1 Petro 1:2 - BIBELE Mahungu Lamanene

² va nga lava hlawuriweke khale hi makungu ya Xikwembu Tatana, va hlawulekisiwa hi Moya leswaku va yingisa Yesu Kriste ni ku xuviwa hi ngati ya yena, ndzi ri: Tintswalo ni ku rhula a swi ve na n'wina swi mi talela.

Testamente Leyimpsha Xichangana

² vanga lavahlawuliweke khale hi vutivi bza Xikwembu Tatana, vahlawulekisiwa hi Moya lesvaku vayingisa Yesu Kriste ni kuxuviwa hi ngati ya yena, nili: Timpsalu ni kurhula asvive na n'wina hi ntalu.

Xitsonga (Bibele)

² va nga lava hlawuriweke hi ku tiviwa emahlweni hi Xikwembu Tatana, va ri karhi va kwetsimisiwa hi Moya, leswaku va ta yingisa Yesu Kriste, ni ku xuviwa hi ngati ya yena: Tintswalo ni ku rhula a swi mi talele!

1 Petro 1:2 Referans Kwoze

2 Vatesalonika 2:13

Swa hi fanela ku nkhensa Xikwembu masiku hinkwawo hikwalaho ka n'wina vamakwerhu, n'wina lava Hosi yi mi rhandzaka, hikuva Xikwembu xi mi hlawurile leswaku mi va lavo rhanga ku ponisiwa, hi Moya lowu wu mi endlaka lava tengeke, ni ku pfumela ka n'wina eka ntiyiso.

1 Petro 1:22

Leswi mi basiseke mimoya ya n'wina hi ku yingisa ntiyiso ni ku rhandza vamakwenu hi rirhandzu ra xiviri, rhandzanani swinene hi timbilu ta n'wina hinkwato.

Vaheveru 12:24

mi tile ni le ka Yesu, muyimeri wa ntwanano lowuntshwa, ni le ngatini leyi halatiweke, leyi vulaka leswikulu ku tlula ngati ya Avele.

Varhoma 11:2

Xikwembu a xi cukumetanga tiko ra xona leri xi ri tiveke ka ha ri ku sunguleni. Xana a mi tivi leswi Tsalwa ri vulaka swona ehenhla ka Eliya xana? Ú vilerile emahlweni ka Xikwembu hikwalaho ka Vaisraele, a ku:

2 Petro 1:2

Tintswalo ni ku rhula a swi ve na n'wina swi mi talela, eku tiveni ka Xikwembu ni ka Yesu Hosi ya hina.

Timhaka 2:23

hi yena loyi a nga nyiketiwa, hi makungu lama tiyeke ya Xikwembu ni ku tiva ka xona ka khale; kutani mi n'wi dlayile hi mavoko ya vanhu lavo homboloka lava nga n'wi vamba exihambanweni.

Varhoma 16:26

kambe sweswi xi humeseriweke erivaleni hi Matsalwa ya vaprofeta, hi ku landza ku lerisa ka Xikwembu lexi nga heriki, xona xihundla lexi xi nga tivisiwa vamatiko hinkwavo, leswaku vanhu va pfumela, va tlhela va yingisa,

2 Timotiya 2:10

kutani, etimhakeni hinkwato, ndzi tiyisela hikwalaho ka vahlawuriwa va Xikwembu, leswaku na vona va ta kuma ku ponisiwa loku humaka eka Kriste Yesu, va kuma ni ku kwetsima loku nga heriki.

1 Vakorinto 6:11

Hi leswi van'wana va n'wina a mi ri swona; kambe sweswi mi basisiwile, naswona mi endliwile lava hlawulekeke ni lava lulameke, hi vito ra Hosi Yesu Kriste ni Moya wa Xikwembu xa hina.

Marka 13:27

Kutani ú ta rhuma tintsumi ta yena ku ta hlengeleta vahlawuriwa va yena; va ta huma ematlhelweni ya mune ya misava, ku sukela emakun'wini ya yona ku yisa emakun'wini ya tilo.

Marka 13:20

Loko Hosi a yi nga hungutanga masiku walawo, a ku nga ta pona munhu ni un'we; kambe yi ma hungutile hikwalaho ka vahlawuriwa va yona.

Vaheveru 10:22

a hi tshineleleni Xikwembu hi mbilu leyi namarhelaka ntiyiso ni ku pfumela loku hetisekeke; timbilu ta hina leti xuviweke, a ti base ti hambana ni ripfalo lero biha, ni miri wa hina wu va lowu hlantswiweke hi mati layo tenga.

