1 SAMIELE 1:26 - BIBELE Mahungu Lamanene

²⁶ Hana a ku ka Heli: “Ndzi khomele, n'wini wanga! Ndzi tiyisa emahlweni ka wena leswaku hi mina wansati loyi a tshamaka a yima emahlweni ka wena siku rin'wana, a khongela HOSI.

Xitsonga (Bibele)

²⁶ Kavaloko wansati a ku: “Ha! Hosi yanga, hi lahla moya wa wena wu hanyaka hakona, hi mina wansati loyi ingi a yimile kwala emahlweni ka wena, a khongela Yehovha.

1 SAMIELE 1:26 Referans Kwoze

2 TIHOSI 4:30

Kambe mana wa n'wana a ku: “Ndza tiyisa emahlweni ka HOSI Xikwembu lexi hanyaka ni le mahlweni ka wena, ndzi ri: Ndzi nga ka ndzi nga sali.” Hiloko Elixa na yena a suka, a landza loyi wansati.

2 TIHOSI 2:6

Kutani Eliya a ku ka Elixa: “Ndza ku kombela, sala kwala, hikuva HOSI Xikwembu xi ndzi rhumile ku ya enambyeni wa Yordani.” Kambe Elixa a hlamula a ku: “Ndza tiyisa emahlweni ka HOSI Xikwembu lexi hanyaka, ni le mahlweni ka wena, ndzi ri: Ndzi nga ka ndzi nga sali.” Kutani va famba swin'we.

2 TIHOSI 2:4

Kutani Eliya a ku ka Elixa: “Ndza ku kombela, sala kwala, hikuva HOSI Xikwembu xi ndzi rhumile ku ya eYeriko.” Kambe Elixa a hlamula a ku: “Ndza tiyisa emahlweni ka HOSI Xikwembu lexi hanyaka, ni le mahlweni ka wena, ndzi ri: Ndzi nga ka ndzi nga sali.” Kutani va fika eYeriko.

2 TIHOSI 2:2

loko va ri karhi va famba, Eliya a ku ka Elixa: “Ndza ku kombela, sala kwala, hikuva HOSI Xikwembu xi ndzi rhumile leswaku ndzi ya fika eBetele.” Kambe Elixa a hlamula a ku: “Ndza tiyisa emahlweni ka HOSI Xikwembu lexi hanyaka, ni le mahlweni ka wena, ndzi ri: Ndzi nga ka ndzi nga sali.” Kutani va rhelela swin'we va ya eBetele.

2 SAMIELE 11:11

Kutani Uriya a hlamula Davhida a ku: “Areka ya HOSI Xikwembu, ni vanhu va Israele na Yuda, va tshama emintsongeni; n'wini wa mina Yowabu swin'we ni malandza ya wena n'wini wanga, va govile erivaleni. Xana mina ndzi nga muka, ndzi ya dya ni ku nwa, ni ku etlela ni nsati wa mina, xana? Ndza hlambanya emahlweni ka wena, ndzi ri: Ndzi nge pfuki ndzi endlile mhaka yo fana ni leyi!”

1 SAMIELE 20:3

Kambe Davhida a tiyisa hi ku hlambanya, a ku: “Tata wa wena wa swi tiva swinene leswaku u ndzi kombile tintswalo letikulu; kutani ú ri: ‘Yonatani a nga tshuki a twa mhaka leyi, hikuva yi nga n'wi vavisa mbilu.’ Kambe mina ndzi tiyisa hi ku hlambanya emahlweni ka HOSI Xikwembu lexi hanyaka ni le mahlweni ka wena, ndzi ri: Sirha ri ndzi ahlamele!”

1 SAMIELE 17:55

Loko Sawulo a vona Davhida a huma a ya lwa ni Mufilista, a vutisa Abinere ndhunankulu ya mavuthu, a ku: “Ndzi byele Abinere, xana jaha leri i n'wana mani xana?” Abinere a hlamula a ku: “Ndzi vula ndzi tiyisile, we hosi, a ndzi n'wi tivi.”

2 SAMIELE 14:19

Hosi Davhida a vutisa wansati, a ku: “Xana a hi Yowabu loyi a ku kuceteleke etimhakeni hinkwato leti, xana?” Wansati a hlamula a ku: “Ndza hlambanya emahlweni ka wena, we hosi n'wini wanga, ndzi ri: A ku na loyi a nga kanetaka mhaka leyi u yi vulaka, we hosi n'wini wanga, hikuva i ntiyiso. Kunene hi yena nandza wa wena Yowabu loyi a ndzi rhwexeke ntirho lowu, a ndzi byela ni marito hinkwawo lawa a ndzi fanele ku ma vula, mina nandza wa wena.

Genesa 42:15

Mi ta kamberiwa hi ndlela leyi: Ndzi hlambanya hi vito ra Faro ndzi ri, loko mi nga tisi ndzisana ya n'wina, a mi nga suki endhawini leyi.

1 SAMIELE 25:26

Sweswi ke, n'wini wanga, ndza tiyisa hi ku hlambanya emahlweni ka HOSI Xikwembu lexi hanyaka ni le mahlweni ka wena, ndzi ri: Hi xona Xikwembu lexi ku siveleke ku tirihisela hi wexe ni ku halata ngati ya vanhu. Valala va wena ni lava ringetaka ku ku endla swo biha, a va fane na Nabala, wena n'wini wanga.

1 TIKRONIKA 4:10

Kutani Yabese a khongela Xikwembu xa Israele, a ku: “We Xikwembu, ndzi kombela leswaku u ndzi katekisa, u tlhengusa ni mindzilekana ya tiko ra mina, u ndzi biyelela eka leswo biha leswi swi nga ndzi xanisaka.” Kutani Xikwembu xi n'wi nyika leswi a swi kombeleke.