1 Petro 1:8 - BIBELE Mahungu Lamanene

⁸ Ni loko mi nga si n'wi vona, ma n'wi rhandza; hambi ni sweswi mi nga n'wi voniki, ma pfumela eka yena, kutani mi tsaka hi ku tsaka loku hlamarisaka, loku nga vulekiki,

Testamente Leyimpsha Xichangana

⁸ Ni loko mingasimuvona, mamu rhandza; hambi ni svosvi mingamuvoniki, mapfumela ka yena, kutani mitsaka hi kutsaka loku kuhlamalisaka, lokungahlayekiki,

Xitsonga (Bibele)

⁸ loyi mi n'wi rhandzaka hambi mi nga n'wi vonanga, loyi mi tsakaka ha yena hi ku tsaka loku nga vulekiki, loku kwetsimaka, hambi mi nga si n'wi vona ku ta fika sweswi, kambe mi endla hi ku pfumela;

1 Petro 1:8 Referans Kwoze

Yohane 20:29

Yesu a ku ka yena: “Xana u pfumela hi leswi u nga ndzi vona xana? Va katekile lava pfumelaka, hambiloko va nga vonanga.”

2 Vakorinto 5:7

Hi hanya hi ku pfumela, ku nga ri hi ku swi vona,

Varhoma 15:13

Ingi Xikwembu lexi ku langutela ku humaka ka xona xi nga mi tata hi ku tsaka hinkwako ni ku rhula hinkwako eku pfumeleni, leswaku, hi matimba ya Moya lowo Kwetsima, ku langutela ku mi talela, ku va ku khapa.

Vaheveru 11:1

Kutani ke, ku pfumela i ku tshemba loku tiyeke ehenhla ka swilo leswi languteriwaka, ni ku kholwa swinene hi tlhelo ra swilo leswi nga voniwiki.

Yohane 16:22

Swi tano na n'wina: Mi twa ku vaviseka sweswi, kambe ndzi ta tlhela ndzi mi vona, kutani timbilu ta n'wina ti ta tsaka, kutani a ku na munhu la nga ta mi tekela ku tsaka ka n'wina.

2 Vakorinto 4:18

Kutani hi kongomisa mahlo ku nga ri eka leswi voniwaka, kambe eka leswi nga voniwiki; hikuva leswi voniwaka i swa nkarhinyana ntsena, kasi leswi nga voniwiki i swa minkarhi hinkwayo.

1 Petro 1:6

Mhaka leyi ya mi tsakisa, hambiloko sweswi ma ha fanela ku twa ku vava nkarhinyana, hikwalaho ka miringo ya tinxaka-xaka.

Vaheveru 11:27

Hi ku pfumela, Muxe ú sukile etikweni ra Egipta a nga chavi vukari bya hosi, hikuva ú tiyiserile onge hi loko a ri karhi a vona loyi a nga voniwiki.

1 Petro 2:7

Hikokwalaho, eka n'wina mi pfumelaka, i ra nkoka, kambe eka lava nga pfumeriki, “Ribye leri vaaki va nga ri nyenya, hi rona ri nga endliwa ribye lerikulu ra yinhla.”

Vafilipiya 4:4

Titsakeleni eHosini masiku hinkwawo; ndzi tlhela ndzi vurisa sweswo, ndzi ri: Titsakeleni!

1 Petro 5:4

Kutani siku murisi lonkulu a nga ta humelela, mi ta kuma harhi leyo kwetsima, leyi nga riki na ku onhaka.

Vaefesa 6:24

Tintswalo a ti ve ni hinkwavo lava rhandzaka Hosi ya hina Yesu Kriste hi rirhandzu leri nga onhakiki!

Vafilipiya 1:25

Hi ku kholwa swinene mhaka leyi, ndzi tiva leswaku ndzi ta xwa na n'wina ni ku heta masiku ndzi ri na n'wina hinkwenu, leswaku ndzi mi pfuna ku ya emahlweni mi ri karhi mi tsaka eku pfumeleni.

Varhoma 14:17

Hikuva Mfumo wa Xikwembu a hi ku dya, a hi ku nwa; kambe i ku lulama, ni ku rhula, ni ku tsaka, hi matimba ya Moya lowo Kwetsima.

