1 SAMIELE 1:6 - BIBELE Mahungu Lamanene

⁶ Kutani Penina a a tala ku karhata nkatikulobye Hana, a n'wi hlekula hi mhaka ya leswi HOSI Xikwembu a xi n'wi tsonile vana.

Xitsonga (Bibele)

⁶ Penina a a ri ni vukwele hikwalaho ka yena, kutani a n'wi pfuka ni ku n'wi khomisa tingana leswaku a n'wi vilerisa, hikuva Yehovha a a n'wi endlile mhika.

1 SAMIELE 1:6 Referans Kwoze

Ntirho 6:14

Yobo a engeta a ku: “Munhu la alaka ku tsetselela nakulobye, ú sandza Xikwembu-xa-matimba-hinkwawo.

Ntirho 24:21

“Vanhu lava va xanisa wansati la nga mhika, noni, va ala ku yi pfuna.

Levhitika 18:18

“U nga tshuki u teka namu wa wena leswaku a ta va nhlantswa, nsati wa wena a ha hanya.

Genesa 30:1

Kuteloko Rahele a vona leswaku a nga kumi vana, a sungula ku vondzoka Leya, kutani a ku ka Yakobo: “Ndzi nyike vana, loko swi nga ri tano, mina ndzi ta tidlaya!”

1 SAMIELE 1:7

Timhaka a ti fambisa sweswo lembe rin'wana ni rin'wana: Loko va ya endlwini ya HOSI Xikwembu, Penina a a tala ku n'wi dyisa mbitsi, Hana a ko a rila, a ala ni ku dya.

Vaavanyisi 11:37

A tlhela a ku ka tata wa yena: “Ndzi kombela ku endleriwa xilo xin'we ntsena: Ndzi tshike ndzi famba ndzi ya tsendzeleka tin'hweti timbirhi etintshaveni, ndzi ri ni tintangha ta mina, ndzi ya rilela leswi ndzi nga ta fa ndzi nga tekiwanga.”

1 SAMIELE 2:1

Kutani Hana a khongela a ku: “Mbilu ya mina yi kumile ku tsaka eka HOSI, matimba ya mina ma pfuxiwile hi Xikwembu xanga. Nomo wa mina wu sandza valala va mina, ndzi tsakile hikuva HOSI yi ndzi ponisile.

2 SAMIELE 6:23

Kutani Mikala N'wa-Sawulo a nga vanga na n'wana, ku kondza a fa.