1 Petro 1:18 - BIBELE Mahungu Lamanene

¹⁸ Ma swi tiva leswaku mi kutsuriwile eka tindlela leti nga pfuniki nchumu, leti mi ti kumeke eka vatata wa n'wina; mi kutsuriwile ku nga ri hi swilo leswi onhakaka ku fana ni silivhere kumbe nsuku,

Testamente Leyimpsha Xichangana

¹⁸ Masvitiva lesvaku miponisiwile ka tindlela letingapfuniki nchumu, leti mitikumeke ka vatatana va n'wina; miponisiwile kungali hi svilo lesviwonhekaka kufana ni silivhere kumbe golidi,

Xitsonga (Bibele)

¹⁸ Ma swi tiva leswaku mi kutsuriwile emikhuveni ya n'wina ya swahava, leyi mi yi dyondzisiweke hi vatata wa n'wina,

1 Petro 1:18 Referans Kwoze

1 Vakorinto 6:20

Mi xaviwile hi nxavo lowukulu; hikokwalaho, dzunisani Xikwembu hi miri wa n'wina.

1 Vakorinto 7:23

Mi xaviwile hi nxavo lowukulu; mi nga vi mahlonga ya vanhu.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Vagalatiya 1:4

yena loyi a tinyiketeke hikwalaho ka swidyoho swa hina, leswaku a ta hi kutsula eka nguva leyo biha ya masiku lawa. Ú endle sweswo hi ku yingisa ku rhandza ka Xikwembu Tata wa hina;

Vaefesa 4:17

Hikokwalaho, ndzi vula leswi ni ku swi tiyisa hi vito ra Hosi, ndzi ri: Mi nga ha hanyi ku fana ni leswi vamatiko va hanyisaka xiswona, hi miehleketo ya vona leyi nga pfuniki nchumu.

Varhoma 1:21

Hambiloko va tivile Xikwembu, a va xi dzunisanga va ku i Xikwembu, a va xi nkhensanga; kambe va anakanyile leswo ka swi nga pfuni nchumu, ni timbilu ta vona leti nga riki na ku twisisa ti nyamisiwile.

1 Petro 4:3

Tshikani ku endla leswi tsakeriwaka hi vamatiko, hikuva swi ringene loko mi swi endlile eminkarhini leyi hundzeke. Khale a mi hanya hi ku endla swa manyala, hi ku navela ku titsakisa, hi ku pyopyiwa, ni makolo, ni ku va swilovekelo, ni ku gandzela swikwembu swa hava leswi nga lavekiki.

1 Petro 1:7

Miringo leyi yi endla leswaku ku pfumela ka n'wina, loku tlulaka nsuku hi nkoka, ku vonaka ku tiyile. Nsuku, hambileswi wu ringetiwaka hi ndzilo, wa onhaka; kambe ku pfumela ka n'wina, loko ku tiyile, ku ta mi tisela ku dzunisiwa ni ku twarisiwa ni ku fundzhiwa, siku Yesu Kriste a humelelaka.

Amosi 2:4

HOSI yi vurisa sweswo, yi ri: “Ndzi nga ka ndzi tshiki ku ba vanhu va le Yuda, hikuva va dyoha va vuyelela-vuyelela: Va tshikile nawu wa mina HOSI, ni swileriso swa mina a va swi hlayisanga; va hambukile va ya tirhela swikwembu swa hava, leswi vatata wa vona va swi tirheleke.

Pisalema 62:10

U nga tshembi mintirho ya tihanyi, ku kanganyisa vanhu a swi nga ku vuyiseli nchumu. Hambiloko rifuwo ri nga ku talela, u nga tiseketeli ha rona.

Pisalema 39:6

Vanhu va ya hala ni hala, wonge i mindzhuti, va tikarhatela swa hava, va tihlengeletela swilo, va nga tivi leswaku swi ta va swa mani.

Ezekiele 20:18

“Loko Vaisraele va ha ri emananga, ndzi vulavurile ni vana va vona, ndzi va byela leswaku va nga tekeleli mikhuva ya vatata wa vona, ni swiletelo swa vona va nga swi yingisi, kumbe ku tinyamisa hi ku khongela swikwembu swa hava swa vatata wa vona.

Yeremiya 44:17

Hina hi ta endla hinkwaswo leswi hi tiboheke ku swi endla: Hi ta hisa mirhi ya risuna hi humesela xikwembu lexi va nge i ‘Nkosikazi-ya-le-Matilweni’, hi xi humesela ni magandzelo ya swakunwa. Khale a hi endla sweswo emitini ya Yuda ni le magondzweni ya Yerusalema, hi ri ni vatata wa hina ni tihosi ta hina ni tindhuna ta hina. Eminkarhini ya kona a hi kuma swakudya swo tala, hi kateka, hi nga voni nchumu xo biha.

Yeremiya 16:19

We HOSI, u ntamu wa mina ni khokholo ranga, enkarhini wa maxangu ndzi tumbela eka wena. Vanhu va tinxaka hinkwato va ta ta eka wena, va huma ematlhelo hinkwawo ya misava, va ta fika va ku: “Ndzhaka ya vatata wa hina i mavunwa ntsena, swikwembu swa vona a swi pfuni nchumu.

Yeremiya 9:14

Va tiomisile tinhloko, va endla leswi va swi rhandzaka, va tirhela swikwembu swa Baali hilaha vatata wa vona va va dyondziseke hakona.

Yeremiya 4:11

Enkarhini wolowo, HOSI Xikwembu xi ta tivisa vanhu lava ni va le Yerusalema, xi ku ka vona: “Moya wo hisa wa le mananga wu ta ta, wu huma hi le henhla ka switsunga wu hunga ehenhla ka vanhu va mina. A wu nga vi moya lowutsanana wo hahisa mungu!

1 Vakorinto 3:20

Va engeta va ku: “Hosi yi tiva mianakanyo ya lavo tlhariha, yi tiva leswaku i ya hava.”

Esaya 44:22

Milandzu ya n'wina, ndzi yi hangalasile kukota mapapa, ni swidyoho swa n'wina, ndzi swi nyamalarisile ku fana ni hunguva; vuyani eka mina, hikuva loyi a mi kutsuleke, hi mina.”

Esaya 52:3

HOSI Xikwembu xi vurisa sweswo, xi ri: “Loko mi nyiketiwa evuhlongeni, a ku humesiwanga mali, hikokwalaho a ku nga hakeriwi nchumu loko mi kutsuriwa.”

Vaheveru 9:12

Ú nghenile kan'we ntsena exivandleni lexo hlawuleka ngopfu, kutani a nga tekanga ngati ya timbuti ni ya marhole ku ya gandzela hi yona, kambe ú lo gandzela hi ngati ya yena, a hi kumela ha yona ku kutsuriwa loku nga heriki.

1 Yohane 3:5

Ma swi tiva leswaku Kriste ú humelele ku ta susa swidyoho, kutani eka yena ku hava ku dyoha.

Tinhlayo 7:15

ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

Marka 8:37

Xana munhu a nga humesa yini ku xava vutomi bya yena ke?