1 SAMIELE 11:2 - BIBELE Mahungu Lamanene

² Kambe Nahaxi wa Muamoni a va hlamula a ku: “Ndzi ta pfumela ku endla xinakulobye na n'wina, loko ndzi rhange hi ku xokola tihlo ra xinene ra un'wana ni un'wana wa n'wina, kutani hi mukhuva wolowo, ndzi ta va ndzi vangele Vaisraele hinkwavo exisandzo.”

Xitsonga (Bibele)

² Nahaxi, wa ka Amoni, a va hlamula, a ku: “Ndzi ta endla xinakulobye na n'wina hi mukhuva lowu: Ndzi ta boxa tihlo ra xinene ra n'wina hinkwenu; hi kona ndzi nga ta veka xisandzu ehenhla ka Vaisraele hinkwavo.”

1 SAMIELE 11:2 Referans Kwoze

1 SAMIELE 17:26

Davhida a vutisa lava a va yimile kwalaho, a ku: “Va ri, ú ta nyikiwa yini munhu la nga ta dlaya Mufilista loyi, a kutsula Israele endzhukanweni lowu, xana? Swona o va mani Mufilista loyi wo ka a nga yimbanga, leswi a pfukaka mavuthu ya Xikwembu lexi hanyaka, xana?”

Tinhlayo 16:14

Tlhandlakambirhi, a wu hi fikisanga etikweni leri u vuleke leswaku ri khuluka ntswamba ni vulombe; hambi ma ri masimu ni mitanga, a wu hi nyikanga leswaku yi va ndzhaka ya hina. Xana u ehleketa leswaku vavanuna lava u nga va kanganyisa xana? Hina hi nga ka hi nga ti!”

Genesa 34:14

va ku ka vona: “Sweswo, hi nga ka hi nga swi endli! Hi nge pfumeli leswaku makwerhu a tekiwa hi munhu wo ka a nga yimbanga. Mhaka yo tano, yi nga va tingana eka hina.

Yeremiya 39:7

Sedekiyasi yena va n'wi boxa mahlo, va n'wi boha milenge hi tinketani, kutani va n'wi yisa eBabilona.

Swivuriso 12:10

La lulameke ú tsetselela swifuwo swa yena, kambe vanhu va tihanyi, va swi xanisa.

2 TIHOSI 18:31

Rhabi-Xake a engeta a ku: “Hezekiya yoloye, mi nga n'wi yingisi, hikuva hosi ya Asiriya yi vurisa sweswo yi ri: ‘Vekani matlhari hansi, hi twanana! Humani, mi tinyiketa eka mina, kutani un'wana ni un'wana wa n'wina ú ta dya mihandzu ya murhi wa yena wa vhinya, ni mihandzu ya nkuwa wa yena; naswona ú ta nwa mati lama humaka exihlobyeni xa yena.

Vaavanyisi 16:21

Kutani Vafilista va n'wi khoma, va n'wi xokola mahlo, va rhelela na yena emutini wa Gaza, va fika va n'wi boha hi tinketani ta koporo, a hamba a sila mavele ekhotsweni.

Eksoda 3:6

Xi engeta xi ku: “Hi mina Xikwembu xa vatata wa wena, xi nga Xikwembu xa Abrahama, na Isaka, na Yakobo.” Kavaloko Muxe a tisiva mombo, hikuva a a chava ku languta Xikwembu.

1 SAMIELE 12:12

“Kuteloko mi vonile leswaku Nahaxi hosi ya Vaamoni a a lava ku ta mi hlasela, hambileswi HOSI Xikwembu a xi ri xona mufambisi wa n'wina, mi te eka mina: ‘E-e, hina hi lava hosi leyi nga ta hi fambisa.’

Pisalema 44:13

U hi sorisile hi vaakelani va hina, va hi hlekula ni ku hi sandza.

1 SAMIELE 11:10

kutani va ku ka Vaamoni: “Mundzuku, hi ta huma hi ta tinyiketa eka n'wina, kutani mi ta endla ha hina hilaha mi rhandzaka hakona.”