1 Petro 2:7 - BIBELE Mahungu Lamanene

⁷ Hikokwalaho, eka n'wina mi pfumelaka, i ra nkoka, kambe eka lava nga pfumeriki, “Ribye leri vaaki va nga ri nyenya, hi rona ri nga endliwa ribye lerikulu ra yinhla.”

Testamente Leyimpsha Xichangana

⁷ Hikolaho, ka n'wina mipfumelaka, i ra risima, kambe ka lavangapfumeliki, “Ribze leri vayaki vangarinyenya, hi rona ringayendliwa ribze lerikulu ra yinhla.”

Xitsonga (Bibele)

⁷ Kunene ku ta va ku dzunisa ka n'wina lava pfumeleke, “kambe lava tiarisaka, ribye leri cukumetiweke hi vaaki, ri va hundzukele ribye lerikulu ra yinhla,” ni “ribye leri va khunguvanyekaka ha rona”;

1 Petro 2:7 Referans Kwoze

Matewu 21:42

Yesu a ku ka vona: “Xana a mi si tshama mi hlaya, eMatsalweni, mhaka leyi nge: “ ‘Ribye leri vaaki va nga ri nyenya, hi rona ri nga endliwa ribye lerikulu ra yinhla’, xana? ‘Swilo leswi swi endliwile hi Hosi, i mhaka leyi hlamarisaka loko hi yi languta!’

1 Petro 2:8

Naswona, “I ribye leri nga ta khugula vanhu, i tambha leri nga ta va wisa.” Va khunguka va wa hikuva va ala ku yingisa Rito, hilaha swi nga bohiwa hakona khale, leswaku va ta endla swona.

1 Petro 1:8

Ni loko mi nga si n'wi vona, ma n'wi rhandza; hambi ni sweswi mi nga n'wi voniki, ma pfumela eka yena, kutani mi tsaka hi ku tsaka loku hlamarisaka, loku nga vulekiki,

Vaheveru 11:31

Hi ku pfumela, Rahava lowa nghwavava a nga lovanga ni lava va nga ala ku yingisa, hikuva ú amukerile tinhlori hi malwandla.

Vaheveru 4:11

Loko swi ri tano, a hi ringeteni hi matimba ku nghena eku wiseni koloko, leswaku ni un'we a nga wi hi ku tiarisa loku fanaka ni ka vona.

Tito 3:3

Na hina khale a hi ri swiphukuphuku, hi humile endleleni, hi ala ku yingisa; a hi ri mahlonga ya ku navela, ni ya ku titsakisa ka tinxaka-xaka; a hi ri lava hanyaka hi nsele ni mavondzo; a hi vengiwa, na hina hi vengana.

Vakolosa 2:10

kutani n'wina mi kumile vutomi lebyo tala eka yena; hi yena la nga nhloko ya hinkwaswo leswi nga ni vundhuna ni ku fuma.

2 Vakorinto 2:16

eka lava lovaka i risema ra rifu; kambe eka lava ponisiwaka, i ku nun'hwela ka vutomi. Xana i mani loyi a faneriwaka hi ntirho hinkwawo lowu ke?

Varhoma 15:31

leswaku ndzi pona eka lava nga pfumeriki va le Yudiya, ni leswaku ntirho lowu ndzi nga ta wu tirha le Yerusalema wu amukeleka eka vahlawuriwa va Xikwembu;

Varhoma 10:21

Kambe, hi tlhelo ra Vaisraele, ú ri: “Masiku hinkwawo ndzi tshambulutile mavoko ya mina, ndzi vitana vanhu va mina lava tiarisaka, lava lwaka na mina.”

Timhaka 26:19

“Hikokwalaho, wena hosi Agripa, a ndzi alanga ku yingisa mahlori lawa yo huma etilweni.

Yohane 4:42

hiloko va ku ka wansati: “A ma ha ri wona mahungu ya wena lama endlaka leswaku hi pfumela; hikuva na hina hi n'wi twile, kutani ha swi tiva leswaku loyi i Muponisi wa misava hakunene.”

Luka 20:17

Kambe Yesu a va languta a ku: “Xana ri vula yini tsalwa leri nge: “ ‘Ribye leri vaaki va nga ri nyenya, hi rona leri nga endliwa ribye lerikulu ra yinhla’ xana?

Luka 2:32

ku nga ku vonakala loku nga ta voninga matiko, ni loku Israele tiko ra wena ri nga ta tidzunisa ha kona.”

Zakariya 4:7

“We nhulu leyikulu ya maribye, wo va yini? Emahlweni ka Zerubabele, u ta hundzuka rivala, kutani yena ú ta humesa ribye ra yinhla, ntshungu wu ri karhi wu huwelela wu ku: ‘Ribye leri a ri katekisiwe, a ri katekisiwe!’ ”

Hagayi 2:7

Ndzi ta tsekatsekisa ni tinxaka hinkwato ta vanhu, kutani mfuwo wa tinxaka leti hinkwato wu ta nghena haleno; ndzi ta tata yindlu ya mina hi rifuwo, ku vula mina HOSI ya matimba hinkwawo.

Esaya 28:5

Enkarhini wolowo, HOSI ya matimba hinkwawo yi ta va harhi leyo dzuneka etinhlokweni ta masalela ya vanhu va yona, yi ta va xidlodlo lexi va nga ta bomba ha xona.

Luka 2:34

Kutani Simiyoni a va katekisa, a ku ka Mariya, mana wa n'wana: “Vona, n'wana loyi ú vekiwile leswaku lavo tala va khunguvanyeka, van'wana va pfuxiwa etikweni ra Israele. Ú ta va xikombiso lexi lavo tala va nga ta lwa na xona,

1 Petro 2:4

Tanani eka yena, hikuva yena i ribye leri hanyaka, leri nyenyiweke hi vanhu, kasi emahlweni ka Xikwembu hi leri hlawuriweke, ra nkoka.