1 Petro 4:8 - BIBELE Mahungu Lamanene

⁸ Ku tlula leswi hinkwaswo, tiyani eku rhandzaneni, hikuva rirhandzu ri funengeta swidyoho leswo tala.

Testamente Leyimpsha Xichangana

⁸ Kutlula lesvi hinkwasvu, tiyani kurhandzaneni, hikuva rirhandzu rifunengeta svijoho lesvotala.

Xitsonga (Bibele)

⁸ Ngopfungopfu mi tiyisela eku rhandzaneni, hikuva rirhandzu ri ta funengeta swidyoho leswo tala.

1 Petro 4:8 Referans Kwoze

Swivuriso 10:12

Rivengo ri pfuxa madzolonga, kambe rirhandzu ri endla leswaku vanhu va rivalelana.

Vakolosa 3:14

Kutani ehenhla ka leswi hinkwaswo, ku laveka rirhandzu, ri nga rona leri ri bohaka swilo hinkwaswo swi twanana hi ku hetiseka.

Swivuriso 17:9

Loyi a rivalelaka van'wana, ú rhandza xinakulobye, kasi loyi a nga ni xikhomela, ú onha vunghana.

1 Petro 1:22

Leswi mi basiseke mimoya ya n'wina hi ku yingisa ntiyiso ni ku rhandza vamakwenu hi rirhandzu ra xiviri, rhandzanani swinene hi timbilu ta n'wina hinkwato.

Yakobo 5:20

tsundzukani leswi: Un'wana ni un'wana la vuyiselaka endleleni mudyohi loyi a a lahlekile, ú ta ponisa moya wa munhu loyi eku feni, kutani ú ta funengeta swidyoho leswo tala.

1 Vakorinto 13:1

Hambi ndzi nga vulavula tindzimi ta vanhu ni ta tintsumi, kambe ndzi nga ri na rirhandzu, ndzi fana ni xingelengele lexi rilaka, kumbe swiphambati swa nsimbhi loko swi bananisiwa.

1 Vatesalonika 3:12

Ingi Hosi yi nga kurisa ni ku andzisa rirhandzu leri mi rhandzanaka ha rona ni ku rhandza van'wana ha rona, ku fana ni leswi na hina hi mi rhandzisaka xiswona;

Vaheveru 13:1

Yanani emahlweni mi rhandzana kukota vamakwavo.

1 Timotiya 1:5

Kasi, laha xitsundzuxo xa hina xi kongomeke kona, i ku pfuxa rirhandzu leri humaka embilwini leyo tenga ni le ripfalweni lerinene, ni le ku pfumeleni ka xiviri.

2 Vatesalonika 1:3

Swa hi fanela ku nkhensa Xikwembu masiku hinkwawo hikwalaho ka n'wina, vamakwerhu. Hakunene swa fanela sweswo, hikuva ku pfumela ka n'wina ku karhi ka kula ngopfu, ni ku rhandzana ka n'wina hinkwenu ku ya ku engeteleleka.

Swivuriso 18:13

U nga tsutsumeli ku hlamula mhaka u nga si yi twisisa, hikuva swi nga paluxa ku tsandzeka ka wena, swi ku khomisa ni tingana.

Swivuriso 12:16

Xiphukuphuku xi hatla xi komba ku khunguvanyeka ka xona, kambe munhu loyi a ehleketaka, wa swi kota ku tikhoma, loko a rhuketeriwa.

3 Yohane 1:2

ndzi ri karhi ndzi khongela leswaku swilo swa wena hinkwaswo swi famba swinene, ni leswaku u va la tsakeke swinene emirini; ndza swi tiva leswaku swa moya wa wena swona swi lulamile swinene.

Yakobo 5:12

Kambe, ehenhla ka swona hinkwaswo, vamakwerhu, mi nga hlambanyi, hambi hi tilo, kumbe hi misava, kumbe hi hlambanyele rin'wana ni rin'wana. Kambe loko mi ku: “Ina”, a swi ve “Ina”, ni loko mi ku: “E-e”, a swi ve “E-e”, leswaku mi nga weli eku avanyisiweni.

1 Vakorinto 13:4

Rirhandzu ra tiyisela, naswona ri ni tintswalo; rirhandzu a ri na mavondzo, a ri tinyungubyisi, a ri tikurisi;