1 Petro 1:25 - BIBELE Mahungu Lamanene

²⁵ kambe Rito ra Hosi ri tshama hilaha ku nga heriki.” Rito rero i Mahungu Lamanene lawa mi dyondzisiweke wona.

Testamente Leyimpsha Xichangana

²⁵ kambe Rito ra Hosi ritshama hilaha kungaheliki.” Rito lero i Evhangeli leyi mijondzisiweke yona.

Xitsonga (Bibele)

²⁵ kambe rito ra Hosi ri tshama hilaha ku nga heriki”; kutani hi rona rito leri mi ri byeriweke eEvhangelini.

1 Petro 1:25 Referans Kwoze

Esaya 40:8

Byanyi bya oma, ni swiluva swa vuna, kambe rito ra Xikwembu xa hina ri ta va ni matimba hilaha ku nga heriki!”

Matewu 5:18

Ndzi tiyisile ndzi ri ka n'wina: Tilo ni misava swi nga si nyamalala, xihikwana kumbe xirhatana, hambi xi ri xin'we, xi nga ka xi nga susiwi eNawini, ku kondza loko swilo hinkwaswo swi ta va swi hetisekile.

Pisalema 119:89

We HOSI, rito ra wena ra tiyisiwa ematilweni hilaha ku nga heriki.

1 Yohane 1:1

Swa Rito ra vutomi, a swi ri kona ku sukela eku sunguleni; hi swi twile ni ku swi vona hi mahlo; hi swi langutile ni ku swi khumba hi mavoko ya hina, kutani hi swona leswi hi mi tivisaka swona.

2 Petro 1:19

Hikokwalaho, rito ra vaprofeta, hina hi ri kuma ri tiyile ku tlula ni khale. Mi ta va mi endla swona loko mi hlayisa swinene rito rero, ku fana ni rivoni leri voningaka lomu ku nga ni munyama, ku fikela loko vurhonga byi tshwuka, ni loko nyeleti ya mixo yi humelela etimbilwini ta n'wina.

Pisalema 102:12

Kambe wena we HOSI, u fuma hilaha ku nga heriki, vanhu va ta ku tsundzuka minkarhi hinkwayo.

Luka 16:17

“Tilo ni misava swi nga nyamalala hi ku olova, ku ri na ku susa xirhatana xin'we ntsena eNawini.

Vaefesa 2:17

Ú tile a ta twarisa Mahungu Lamanene ya ku rhula eka n'wina vamatiko lava a mi ri kule na Xikwembu, ni ka Vayuda lava a va ri kusuhi na xona.

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Yohane 1:1

Eku sunguleni ka swilo hinkwaswo, Rito a ri ri kona, Rito a ri ri na Xikwembu, kutani rito a ri ri Xikwembu.

Pisalema 102:26

Swilo leswi swi ta hela, kambe wena u ta va kona hilaha ku nga heriki. Hinkwaswo swi ta hlakala kukota swiambalo, u ta swi cukumeta ku fana ni switlakati, kutani swi ta nyamalala.

1 Yohane 1:3

Leswi hi swi voneke ni ku swi twa, hi mi tivisa swona na n'wina, leswaku mi va ni xinakulobye na hina. Xinakulobye xi kona exikarhi ka hina na Tatana, ni le xikarhi ka hina ni n'wana wa yena Yesu Kriste.

1 Petro 2:2

Tanihi swihlangi leswa ha ku velekiwaka, mi fanele ku navela ntswamba lowu tengeke wa moya, leswaku ha wona mi ta kota ku kula mi ya eku ponisiweni,

1 Petro 1:23

Mi tswariwile ra vumbirhi, ku nga ri hi mbewu leyi bolaka, kambe hi leyi nga boriki, ri nga Rito ra Xikwembu leri hanyaka, leri tshamaka hi masiku hinkwawo.

1 Petro 1:12

Va kombisiwile hi ku hlavuteriwa leswaku a va nga titirheli, kambe a va tirhela n'wina, eka swilo leswi mi tivisiweke swona sweswi. Mi tivisiwile swilo swa kona hi lava va twariseke Mahungu Lamanene eka n'wina, hi Moya lowo Kwetsima lowu rhumeriweke hi le tilweni. Swilo swa kona, tintsumi na tona ta navela ku swi hlometela.

Tito 1:3

kutani xi byi humesele erivaleni hi mahungu ya xona, loko nkarhi lowunene wu fikile, hikuva ndzi nyikiwile mahungu lawa ku ma twarisa, hi ku lerisa ka Xikwembu muponisi wa hina.

Vaefesa 3:8

Mina ndzi nga lontsongo ngopfu eka vahlawuriwa va Xikwembu hinkwavo, ndzi nyikiwile nkateko lowu wa ku fikisa eka vamatiko mahungu lamanene ya rifuwo leri nga hlayekiki ra Kriste,

1 Vakorinto 2:2

kambe ndzi tilulamisile leswaku, loko ndzi ri exikarhi ka n'wina, ndzi nga lavi ku tiva swin'wana loko a nga ri Yesu Kriste, yena Kriste la vambiweke.

Esaya 40:6

Ndzi twa rito leri nge: “Huwelela!” Kutani ndzi ku: “Ndzi ta huwelela ndzi ku yini?” Rito ri ri: “Va byele leswaku vanhu hinkwavo va fana ni byanyi, va kota swiluva swa nhova: A va tiyanga.

Vaheveru 6:5

lava nga nantswa ku nandziha ka Rito ra Xikwembu ni matimba ya swa minkarhi leyi taka,

Nhlavutelo 14:6

Kutani ndzi vona ntsumi yin'wana yi ri karhi yi haha ehenhla mapapeni, yi ri ni Evhangeli leyi nga heriki, leswaku yi ta yi twarisa eka lava akeke emisaveni, eka vanhu va matiko hinkwawo, ni va tinxaka hinkwato, ni va tindzimi hinkwato, ni va swivongo hinkwaswo.