Zakariya 9:16 - Xitsonga (Bibele)

¹⁶ Yehovha, Xikwembu xa vona, xi ta va ponisa hi siku rero, kukota ntlhambi lowu nga tiko ra yena; hikuva va ta kota maribye lama vangamaka ya harhi ya vuhosi etikweni ra yena.

BIBELE Mahungu Lamanene

¹⁶ Hi siku ra kona, HOSI Xikwembu xi ta ponisa vanhu va xona, hikuva hi vona va nga ntlhambi wa xona; va ta vangama etikweni ra xona kukota maribye ya nkoka eharhini ya vuhosi.

Zakariya 9:16 Referans Kwoze

Esaya 62:3

U ta va harhi ya ku kwetsima evokweni ra Yehovha, xihuku xa vuhosi evokweni ra Xikwembu xa wena.

Luka 12:32

“U nga chavi, wee ntlhambinyana, hikuva swi tsakisile Tata wa n'wina ku mi nyika vuhosi.

Hagayi 2:23

Esikwini lero, ku vula Yehovha wa mavandla, ndzi ta ku teka, wena Zerubabele, n'wana Salatiele, nandza wa mina, ku vula Yehovha, kutani ndzi ta ku endla u kotisa xingwavila xa mfungho, hikuva ndzi ku hlawurile, ku vula Yehovha wa mavandla.’ ”

Yohane 10:27

Tinyimpfu ta mina ti yingisa rito ra mina, kutani mina ndza ti tiva, kutani ta ndzi landza,

Ezekiele 34:31

N'wina, tinyimpfu ta mina, ntlhambi lowu ndzi wu risaka, mi vanhu; mina ndzi Xikwembu xa n'wina, ku vula Hosi, Yehovha.”

Yeremiya 31:11

Hikuva Yehovha u kutsule Yakobo, u n'wi lamulele emavokweni ya la n'wi hlulaka hi matimba.

Esaya 60:14

Vana va vaxanisi va wena va ta ta eka wena hi ku titsongahata, kutani hinkwavo lava ku soleke va ta khinsama emilengeni ya wena; u ta vuriwa muti wa Yehovha, Siyoni wa Mukwetsimi wa Israele.

Esaya 60:3

Matiko ma ta famba eku vonakaleni ka wena, ni tihosi ti ta ta eku kwetsimeni ka tin'hwembeti ta wena.

Pisalema 100:3

Mi pfumela leswaku yena Yehovha i Xikwembu! Hi yena la nga hi endla, a hi hina; Hi tiko ra yena, ni ntlhambi lowu a wu rixaka.

Zakariya 8:23

“Yehovha wa tinyimpi u ri: Emasikwini lawa vavanuna va khume va tindzimi hinkwato ta matiko, va ta tikhomelela hi ndzungo wa nguvu ya Muyuda, va ku: ‘Hi ta ya na n'wina, hikuva hi twile leswaku Yehovha u na n'wina.’ ”

Esaya 40:10

Vonani, Hosi, Yehovha wa ta hi matimba; wa fuma hi voko ra yena; vonani, wa ta a ri ni ku khensa ka yena, ku hakela ka yena ku n'wi rhangele.

Sofoniya 3:20

Enkarhini wolowo, ndzi ta mi tisa, ndzi mi hlengeleta hi nkarhi wolowo; hikuva ndzi ta mi endla lava twaleke ni lava dzunisiwaka exikarhi ka vanhu hinkwavo va misava, siku ndzi vuyisaka vakhomiwa va n'wina emahlweni ka n'wina,” ku vula Yehovha.

Mikiya 7:14

Risa hi nhonga tiko ra wena, ti nga tinyimpfu ta ndzhaka ya wena, leti tshameke ti ri toxe exihlahleni lexi nga exikarhi ka Karmele; a ti humele eBaxani ni le Giliyadi, kukotisa masiku ya khale.

Yeremiya 23:3

Kutani mina, ndzi ta hlengeleta leswi saleke swa ntlhambi wa mina ematikweni hinkwawo laha ndzi va hangalaseleke kona, ndzi va tlherisela evudyelweni bya vona, va andzisiwa, va tala.

Mikiya 5:4

U ta yima, a risa hi matimba ya Yehovha, ni ku kwetsima ka vito ra Yehovha, Xikwembu xa yena; va ta aka hi ku rhula, hikuva u ta va nkulukumba ku yisa emakun'wini ya misava.

Yeremiya 31:10

“Yingisani rito ra Yehovha, n'wina matiko, mi tivisa swihlale swa le kule, mi ku: ‘La hangalaseke Israele wa n'wi hlengeleta, u ta n'wi risa kukotisa murisi la rixaka ntlhambi wa yena.’

Zakariya 10:6

“Ndzi ta kurisa yindlu ya Yuda, ndzi ponisa yindlu ya Yosefa, ndzi ta va akisa, hikuva ndzi va tsetselele; swi ta kotisa loko swa nga a ndzi nga va lahlanga, hikuva hi mina Yehovha, Xikwembu xa vona, ndzi ta va yingisa.

Eksoda 28:9

“U ta teka maribye mambirhi ya onikisi, u tsala ehenhla ka wona mavito ya vana va Israele;

Eksoda 28:21

“Maribye ma ta vekiwa hi ku tlhandlamana ka mavito ya vana va Israele va khume na mambirhi; ma ta va khume na mambirhi hi ku hlaya ka mavito ya vona, rin'wana ni rin'wana ri ta va ni vito ra rixaka rin'we ra Israele, mavito ma ta tsariwa hi mukhuva wa mfungho.

Esaya 54:12

Ndzi ta endla khokholo ra wena hi rubi, ni timbanti ta wena hi karbunkele, ni xivava hinkwaxo xa wena hi maribye ya risima.

Ezekiele 34:11

“Hikuva Hosi Yehovha u ri: Vona mina ndzi ta lavisisa tinyimpfu ta mina, ndzi ti kambisisa.

Ezekiele 34:12

Ku fana ni ku kambisisa ka murisi entlhambini wa yena hi siku a tshukaka a ri exikarhi ka tinyimpfu ta yena leti hangalakeke, tinyimpfu ta mina ndzi ta ti kambisisa xisweswo, ndzi ti humesa eswivandleni hinkwaswo leswi ti hangalakeleke eka swona, hi siku ra mapapa ni munyama.