1 SAMIELE 1:19 - BIBELE Mahungu Lamanene

¹⁹ Siku leri tlhandlamaka, Elkana ni ndyangu va vindzuka, va ya khongela HOSI Xikwembu, kutani loko va hetile, va tlhelela ekaya eRhama. Kavaloko Elkana a tiva Hana nsati wa yena, kutani HOSI Xikwembu xi katekisa Hana,

Xitsonga (Bibele)

¹⁹ Kutani va pfuka nimixo, va ya khinsama emahlweni ka Yehovha; va tlhela va famba ekaya ka vona eRhama.

1 SAMIELE 1:19 Referans Kwoze

Genesa 21:1

HOSI Xikwembu xi katekisa Sara hilaha xi vuleke hakona, xi n'wi endlela leswi xi n'wi tshembiseke swona.

1 SAMIELE 1:11

a tiboha hi ku hlambanya a ku: “Wena HOSI ya matimba hinkwawo, loko hakunene wo vona maxangu ya mina nandza wa wena, ni loko u ndzi anakanya, ni loko u nga rivali mina nandza wa wena, kambe u ndzi nyika n'wana wa mufana, ndzi ta ku nyika yena a va wa wena HOSI, vutomi bya yena hinkwabyo; naswona a nga ka a nga byewuriwi misisi ni siku ni rin'we.”

Genesa 30:22

Kutani Xikwembu xi tsundzuka Rahele, xi hlamula xikhongelo xa yena, xi endla leswaku a kuma vana.

Genesa 4:1

Adamu a tiva nsati wa yena Evha, hiloko Evha a tika, a veleka Kayini, kutani a ku: “Hi ku pfuniwa hi HOSI, ndzi kumile n'wana wa mufana.”

Luka 23:42

Xidyohi xi engeta xi ku: “Yesu, ndzi anakanye, loko u nghena eMfun'weni wa wena.”

Marka 1:35

Yesu a vindzuka swinene a huma emutini, a ya mananga a ya khongela kona.

Pisalema 119:147

Ndzi pfuka nimpundzu swinene ndzi kombela ku pfuniwa, hikuva ndzi tshemba marito ya wena.

Pisalema 55:17

Vusiku ni nhlekanhi ndzi le ku vileleni, ndza rila, kutani xona xi ta ndzi yingisa;

Pisalema 25:7

U nga anakanyi swidyoho ni swihoxo swa vuntshwa bya mina; ndzi tsundzuke we HOSI, hikwalaho ka rirhandzu ra wena ni vunene bya wena!

1 SAMIELE 9:26

Vurhongo byi hatla byi va helela, kutani loko vurhonga byi tshwuka, Samiele a huwelela Sawulo loyi a a ri elwangwini, a ku: “Pfuka, ndzi ku heleketanyana.” Sawulo a pfuka, kutani havambirhi va khoma ndlela.

Genesa 8:1

Kutani Xikwembu xi tsundzuka Nowa ni swiharhi hinkwaswo ni swifuwo hinkwaswo leswi a a ri na swona engalaveni; hiloko xi hungisa moya emisaveni, kutani mati ma sungula ku hunguteka.

Pisalema 136:23

Hi yena la hi voneke loko hi xaniseka, — Rirhandzu ra yena hi leri nga heriki —

Pisalema 5:3

Nimixo, wa ri twa rito ra mina, we HOSI; loko dyambu ri xa, ndzi ku vekela magandzelo hi ndlela ya kona, kutani ndzi langutela ...

1 SAMIELE 2:11

Kutani Elkana a tlhelela ekaya emutini wa Rhama. Kambe mufana Samiele a sala a tirhela HOSI Xikwembu, emahlweni ka muprista Heli.

1 SAMIELE 1:1

A ku ri ni wanuna un'wana wa muti wa Ramatayimi-Sofimi emagangeni ya Efrayimi. Vito ra yena a a ri Elkana n'wana Yerohama, wa Elihu, wa Tohu, wa Sufi, wa rixaka ra Efrata.

1 SAMIELE 7:17

Kambe a a pfa a ya eRhama, hikuva a ku ri kona kaya ka yena; na kona kwale, a a hamba a avanyisa timhaka ta Vaisraele. Ú akerile HOSI Xikwembu alitari emutini wolowo.

Yoxuwa 18:25

Miti yin'wana hi leyi: Gibiyoni, na Rhama, na Beroto;

1 SAMIELE 8:4

Hiloko vakulukumba hinkwavo va Israele va hlengeletana, va ya vonana na Samiele eRhama,

1 SAMIELE 15:34

Kutani Samiele a ya eRhama. Sawulo yena a tlhandlukela ekaya ka yena eGibeya.

1 SAMIELE 16:13

Kavaloko Samiele a teka rimhondzo ra mafurha, a chela Davhida enhlokweni exikarhi ka vamakwavo. Kutani Moya wa HOSI Xikwembu wu nghena Davhida hi matimba, wu va na yena ku sukela siku rero ku ya ni ku ya. Samiele yena a tlhelela eRhama.

1 SAMIELE 19:18

Loko Davhida a balekile, a tsutsuma a ya fika eka Samiele emutini wa Rhama, a n'wi rungulela hinkwaswo leswi Sawulo a n'wi endleke swona; kutani va suka hi vumbirhi bya vona, va ya tshama eNayoto.

1 SAMIELE 25:1

Samiele a lova, kutani Vaisraele hinkwavo va hlengeletana enkosini wa yena, va n'wi lahla emutini wa yena eRhama. Endzhaku ka sweswo, Davhida a suka a rhelela a ya emananga ya Parani.

2 TIHOSI 4:17

Hambiswiritano wansati a tika, kutani hi nkarhi wa ku ntshunxeka ka yena loku vuriweke, a kuma n'wana wa mufana, hilaha Elixa a n'wi tshembiseke hakona.