1 SAMIELE 1:9 - BIBELE Mahungu Lamanene

^9-10 Siku rin'wana loko va hetile ku dya ni ku nwa swa le magandzelweni eXilo, Hana a suka a yima a ri ni gome lerikulu. Muprista Heli a a tshamile endhawini ya yena kusuhi ni nyangwa ya Tempele; kutani Hana a khongela HOSI Xikwembu a ri karhi a rila hi xiviti,

Xitsonga (Bibele)

⁹ Kuteloko va dyile, ni loko va nwile eXilo, Hana a pfuka (Heli muprista a a tshamile exitulwini, a seketele erimbeni ra nyangwa ya yindlu ya Xikwembu);

1 SAMIELE 1:9 Referans Kwoze

1 SAMIELE 3:3

Rivoni ra Xikwembu a ri nga si timiwa mpundzu wolowo, naswona Samiele a a etlele eTempeleni ya HOSI Xikwembu, laha Areka ya xona a yi ri kona.

Pisalema 27:4

Ndzi komberile xilo xin'we eka HOSI; xilo xa kona ndzi xi tsakela ngopfu, ku nga ku tshama eTempeleni ya HOSI vutomi bya mina hinkwabyo, ndzi hlalela ku saseka ka yona ndzi ri ndlwini ya yona.

Pisalema 5:7

Kasi mina ndzi ta nghena endlwini ya wena, hikwalaho ka tintswalo ta wena leto tala; ndzi ta nkhinsama emahlweni ka Tempele ya wena leyo hlawuleka; ndzi ku khongela hi xichavo.

2 SAMIELE 7:2

Kutani Davhida a byela muprofeta Natani, a ku: “Vona, sweswi mina ndzi tshama endlwini yo akiwa hi timhandze to saseka ta kedari, kasi Areka ya HOSI yona yo va entsongeni!”

1 SAMIELE 3:15

Samiele a ya etlela ri kondza ri xa, kutani a pfuka a ya pfula timbanti ta Tempele ya HOSI; kambe ú chavile ku ya hlamusela Heli timhaka ta xivono.

Pisalema 29:9

Rito ra HOSI ri endla leswaku timhunti ti hatla ti tswala, swimhuntana swi tswariwa nkarhi wu nga si fika. ETempeleni ya HOSI, hinkwavo va huwelela va ku: “Wa kwetsima, we HOSI!”

Eksoda 21:6

n'wini wa rona ú ta ya na rona eka Xikwembu, a ri yimisa ri khegetela rivanti kumbe rimba ra rona, a ri boxa ndleve kwalaho hi ntlhavo; kutani ri ta va hlonga vutomi hinkwabyo.

1 SAMIELE 4:13

Loko a fika, a kuma Heli a tshamile exitshan'wini xa yena kusuhi ni gondzo, a ri eku languteleni, hikuva a a vilelela ngopfu Areka ya Xikwembu. Wanuna wa kona a nghena emutini, a va tivisa timhaka, kutani vaaki hinkwavo va muti va tlhava mukhosi.