Zakariya 9:3 - Xitsonga (Bibele)

³ Tiri u tiakele khokholo, u hlengeletile silivhere kukota ntshuri, ni nsuku, kukota ndzhope wa ndlela.

BIBELE Mahungu Lamanene

³ Va le Tiri va tiakele khokholo, va tihlengeletela nsuku ni silivhere, swi tala kukota nhulu ya mavivi emagondzweni.

Zakariya 9:3 Referans Kwoze

Ezekiele 27:33

U xurhise vanhu lavo tala hi swa mabindzu ya wena leswi pfaka emalwandle; u fuwise tihosi ta misava hi ku tala ka mitirho ya wena ni mabindzu ya wena.

Ntirho 27:16

Hambi a nga hlengeleta mali, yi fana ni ntshuri. Ni tinguvu to saseka, ti fana ni ndzhope,

2 SAMIELE 24:7

Kutani va fika emutini wa makhokholo wa Tiri, ni le mitini hinkwayo ya Vahivhi ni ya Vakanana, va ya huma edzongeni ka Yuda, eBerexeba.

Yoxuwa 19:29

ndzilakana wu tlhela eRhama, wu ya fika emutini wa khokholo wa Tiri; kutani ndzilakana wu tlhela eHosa, wu ya hela elwandle, ku suka eMahalabu, ku fika eAkizibi.

Esaya 23:8

I mani la kaneleke swona ehenhla ka Tiri, yena loyi a nga va lukela maharhi ya vuhosi, loyi vapindzuri va yena ingi va ri tihosi, ni vaxavisi va yena ingi va ri vafundziwa va misava xana?

Ntirho 22:24

U cukumeta nsuku entshurini, Ni nsuku wa Ofiri emaribyeni ya milambyana;

1 TIHOSI 10:27

Hosi yi endla leswaku silivhere yi tala ku fana ni maribye eYerusalema, ni tikedari ti tala ku fana ni mikuwa leyi nga erivaleni.

1 TIHOSI 10:21

Swinwelo hinkwaswo swa hosi Solomoni a swi ri swa nsuku, ni swibya hinkwaswo swa yindlu ya xihlahla xa Lebanoni, a swi ri swa nsuku lowo saseka. A ku vanga na swibya swin'we swa silivhere. Emasikwini ya Solomoni a ku vuriwanga nchumu hi silivhere.

Esaya 23:11

Xikwembu xi tshambulute voko ra xona ehenhla ka lwandle, xi rhurhumerisa vuhosi: Yehovha u lerisile ku mbundzuxiwa ka makhokholo ya Kanana,

Ezekiele 26:12

Va ta byisa swifuwo swa wena, va onha mitirho ya wena ya mabindzu; va mbundzuxa marhangu ya wena, va hahlula tindlu ta wena leto saseka, va cukumeta maribye ya wena ni mirhi ya wena, ni ntshuri wa wena ematini.

Ezekiele 27:34

Hi nkarhi lowu u tshoviweke ha wona emalwandle ni le swidziveni swa mati, bindzu ra wena ni mavandla hinkwawo ya wena swi wile swin'we na wena.

Ntirho 3:15

Ni tihosana leti fuweke nsuku, Lava tateke tindlu ta vona hi silivhere.

Ezekiele 27:27

Mitirho ya wena, ni switolo swa wena vanhu va mabyatso ya wena ni vafambisi va wona, lava sivaka timfa ta mabyatso ya wena, ni lava ku fambiselaka bindzu ra wena, ni valwi va wena hinkwavo, va nga varikwenu kun'we ni mavandla ya wena hinkwawo lama nga ekarikwenu, va ta wela eswidziveni swa malwandle esikwini ra ku wa ka wena.

Ezekiele 28:1

Rito ra Yehovha ri ta eka mina, ri ku:

Amosi 1:9

Yehovha u ri: “Hikwalaho ka milandzu minharhu, kumbe ya mune ya Tiri ndzi nga ka ndzi nga hundzuki, hikuva va nyiketile Edomu makhumbi layo tala, va nga anakanyi xinakulobye xa vuxaka,