Varhoma 16:19

Ku yingisa ka n'wina ku twakele eka vanhu hinkwavo; ndzi tsaka hi n'wina emhakeni leyi; kambe ndzi lava leswaku mi va lavo tlhariha hi tlhelo ra leswinene, ni lava nga tiviki nchumu hi tlhelo ra leswo biha.

Varhoma 8:33

I mani loyi a nga mangalelaka lava Xikwembu xi va hlawuleke xana? Xikwembu hi xona lexi xi va khanisaka. I mani loyi a nga va vekaka nandzu xana?

Luka 18:7

Kutani, xana Xikwembu a xi nga avanyiseri vahlawuriwa va xona, ni ku va lehisela mbilu, vona lava huwelelaka eka xona vusiku ni nhlekanhi, xana?

Matewu 24:24

Hikuva ku ta humelela Vamesiya va mavunwa, ni vaprofeta va mavunwa, va ta endla mahlori lamakulu ni swihlamariso, ku xisa hambi va ri vona vahlawuriwa va Xikwembu, loko swi endleka.

Matewu 24:22

Loko masiku walawo a ma nga hungutiwanga, a ku nga ta pona munhu, kambe hikwalaho ka vahlawuriwa va Xikwembu, masiku ya kona ma ta hungutiwa.

Duteronoma 7:6

“N'wina, mi rixaka leri hlawuleriweke HOSI Xikwembu xa n'wina. Xi mi hlawurile exikarhi ka vanhu va matiko hinkwawo lama nga kona emisaveni, leswaku mi va vanhu va xona va xiviri.

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Vaheveru 11:28

Hi ku pfumela, ú lunghisile Paseka, a xuva timbanti hi ngati leswaku Muherisi wa mativula a nga khumbi mativula ya Vaisraele.

Varhoma 15:16

ku va nandza wa Kriste Yesu exikarhi ka vamatiko. Mina, kukota muprista, ndzi vula Mahungu Lamanene ya Xikwembu leswaku vamatiko va va mhamba leyi amukelekaka eka xona, leyi hlawulekisiweke hi Moya lowo Kwetsima.

Varhoma 8:13

Loko mi hanya hi ku yingisa ntumbuluko wa n'wina, mi ta fa; kambe loko mi dlaya mikhuva leyo biha ya miri hi matimba ya Moya, mi ta hanya.

Varhoma 1:7

Ndza mi xeweta, n'wina hinkwenu lava mi nga eRhoma, lava rhandziwaka hi Xikwembu, lava vitaniweke ku va vahlawuriwa va xona, ndzi ri: Tintswalo ni ku rhula a swi ve na n'wina, swi huma eka Xikwembu Tata wa hina, ni ka Hosi Yesu Kriste.

Varhoma 1:5

Ha yena, ndzi nyikiwile nkateko wa ku va muapostola evitweni ra yena, leswaku vanhu va matiko hinkwawo va pfumela, va tlhela va yingisa;

Timhaka 15:18

Hosi yi vula sweswo, yona yi tirhaka swilo leswi, swi nga swilo leswi tivisiweke khale.’

Daniele 4:1

Hosi Nebukadnetsara ú rhumela mahungu eka vanhu va tinxaka hinkwato lava akeke emisaveni, lava vulavulaka tindzimi to hambana-hambana a ku ka vona: “Ku rhula a ku ve na n'wina!

Esaya 65:22

A va nga aki ntsena, kutani ku tshama van'wana, a va nga rimi ntsena, van'wana va ta hi ku dya. Vanhu va mina va ta hanya nkarhi wo leha ku fana ni misinya, vahlawuriwa va mina va ta tiphina hi ku dya swa nyuku wa vona.

Yuda 1:2

Musa, ni ku rhula, ni rirhandzu, a swi ve na n'wina swi mi talela.

Vaheveru 5:9

Kutani loko a endliwile la hetisekeke, ú hundzukile xihlovo xa ku ponisiwa loku nga heriki eka hinkwavo lava va n'wi yingisaka,

Vakolosa 3:12

Hikokwalaho, leswi mi nga vitaniwa hi Xikwembu ku va vahlawuriwa va xona lava rhandziwaka, ambalani moya wa tintswalo, ni vunene, ni ku titsongahata, ni ku rhula, ni ku leha mbilu.

