1 SAMIELE 10:3 - BIBELE Mahungu Lamanene

³ Kutani loko u ya emahlweni na riendzo ra wena, u ta fika emurhini wa nkuhlu wa le Taboro; kona u ta hlangana ni vavanuna vanharhu lava yaka eBetele ku ya gandzela Xikwembu. Un'wana wa vona ú ta va a tlakule swimbutana swinharhu; lowa vumbirhi ú ta va a rhwele swinkwa swinharhu; lowa vunharhu ú ta va a byarhile nkwama wa dzovo lowu nga ni vhinyo.

Xitsonga (Bibele)

³ U ta suka kona, u ya emahlweni, kutani u ta fika enkuhlwini wa Taboro: u ta hlanganisiwa kona ni vanhu vanharhu lava tlhandlukelaka eka Xikwembu, eBetele, un'wana a rhwele swimbutana swinharhu, un'wana a rhwele swinkwa swinharhu, un'wana kambe a rhwele xikutsu xa vhinyo;

1 SAMIELE 10:3 Referans Kwoze

Genesa 35:3

kutani hi ta suka hi famba hi ya eBetele leswaku ndzi ya aka alitari kona, ndzi akela Xikwembu lexi xi ndzi hlamuleke loko ndzi ri eku xanisekeni, xi tlhela xi va na mina hinkwako lomu ndzi yeke kona.”

Genesa 35:1

Xikwembu xi ku ka Yakobo: “Sweswi, suka u ya eBetele, u ya tshama kona. Kwale Betele, u ta aka alitari, u akela Xikwembu lexi humeleleke eka wena loko u ri karhi u baleka makwenu Esawu.”

Genesa 28:22

Ribye leri ra xitsundzuxo leri ndzi ri yimiseke, ri ta va yona yindlu ya wena Xikwembu. Eka hinkwaswo leswi u nga ta ndzi nyika swona, ndzi ta ku humesela vukhume bya swona.”

Genesa 28:19

Kutani ndhawu leyi a yi thya vito ra Betele (hileswaku: “Yindlu-ya-Xikwembu”). Khale ndhawu leyi a yi tiviwa hi vito ra Luzi.

Pisalema 89:12

Hi wena u tumbuluxeke dzonga ni n'walungu, tintshava ta Taboro na Hermoni ti ba minkulungwana, ti dzunisa vito ra wena.

Vaavanyisi 8:18

Kutani Gidiyoni a ku ka Zeba na Salmuna: “Vavanuna lava mi va dlayeke le Taboro, va kwihi xana?” Vona va hlamula va ku: “Sweswi u nga xiswona, na vona a va ri tano, hinkwavo a va vonaka va ri vana va tihosi.”

Vaavanyisi 4:12

Loko Sisera a tivisiwile leswaku Baraka n'wana Abinowama ú tlhandlukerile entshaveni ya Taboro,

Vaavanyisi 4:6

Siku rin'wana, Debora a vitana Baraka n'wana Abinowama loyi a a tshama emutini wa Kedexe wa va ka Neftali, a ku ka yena: “Xileriso xa HOSI Xikwembu xa Israele, hi lexi: ‘Famba u ya hlengeleta mavuthu entshaveni ya Taboro, u hlawula vavanuna va 10 000 eka nyimba ya ka Neftali ni ya ka Zebuloni.

Yoxuwa 19:22

Ndzilekana wu katsa ni tindhawu leti: Taboro, na Xahasuma, na Beta-Xemexe, kutani wu ya helela enambyeni wa Yordani. Miti ni swimitana swa yona i 16.

Yoxuwa 19:12

Ku suka eSaridi ndzilekana wu jika wu kongoma endzilekaneni wa Kisiloti-Taboro, hi tlhelo ra le vuxeni, wu hundza wu ya eDaberata, kutani wu ya fika eYafiti.

Levhitika 23:13

Xinyimpfana lexi xi fanele ku humesiwa ni swintewana swimbirhi swa mapa lamanene lama pfanganyisiweke ni mafurha, leswaku ma va magandzelo lama hiseriwaka mina HOSI, lawa ku nun'hwela ka wona ku nga ta ndzi tsakisa; vhinyo leyi humesiwaka ni xinyimpfana lexi, yona yi ta va jomela rin'we.

Levhitika 7:13

Tlhandlakambirhi, ú fanele ku ma humesa ni swimbhundzwa swin'wana leswi cheriweke comela.

Levhitika 3:12

“Loko munhu a humesa mbuti, ú fanele ku ya na yona emahlweni ka HOSI Xikwembu,

Levhitika 3:6

“Loko munhu a humesela HOSI Xikwembu magandzelo ya xinakulobye hi xin'wana xa swifuwo swa yena leswitsongo, ú fanele ku pambula xa xinuna kumbe xa xisati, lexi nga solekiki a humesa xona.

Levhitika 1:10

“Loko munhu a lava ku humesa magandzelo lama hisiwaka hi yin'wana ya tinyimpfu ta yena kumbe timbuti ta yena, ú fanele ku tlhava leyi nga solekiki ya xinuna.

1 SAMIELE 10:4

Va ta ku xeweta, kutani va ku nyika swinkwa swimbirhi hi mavoko ya vona, leswi wena u nga ta fanela ku swi amukela.

Yeremiya 32:8

Kutani ku humelela leswi HOSI Xikwembu xi swi vuleke: Makwerhu Hanamele a ta eka mina le xivaveni xa varindzi, a ku ka mina: ‘Ndzi kombela leswaku u xava nsimu ya mina leyi nga le Anatoto, etikweni ra Benjamini, hikuva hi wena u nga ni fanelo ya ku kuma nsimu ya kona ni ku yi hlayisa. Tixavele yona!’ Hiloko ndzi swi vona leswaku mhaka ya kona yi fambisiwa hi HOSI Xikwembu.

Vaavanyisi 20:18

Vaisraele va tlhandluka va ya vutisa timhaka eka Xikwembu kwale Betele va ku: “Xana i va ka mani exikarhi ka hina lava nga ta hi rhangela loko hi huma nyimpi hi ya lwa ni va ka Benjamini xana?” HOSI Xikwembu xi hlamula xi ku: “Ku ta rhanga va ka Yuda.”

Vaavanyisi 20:27

(Enkarhini lowu, Areka ya Ntwanano wa HOSI Xikwembu a yi tshama eBetele. Loyi a a tirha ku hlayisa Areka enkarhini lowu a a ri Finiyasi n'wana Eliyazara wa Aroni.) Vaisraele va vutisa timhaka eka HOSI Xikwembu, va ku: “Xana hi nga tlhela hi ya lwa ni vamakwerhu va ka Benjamini, kumbe hi swi tshika xana?” Xona xi va hlamula xi ku: “Tlhelelani, hikuva mundzuku ndzi ta va nyiketa emavokweni ya n'wina.”