Biblia Todo Logo
Bib sou entènèt

- Piblisite -




1 SAMIELE 10:5 - BIBELE Mahungu Lamanene

5 Endzhaku ka sweswo, u ta fika emutini lowu vuriwaka ‘Xintshabyana-xa-Xikwembu’, laha ku nga ni vuthu ra Vafilista. Loko u nghena emutini, u ta hlangana ni ntlawa wa vaprofeta lava rhelelaka va huma exitsungeni lexo hlawuleka, va rhangeriwile hi vachayi va haripa, ni xingomana, ni xitiringo, ni xitende, va ri karhi va vhumbha.

Gade chapit la Kopi

Xitsonga (Bibele)

5 Endzhaku ka swona u ta fika eGibeya-Elohimi, laha ku nga ni yindlu ya valanguteri va tiko ra Vafilista. Kutakuloko u nghena kona, emutini, u ta hlangana ni ntlawa wa vaprofeta lava ngirimelaka va suka exivandleni lexi tlakukeke va ri ni timbila, ni ngoma, ni nanga, ni haripa, va ri karhi va bvumbha.

Gade chapit la Kopi




1 SAMIELE 10:5
27 Referans Kwoze  

Kambe sweswi, ndzi laveleni muchayi wa haripa.” Loko muchayi a ri karhi a chaya, Elixa a ngheniwa hi matimba ya HOSI Xikwembu,


Kavaloko Sawulo a rhumela vanhu ku ya khoma Davhida. Loko varhumiwa lava va fika, va vona ntlawa wa vaprofeta lava a va ri eku vhumbheni, va rhangeriwile hi Samiele, kutani na vona va ngheniwa hi Moya wa Xikwembu, va sungula ku vhumbha.


Yonatani a hlasela vuthu ra Vafilista leri a ri govile emutini wa Geba, a ri hlula, kutani Vafilista va twa mhaka leyi. Hiloko Sawulo a ba mhalamhala etikweni hinkwaro ra Israele, ku endlela leswaku na vona Vaheveru va ta twa mhaka ya kona.


Vadyondzisiwa va vaprofeta lava a va ri eYeriko va n'wi vona va ri kulenyana etlhelo, kutani va ku: “Moya wa Eliya wu nghenile eka Elixa.” Hiloko va ya n'wi hlanganisa, va nkhinsama emahlweni ka yena,


Vadyondzisiwa va vaprofeta lava a va ri eYeriko va ta eka Elixa, va n'wi vutisa va ku: “Xana wa swi tiva leswaku namuntlha HOSI Xikwembu xi ta ku tekela n'wini wa wena, xi n'wi tlakula a ya ehenhla xana?” Elixa a hlamula a ku: “Ina, ndza swi tiva, mi nga ha vulavuli hi swona.”


Vadyondzisiwa va vaprofeta lava a va ri eBetele, va huma emutini va ta eka Elixa, va ku ka yena: “Xana wa swi tiva leswaku namuntlha, HOSI Xikwembu xi ta ku tekela n'wini wa wena, xi n'wi tlakula a ya ehenhla xana?” Elixa a hlamula a ku: “Ina, ndza swi tiva, mi nga ha vulavuli hi swona.”


Loko va fika eGibeya, ntlawa wa vaprofeta wu tshuka wu hlangana na yena, moya wa Xikwembu wu n'wi nghena hi matimba swinene, kutani a vhumbha swin'we ni vaprofeta.


Tikarhateleni ku va ni rirhandzu, kambe naswona mi chivirikela tinyiko ta Moya, ngopfu-ngopfu nyiko ya ku vula Rito.


Ndzi ta yingisisa swivuriso swa tintlhari, ndzi hlamula swivutiso leswo tika hi ku chaya tiharipa.


Ntirho wa Hemani na Yedutuni a wu ri wa ku hlayisa swichaya-chayani swo kota timhalamhala ni swiphambati, leswi a swi tirhisiwa loko ku yimbeleriwa tinsimu to dzunisa Xikwembu. Naswona va ka Yedutuni a va ri varindzi va tinyangwa.


Murhangeri wa vona a a ri Asafa, a seketeriwa hi Zakariya; lavan'wana a va ri Yaaziele, na Xemiramoto, na Yehiele, na Matitiya, na Eliyabu, na Benaya, na Obede-Edomu, na Yeyiele; a va chaya tiharipa ni switende, Asafa yena a ri karhi a bananisa swiphambati swa nsimbhi.


Davhida ni Vaisraele hinkwavo va cina hi ku tsaka emahlweni ka Xikwembu va nga titsetseleri, va ri karhi va yimbelela, va chaya switende ni tiharipa ni swingomana, va bananisa swiphambati swa nsimbhi, va chaya ni tinanga.


Siku rin'wana, vadyondzisiwa va vaprofeta va ku ka Elixa: “Languta, laha hi tshamaka kona loko hi hlengeletana emahlweni ka wena, a ku hi ringani.


Loko Elixa a tlhelela eGiligala, a ku ri ni dyandza etikweni. Siku rin'wana, vadyondzisiwa va vaprofeta a va tshamile emahlweni ka yena, kutani Elixa a lerisa nandza wa yena, a ku: “Tseleka mbita leyikulu, u swekela vadyondzisiwa va vaprofeta lava exixevo xa matsavu.”


Vanhwanyana va hlamula va ku: “Ina, ú kona! Wa ha ku hundza sweswinyana. Hatlisani, wa ha ku nghena emutini sweswi-sweswi, hikuva vanhu va humesa magandzelo namuntlha exitsungeni lexo hlawuleka.


Va ta ku xeweta, kutani va ku nyika swinkwa swimbirhi hi mavoko ya vona, leswi wena u nga ta fanela ku swi amukela.


Sawulo a hlawula vavanuna va 3 000 exikarhi ka Vaisraele, vavanuna va 2 000 va va na yena emutini wa Mikamaxa ni le magangeni ya Betele, kutani va 1 000 va va na Yonatani emutini wa Gibeya wa Benjamini. Sawulo a tlherisa vanhu lava saleke, un'wana ni un'wana a ya ekaya ka yena.


Enkarhini wolowo Davhida a a tala ku tshama ekhokholweni ra le Yerusalema, kasi mixaxa ya Vafilista a yi ri eBetlehema.


ku ri karhi ku chayiwa tiharipa letikulu ni letitsongo, ku chayiwa ni switende.


Loko nhlekanhi wu hundzile, va ya emahlweni va kayakayeka va ba huwa, ku fikela nkarhi wa magandzelo ya xinakulobye nindzhenga. Kambe a ku twalanga rito, a ku nga ri na loyi a va hlamulaka kumbe ku va yingisa.


Vadyondzisiwa va 50 va vaprofeta va longoloka na vona, va yima hi le tlhelo ekulenyana na vona. Eliya na Elixa vona va ya yima eribuweni ra Yordani.


Swiv nou:

Piblisite


Piblisite