1 SAMIELE 1:8 - BIBELE Mahungu Lamanene

⁸ Kutani Elkana a a khongotela nsati wa yena, a ku: “Swi lo yini Hana, u rilela yini xana? U alela yini ku dya swakudya? Xana mbilu ya wena yi vavela yini xana? Xana a ndzi tluli khume ra majaha eka wena xana?”

Xitsonga (Bibele)

⁸ Nuna wa yena Elikana a ku eka yena: “Hana, u rilela yini? A ku dyi ha yini? Mbilu ya wena yi vavisekela yini xana? A ndzi tluli khume ra vana eka wena-ke?”

1 SAMIELE 1:8 Referans Kwoze

Rhuti 4:15

Ú ta ku antswisela vutomi ni ku va nxongotelo wa wena loko u dyuharile. Naswona muveleki wa n'wana loyi i n'wingi wa wena loyi u n'wi rhandzaka, loyi eka wena a tlulaka majaha ya 7.”

Esaya 54:6

Loko ndzi ku vitana, mina HOSI, a wu fana ni wansati loyi a tshikiweke hi nuna; mbilu ya wena a yi vava ku fana ni ya loyi a tshikiweke a ha ku hloma.

Ntirho 6:14

Yobo a engeta a ku: “Munhu la alaka ku tsetselela nakulobye, ú sandza Xikwembu-xa-matimba-hinkwawo.

1 Vatesalonika 5:14

Kutani ha mi khongotela vamakwerhu, hi ri: Layani malolo, mi tiyisa lava helaka ntamu; pfunani lava tsaneke, mi lehisela hinkwavo timbilu.

Yohane 20:15

Yesu a ku ka yena: “Manana, u rilele yini? U lava mani xana?” Yena, hi ku ehleketa leswaku i mutirhi wa laha ntangeni, a ku ka yena: “Hosi yanga, loko u n'wi susile, ndzi byele laha u n'wi lateke kona, kutani ndzi ta ya, ndzi ya n'wi teka.”

Yohane 20:13

Ti ku ka yena: “Manana, u rilela yini?” A ku ka tona: “Va susile Hosi yanga, kutani a ndzi tivi laha va n'wi lateke kona.”

Pisalema 43:4

Kutani ndzi ta fika alitarini ya wena, we Xikwembu lexi xi ndzi nyikaka ku tsaka; ndzi ta yimbelela ndzi ku dzunisa hi swichaya-chayani, wena u nga Xikwembu xanga.

Esaya 54:1

HOSI Xikwembu xi ri: “We Yerusalema, a wu fana ni wansati loyi a nga velekiki, loyi a nga riki na n'wana na un'we; a wu fana ni wansati loyi a tshikiweke hi nuna, kambe sweswi yimbelela, u ba ni nkulungwana, hikuva u ta va ni vana vo tala, ku tlula wansati loyi a nga si tshamaka a hambana ni nuna wa yena.

2 TIHOSI 8:12

Hazaele a vutisa a ku: “Xana u rilela yini, wee n'wini wanga?” Elixa a hlamula a ku “Ndza rila, hikuva ndzi tiva leswo biha leswi u nga ta swi endla eka Vaisraele: U ta herisa makhokholo ya vona hi ndzilo; u ta tlhava majaha ya vona hi fumu, u phyandlasa swihlangi swa vona, u handzula makhwiri ya vavasati va vona lava tikeke.”

1 SAMIELE 1:7

Timhaka a ti fambisa sweswo lembe rin'wana ni rin'wana: Loko va ya endlwini ya HOSI Xikwembu, Penina a a tala ku n'wi dyisa mbitsi, Hana a ko a rila, a ala ni ku dya.