tilavela muprista la tshembekeke, loyi a nga ta tirha hilaha ndzi swi tsakelaka hakona embilwini ya mina ni le moyeni wa mina. Ndzi ta n'wi nyika vatukulu lavo tala, kutani ú ta tirhela Muhlawuriwa wa mina hilaha ku nga heriki.

1 SAMIELE 12:4

Kambe va hlamula va ku: “A wu hi dyelelanga. A wu hi xanisanga. A wu tekanga nchumu xa munhu wihi na wihi.”

Swivuriso 15:27

Munhu loyi a nga ni makwanga, ú vangela muti wa yena ekhombo, kambe loyi a alaka ku xaviwa, ú ta hanya.

Levhitika 6:5

kumbe xilo xihi na xihi lexi a hlambanyeke a hemba a ku a nga xi tivi. Siku leri a humesaka magandzelo yo riha, ú fanele ku tlherisela swilo leswi hinkwaswo eka vinyi va swona, a tlhandlekela hi xiphemu xa ⅕ xa nxavo wa swona.

1 SAMIELE 24:7

Hi marito walawo, Davhida a sivela vanhu va yena ku ya juma Sawulo. Kutani Sawulo a ololoka, a huma ebakweni a tifambela.

1 SAMIELE 24:11

Languta tatana, languta xichupu xa le makumu ka xiambalo xa wena, lexi ndzi xi tameleke. Leswi ndzi tsemeke xichupu lexi ndzi nga ku dlayi, u nga tiva ni ku vona leswaku mina a ndzi na makungu ya ku ku endla swo biha kumbe ku ku hundzukela; naswona a ndzi ku dyohelanga, kambe wena u le ku ndzi hloteni, u lava ku ndzi dlaya!

1 SAMIELE 26:9

Kambe Davhida a hlamula a ku: “U nga tshuki u n'wi vavisa, hikuva munhu loyi a khumbaka muhlawuriwa wa HOSI Xikwembu, ú ta tivangela nandzu lowukulu emahlweni ka xona.”

1 SAMIELE 26:11

Ndzi ta va ni nandzu emahlweni ka HOSI Xikwembu, loko ndzi tshambuluta voko ra mina, ndzi tlhava muhlawuriwa wa xona. A hi teke tlhari leri nga etinhlokweni ta yena na gula ra mati, hi famba!”

2 SAMIELE 22:22

hikuva ndzi fambile etindleleni ta HOSI, ni ku xi dyohela a ndzi xi dyohelanga, Xikwembu xa mina;

Nehemiya 5:11

Namuntlha, va tlheriseleni masimu ya vona ya mavele ni ya vhinya, ni mintanga ya mirhi ya mitlhwari, ni tindlu ta vona, naswona mi nga londzi swilo swo tala leswi mi va lombeke swona swo kota mali, ni mavele, ni vhinyo ni mafurha.”

Pisalema 15:5

A nga lavi ntswalo, loko a lombile munhu emali, ú ala ni ku xaviwa leswaku a dlayisa la nga riki na nandzu. La endlisaka sweswo a nga ka a nga tsekatsekisiwi ni siku ni rin'we.