Yohane 14:24

Loyi a nga ndzi rhandziki, a nga hlayisi marito ya mina; kutani rito leri mi ri twaka, a hi ra mina, kambe i ra Tatana la ndzi rhumeke.

Yohane 8:42

Yesu a ku ka vona: “Loko Xikwembu a xi ri tata wa n'wina, a mi ta ndzi rhandza, hikuva mina sweswi ndzi nga kwala ndzi huma eka Xikwembu. A ndzi lo titisa, kambe ndzi rhumiwile hi xona.

Vafilipiya 3:3

Hikuva hi hina hi nga ngoma ya xiviri, hina hi gandzelaka Xikwembu hi Moya wa xona, hina hi tidzunisaka ha Kriste Yesu, hi nga vekiki ku tshemba ka hina eka leswi endliwaka hi vanhu ntsena.

Vagalatiya 5:22

Kasi mihandzu ya Moya i rirhandzu, ni ku tsaka, ni ku rhula, ni ku leha mbilu, ni vunene, ni ku hanana, ni ku tshembeka,

Vagalatiya 5:6

Hikuva eka Kriste Yesu, ku yimba kumbe ku va munhu wo ka a nga yimbanga, a swi vuli nchumu, kambe lexi nga xona i ku pfumela loku tirhaka hi rirhandzu.

2 Vakorinto 12:4

ú tlakuriwile a yisiwa eParadeyisini, a twa marito lama nga vulekiki, lawa munhu a nga pfumeleriwiki ku ma vula.

2 Vakorinto 9:15

A ku nkhensiwe Xikwembu hikwalaho ka nyiko ya xona, yi nga nyiko leyi marito ma kayivelaka ku yi hlamusela.

2 Vakorinto 1:22

Xi hi funghile, xi vekile Moya wa xona etimbilwini ta hina, wu va xitiyiso xa leswa ha taka.

Timhaka 16:34

Endzhaku ka sweswo, a yisa Pawulo na Silasi ekaya ka yena, a va phamela swakudya, kutani a tsaka swin'we ni va ndyangu wa yena hinkwavo, hileswi a a pfumerile ka Xikwembu.

Yohane 14:21

Loyi a amukeleke milawu ya mina, kutani a yi hlayisa, hi yena loyi a ndzi rhandzaka; kutani loyi a ndzi rhandzaka, ú ta rhandziwa hi Tata wa mina; na mina ndzi ta n'wi rhandza, ndzi va ndzi tipfuletela eka yena.”

Yohane 14:15

“Loko mi ndzi rhandza, mi ta hlayisa milawu ya mina.

Matewu 10:37

“La rhandzaka tata wa yena kumbe mana wa yena ku tlula mina, a swi n'wi fanelanga ku va wa mina; swi tano ni loyi a rhandzaka n'wana wa yena wa xinuna kumbe wa xisati ku tlula mina.

Risimu ra Tinsimu 5:16

Ku vulavula ka yena ku tsokombela ngopfu, vuyena byakwe hinkwabyo bya rhandzeka swinene. N'wina vanhwanyana va Yerusalema, loyi hi yena murhandziwa wa mina, yena munghana wanga.

1 Vakorinto 16:22

Loko munhu a nga rhandzi Hosi, a a ve eku rhukaniweni! “Maranatha! Tana, Hosi!”

Risimu ra Tinsimu 5:9

Leswi u ngo kala u hi kombela hi ndlela leyi, xana murhandziwa wa wena wo tlula varhandziwa va van'wana xana? Wena mbhurhi ya timbhurhi, xana murhandziwa wa wena ú tlula van'wana hi yini?

Risimu ra Tinsimu 1:7

Ndzi byele, wena murhandziwa wa mbilu yanga, ndzi kombe laha u riselaka kona, ni laha ntlhambi wa wena wu vundzaka kona ninhlekanhi. Hikwalaho ka yini mina ndzi fanele ku tsendzeleka, ndzi landzelela mintlhambi ya vanghana va wena xana?

Vaefesa 3:19

Mawaku loko ingi mi nga tiva rirhandzu ra yena, hambiloko swi nga endleki ku ri tiva hi ku hetiseka; kutani, matlhelo hinkwawo, mi ta tala hi vukona hinkwabyo bya Xikwembu.