1 SAMIELE 1:11 - BIBELE Mahungu Lamanene

¹¹ a tiboha hi ku hlambanya a ku: “Wena HOSI ya matimba hinkwawo, loko hakunene wo vona maxangu ya mina nandza wa wena, ni loko u ndzi anakanya, ni loko u nga rivali mina nandza wa wena, kambe u ndzi nyika n'wana wa mufana, ndzi ta ku nyika yena a va wa wena HOSI, vutomi bya yena hinkwabyo; naswona a nga ka a nga byewuriwi misisi ni siku ni rin'we.”

Xitsonga (Bibele)

¹¹ “Yehovha wa mavandla, loko u languta masangu ya nandza wa wena, ni loko u ndzi tsundzuka u nga rivali nandza wa wena, kutani u nyika nandza wa wena n'wana wa wanuna, ndzi ta n'wi nyika Yehovha, a va wa yena masiku hinkwawo ya vutomi bya yena, kutani rikari ri nga ka ri nga hundzi enhlokweni ya yena.”

1 SAMIELE 1:11 Referans Kwoze

Vaavanyisi 13:5

hikuva u ta tika, u veleka n'wana wa mufana. N'wana loyi a nga tshuki a byewuriwa nhloko, hikuva ú ta va munhu la hlawuleriweke Xikwembu ku sukela siku a velekiwaka. Hi yena la nga ta sungula ku lamulela Vaisraele emavokweni ya Vafilista.”

Tinhlayo 6:5

“Masiku hinkwawo ya ku tiboha ka yena ku va Munaziri, a nga tshuki a byewula nhloko ya yena; ú fanele ku va la hlawulekeke ku kondza ku hela masiku ya ku tiboha ka yena ku va Munaziri a tirhela HOSI Xikwembu; ú ta tshika misisi ya yena yi kula yi leha.

Eklesiasta 5:4

Loko u hlambanya emahlweni ka Xikwembu hatlisa u hetisa mhaka ya kona, hikuva Xikwembu xi venga swiphunta, wena endla leswi u swi hlambanyeke.

Genesa 29:32

Kutani Leya a tika, a veleka n'wana wa mufana, a n'wi thya vito ra Rhuveni (hileswaku: “Vonani n'wana wa mufana”), hikuva a a ku: “HOSI Xikwembu xi vonile ku xaniseka ka mina; sweswi ndza tshemba leswaku nuna wa mina ú ta ndzi rhandza.”

Pisalema 25:18

Languta, ndzi le khombyeni, ndza xaniseka; hikokwalaho ndzi rivalele swidyoho swa mina hinkwaswo.

1 SAMIELE 1:19

Siku leri tlhandlamaka, Elkana ni ndyangu va vindzuka, va ya khongela HOSI Xikwembu, kutani loko va hetile, va tlhelela ekaya eRhama. Kavaloko Elkana a tiva Hana nsati wa yena, kutani HOSI Xikwembu xi katekisa Hana,

Genesa 30:22

Kutani Xikwembu xi tsundzuka Rahele, xi hlamula xikhongelo xa yena, xi endla leswaku a kuma vana.

Vaavanyisi 11:30

Yefta a tshembisa HOSI Xikwembu hi ku hlambanya, a ku: “Loko wo nyiketa Vaamoni emavokweni ya mina,

Tinhlayo 6:8

Masiku hinkwawo ya vunaziri bya yena, ú ta va a hlawulekile leswaku a tirhela HOSI Xikwembu.

Genesa 28:20

Kutani Yakobo a hlambanya a ku: “Loko wena Xikwembu wo va na mina, u ndzi hlayisa eriendzweni leri ndzi nga ka rona, u ndzi nyika swakudya ni swiambalo,

2 SAMIELE 16:12

Kumbexana HOSI Xikwembu xi ta vona ku xaniseka ka mina, xi ndzi nyika leswo saseka, ematshan'weni ya nhlambha leyi.”

Tinhlayo 21:2

Hiloko Vaisraele va tiboha hi ku hlambanya emahlweni ka HOSI Xikwembu, va ku: “Loko u nga nyiketa vanhu lava emavokweni ya hina, miti ya vona hi ta yi herisela makumu.”

Tinhlayo 6:11

kutani muprista ú ta humesa rin'wana ri va mhamba yo susa swidyoho, kasi lerin'wana ri ta va gandzelo leri hisiwaka, leri a nga ta basisa Munaziri ha rona, hi mhaka ya leswi Munaziri loyi a dyoheke hi ku khumba ntsumbu. Kutani, hi siku rero, ú ta tlhela a hlawulekisa nhloko ya yena,

Eksoda 4:31

Kavaloko Vaisraele va kholwa: Loko va twisisile leswaku HOSI Xikwembu xi tile eka vona hakunene, ni leswaku xi vonile ku xaniseka ka vona, va korhamela hansi va xi gandzela.

Genesa 8:1

Kutani Xikwembu xi tsundzuka Nowa ni swiharhi hinkwaswo ni swifuwo hinkwaswo leswi a a ri na swona engalaveni; hiloko xi hungisa moya emisaveni, kutani mati ma sungula ku hunguteka.

1 SAMIELE 1:12

Hana a heta nkarhi wo leha a ri karhi a khongela HOSI Xikwembu, Heli a ko a xiyaxiya nomo wa yena.

1 SAMIELE 1:22

Hana a nga fambanga na vona, hileswi a a byerile nuna wa yena, a ku: “Loko n'wana a ta va a lumuriwile, hi kona ndzi nga ta ya eTempeleni na yena, ndzi ya n'wi veka eka HOSI, leswaku a tshama kona vutomi bya yena hinkwabyo.”

1 SAMIELE 1:27

A ndzi khongela ndzi kombela n'wana loyi. Kutani sweswi HOSI yi amukerile xikombelo xa mina;

1 SAMIELE 1:28

hikokwalaho ndzi nyiketa n'wana loyi eka yona. Vutomi bya yena hinkwabyo, ú ta va a nyiketiwile eka HOSI.” Kutani va nkhinsama va gandzela HOSI Xikwembu kwalaho.

1 SAMIELE 2:20

Heli a a tolovele ku katekisa Elkana ni nsati wa yena, a ku: “Wena Elkana, HOSI a yi ku nyike vana van'wana hi nsati loyi, leswaku va ta siva loyi a n'wi nyiketeke eka HOSI.” Kutani loko swi herile, a va tlhelela ekaya.

Swivuriso 31:2

N'wananga, ndzi vula wena ndzi ku velekeke, wena nhlamulo ya ku tiboha ka mina, xana ndzi nga ku byela yini xana?

Levhitika 27:2

xi n'wi byela marito ya xona lawa a faneleke ku ya ma fikisa eka Vaisraele, xi ku ka yena: “Un'wana a nga tshuka a hetisa leswi a tshembiseke swona hi ku hlambanya hi ku ndzi tisela munhu mina HOSI. Loko swi va tano, wena u fanele ku veka mali leyi yi nga humesiwaka ematshan'wini ya munhu wa kona.