2 Vakorinto 10:5

hi mbundzumuxa ni swihingakanyo hinkwaswo swa lava tikurisaka, va sivela vanhu ku tiva Xikwembu. Hi koka mianakanyo hinkwayo hi yi endla leswaku yi yingisa Kriste.

Varhoma 11:28

Leswi Vaisraele va nga ala Mahungu Lamanene, i valala va Xikwembu, ku pfuna n'wina vamatiko; kambe leswi va nga hlawuriwa hi xona, i varhandziwa va xona hikwalaho ka vakokwa wa vona;

Timhaka 20:32

“Kutani ndza mi nyiketa sweswi eka Xikwembu, ni ka rito ra tintswalo ta xona, leri kotaka ku mi akisa ni ku mi nyika ndzhaka exikarhi ka hinkwavo lava xi tihlawuleleke vona.

Tito 1:1

Mina Pawulo, nandza xa Xikwembu ni muapostola wa Kriste Yesu, ndzi rhumiwile ku seketela ku pfumela ka vanhu lava hlawuriweke hi Xikwembu, ni ku va pfuna ku tiva ntiyiso lowu dyondzisiwaka hi vukhongeri bya hina,

1 Vakorinto 1:30

Hi ku endla ka xona, mi le ka Kriste Yesu, kutani hi xona Xikwembu lexi nga endla leswaku Kriste a va vutlhari eka hina; ha yena hi endliwa lava lulameke, hi hundzuka vahlawuriwa va Xikwembu, hi va ni ku kutsuriwa.

Marka 13:22

hikuva ku ta humelela Vamesiya va mavunwa, ni vaprofeta va mavunwa; va ta endla mahlori ni swihlamariso ku hambukisa na vona vahlawuriwa va Xikwembu, loko swi endleka.

Matewu 24:31

Hi mpfumawulo lowukulu wa mhalamhala, ú ta rhuma tintsumi ta yena; ti ta hlengeleta vahlawuriwa va yena, va huma ematlhelweni ya mune ya misava, ku sungula emakun'wini man'wana ya tilo ku ya fika eka laman'wanyana.

Esaya 55:7

Lavo homboloka a va tshike mahanyelo ya vona layo biha, ni lava nga lulamangiki a va cukumete kule miehleketo leyo biha leyi va nga na yona; hinkwavo a va tlhelele eka HOSI Xikwembu xa hina, kutani xi ta va twela vusiwana, xi va rivalela swidyoho swa vona hinkwaswo.

2 Yohane 1:13

Vana va makwenu wa xisati la nga muhlawuriwa wa Xikwembu, va ku rungula.

2 Yohane 1:1

Mina nkulukumba ndzi tsalela nkosikazi, muhlawuriwa wa Xikwembu, ni vana va yena, lava ndzi va rhandzaka hi mbilu hinkwayo; a hi mina ntsena ndzi va rhandzaka, kambe na vona hinkwavo lava tivaka ntiyiso va va rhandza,

Daniele 6:25

Kutani hosi Dariyosi a tsalela vanhu va tinxaka hinkwato lava akeke etikweni ra yena hinkwaro lava vulavulaka tindzimi to hambana-hambana a ku: “Ku rhula a ku ve na n'wina!

Esaya 65:9

Va ka Yakobo, ndzi ta va nyika vatukulu; ndzi vula vona va ka Yuda: Va ta tshama etintshaveni ta mina, ti va ta vona; vona vahlawuriwa va mina, va ta nyikiwa tona ti va ta vona, va ta aka eka tona, hikuva i malandza ya mina.

Levhitika 1:5

Kutani ú ta tlhava nkuzi emahlweni ka HOSI Xikwembu. Vaprista, va nga vana va Aroni, va ta teka ngati va yi humesela HOSI Xikwembu hi ku xuva ha yona alitari matlhelo hinkwawo, enyangweni ya Ntsonga lowo Hlawuleka.

1 Petro 1:14

Tanihi vana lava nga ni ku yingisa, mi nga landzi ku navela ka n'wina loko biha loku a mi ri na kona mi nga si tiva nchumu.

1 Petro 1:19

kambe hi ngati ya nkoka ya Kriste, leyi fanaka ni ya xinyimpfana lexi nga riki na vulema kumbe xivati.

1 Petro 1:20

Hambileswi a hlawuriweke khale, misava yi nga si tumbuluka, ú kombiwile hikwalaho ka n'wina, eminkarhini leyi ya makumu.