1 Petro 1:23 - BIBELE Mahungu Lamanene

²³ Mi tswariwile ra vumbirhi, ku nga ri hi mbewu leyi bolaka, kambe hi leyi nga boriki, ri nga Rito ra Xikwembu leri hanyaka, leri tshamaka hi masiku hinkwawo.

Testamente Leyimpsha Xichangana

²³ Mipsaliwile ra vumbirhi, kungali hi mbewu leyibolaka, kambe hi leyingaboliki, ringa Rito ra Xikwembu lerihanyaka, leritshamaka hi masiku hinkwawu.

Xitsonga (Bibele)

²³ mi va lava tswariweke ra vumbirhi, ku nga ri hi mbewu leyi bolaka, kambe ku ri hi leyi nga boriki, hi rito leri hanyaka ra Xikwembu, leri tshamaka hi masiku.

1 Petro 1:23 Referans Kwoze

1 Petro 1:3

A ku nkhensiwe Xikwembu, Tata wa Hosi ya hina Yesu Kriste! Hi musa wa yena lowukulu, ú hi tswarile ra vumbirhi, leswaku hi va ni ku tshemba loku hanyaka, hikwalaho ka ku pfuka ka Yesu Kriste exikarhi ka vafi,

Vaheveru 4:12

Hikuva Rito ra Xikwembu ra hanya, naswona ra tirha, ri kariha ku tlula tlhari rin'wana ni rin'wana leri lotiweke matlhelo mambirhi, ri tlhava ku ya fika emahlanganeni ya hika ni moya, ni ya marhambu ni mongo, ri kota ku hlaya mianakanyo ni makungu ya mbilu.

Yohane 3:3

Yesu a n'wi hlamula, a ku: “Ndzi tiyisisile ndzi ri ka wena, a ku na munhu la nga vonaka Mfumo wa Xikwembu, loko a nga tlhelanga a tswariwa ra vumbirhi.”

Yohane 1:13

lava tswariweke, ku nga ri hi ndlela ya ntumbuluko, ku nga ri hi ku navela ka miri, ku nga ri hi ku rhandza ka wanuna, kambe ku ri hi Xikwembu.

Yohane 6:63

Moya hi wona wu hanyisaka, nyama a yi pfuni nchumu. Marito lawa ndzi mi byelaka wona, i moya ni vutomi.

1 Yohane 5:18

Ha swi tiva leswaku un'wana ni un'wana la tswariweke hi Xikwembu, a nga ha tshameli ku dyoha, hikuva ú hlayisiwa hi N'wana wa Xikwembu, kutani Lowo biha a nga n'wi khumbi.

Yakobo 1:18

Hi ku rhandza ka yena, ú hi velekile hi rito ra ntiyiso, leswaku hi nga va lava vuriwaka mativula ya swivumbiwa swa yena.

Yohane 3:5

Yesu a hlamula, a ku: “Ndzi tiyisisile ndzi ri ka wena, loko munhu a nga tswariwi hi mati ni Moya, a nga ka a nga ngheni eMfun'weni wa Xikwembu.

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.

1 Yohane 3:9

Ku hava ni un'we loyi a tshamelaka ku dyoha, loko a tswariwile hi Xikwembu, hikuva mbewu ya Xikwembu yi mirile eka yena, kutani a nga ka a nga ha tshameli ku dyoha, hikuva ú tswariwile hi Xikwembu.

1 Petro 1:25

kambe Rito ra Hosi ri tshama hilaha ku nga heriki.” Rito rero i Mahungu Lamanene lawa mi dyondzisiweke wona.

Yohane 1:3

Swilo hinkwaswo swi tumbuluxiwile hi yena, kutani a ku na xilo na xin'we lexi tumbulukeke loko ku nga ri hi yena. Hinkwaswo leswi nga tumbuluka,

Yeremiya 23:28

Munhu loyi a lorhaka, n'wi tshikeni a hlamusela milorho ya yena! Kambe muprofeta loyi mina ndzi n'wi rhumeke, a a hlamusele marito ya mina hi ku tshembeka, kutani mi ta vona ku tiya ka mhaka leyi nge: ‘Mungu ni mavele a swi hlangani!’

Varhoma 1:23

kutani va tshikile ku kwetsima ka Xikwembu lexi nga fiki, va tiendlela swifaniso leswi nga ni xivumbeko xa munhu la faka, ni xa tinyanyana, ni xa swiharhi, ni xa swikokovi.

Malakiya 2:3

Vonani, ndzi le kusuhi ni ku tshinya vana va n'wina; ndzi ta teka nswanyi wa swifuwo swa magandzelo ya n'wina ndzi mi haxa eswikandzeni, kutani va ta mi cukumeta laha nswanyi wa kona wu cheriwaka kona!

Luka 8:11

“Loko xi ri xifaniso lexi, xi vula leswi: Timbewu i Rito ra Xikwembu.

Levhitika 11:37

Naswona mbewu yihi na yihi leyi lavaka ku byariwa, yi tengile, hambiloko yo tshuka yi weriwa hi xin'wana xa swihadyana leswi feke.