Zakariya 9:15 - Xitsonga (Bibele)

¹⁵ Yehovha wa tinyimpi u ta va sirhelela, va ta dya [valala va vona], va kandziya maribye ya swipelupelu; va ta nwa, va huvela kukotisa loko ku nga hi vhinyo; va ta tala kukotisa nkambana wa magandzelo, kukota tinhla ta alitari.

BIBELE Mahungu Lamanene

¹⁵ HOSI ya matimba hinkwawo yi ta hlayisa vanhu va yona; maribye ya xihangu ma ta hlula valala ma va heta, ma halata ngati ya vona kukota vhinyo, kukota ngati ya swifuwo emagandzelweni, leyi tataka nkambana, yi tsakamisa ni timhondzo ta alitari.

Zakariya 9:15 Referans Kwoze

Zakariya 12:6

“Hi siku rolero ndzi ta endla tihosana ta Yuda ti va kukota xitiko xa ndzilo exikarhi ka tihunyi, ni xisana xa ndzilo exikarhi ka tinyandza, ti ta dya exineneni ni le ximatsini matiko hinkwawo ya le matlhelweni; loko a ri Yerusalema, u ta tshama exiteni xa yena eYerusalema.

Zakariya 10:7

Efrayimi u ta kota nhenha; timbilu ta vona ti ta tsaka kukotisa loko swa nga va nwile vhinyo. Vana va vona va ta swi vona, va tsaka; timbilu ta vona ti ta titsakela eka Yehovha.

Zakariya 12:8

“Hi siku rolero Yehovha u ta sirhela vaaki va Yerusalema; loko a ri loyi a nga riki na matimba exikarhi ka vona, esikwini rolero, u ta kotisa Davhida; yindlu ya Davhida vi va kukota Xikwembu, kukota ntsumi ya Yehovha emahlweni ka vona.

Zakariya 10:5

Va yindlu ya Yuda va ta kota tinhenha leti kandziyelaka valala endzhopeni wa ndlela enyimpini, va ta lwa, hikuva Yehovha u na vona; lava khandziyeke tihanci va khomiwa hi tingana.

Eksoda 27:2

U ta endla timhondzo ta mune etikhonweni ta alitari, kutani u ta yi nameka hi koporo.

Pisalema 78:65

Hosi yi phaphama tani hi munhu la etleleke, Tanihi nhenha leyi baka huwa, leyi vulavurisiwaka hi vhinyo.

Levhitika 4:25

Muprista u ta nusa hi ritiho ngati ya gandzelo ra nandzu, a tota ha yona timhondzo ta alitari ya holokosta, u ta halatela ngati ehansi ka alitari ya holokosta.

Levhitika 4:18

U ta tota hi ngati timhondzo ta alitari leyi nga emahlweni ka Yehovha, etabernakeleni ya nhlengeletano, kutani a halatela ngati hinkwayo leyi seleke ehansi ka alitari ya holokosta, leyi nga enyangweni ya tabernakela ya nhlengeletano,

Vaefesa 5:18

Kutani mi nga tshuki mi pyopyiwa hi vhinyo, hikuva yi ni vuhunguki, kambe mi tala Moya,

1 Vakorinto 1:18

Hikuva mhaka ya xihambano, i vuhunguki eka lava lovaka; kambe eka hina lava hlayisekaka, i matimba ya Xikwembu.

Zakariya 14:20

Hi siku rolero ku ta tsariwa eka swingelengele leswi nga etihancini: “Ku kwetsima ka Yehovha”; timbita leti nga endlwini ya Yehovha ti ta kotisa mikambana leyi nga ekusuhi ni alitari.

Zakariya 9:17

Hikuva ku saseka ka vona ku ta va lokukulu! Koro yi ta kurisa varisanyana, ni vhinyo leyintshwa vanhwanyana.

Mikiya 5:8

Kambe lava seleke va Yakobo va ta va exikarhi ka matiko ni tinxaka leto tala kukotisa nghala exikarhi ka swiharhi swa nhova, ni xinghalana exikarhi ka ntlhambi wa tinyimpfu; yi nga loko yi hundza yi kandziyela, yi handzula, ku nga ri na loyi a ponisaka!

Esaya 55:1

“N'wina hinkwenu lava nga ni torha, tanani ematini hambi n'wina lava pfumalaka mali! Tanani, mi ta xava, mi dya; tanani, mi xava vhinyo ni ntswamba, hambi mi nga ri na mali, a mi nga hakeri!

Esaya 37:35

Ndzi ta sirheleta muti lowo ku wu hlayisa, hikwalaho ka mina, ni hikwalaho ka Davhida, nandza wa mina.’ ”

Risimu ra Tinsimu 7:9

A ndzi ku: Ndzi ta khandziya murhi wa ncindzu, Ndzi ta khoma marhavi ya wona! Mavele ya wena a ma ve tani hi swidzumba swa vhinya, Ni ku nun'hwela ka ku hefemula ka wena, tani hi ku nun'hwela ka maapula!

Risimu ra Tinsimu 5:1

Ndzi tile ensin'wini ya mina, oho makwerhu, muvutiwa wa mina! Ndzi hlengeletile mirha ya mina ni swinun'hwelo swa mina; Ndzi dyile xihlenga xa mina ni vulombe bya mina; Ndzi nwile vhinyo ya mina ni ntswamba wa mina. Dyanani, maxaka, nwanani, mi pyopya hi rirhandzu.

Risimu ra Tinsimu 1:4

Ndzi koke, hi ta ku landzela hi le ndzhaku! Hosi a yi ndzi tise etindlwini ta yona; Hi ta tsaka, hi tsakela wena, Hi ta dzunisa rirhandzu ra wena leri tlulaka vhinyo; Va ku rhandza hakona, lava ku rhandzaka.

1 SAMIELE 17:45

Davhida a hlamula a ku eka Mufilista: “U tile eka mina hi banga, ni tlhari, ni ntlhuvana, kambe mina ndzi ta eka wena hi vito ra Yehovha wa mavandla, ni ra Xikwembu xa tinyimpi ta Israele leti u ti sandzeke.

Levhitika 4:7

Muprista emahlweni ka Yehovha, u ta tota hi ngati timhondzo ta alitari ya mirhi ya risuna, leyi nga etabernakeleni ya nhlengeletano; kutani ngati hinkwayo ya nkunzi u ta yi halatela ehansi ka ya nkunzi u ta yi halatela ehansi ka alitari ya holokosta, leyi nga enyangweni ya tabernakela ya nhlengeletano.

Ntirho 41:28

N'wana wa vurha a nga yi chavisi; Maribye ya xipelupelu ma fana ni mungu eka yona.

Zakariya 14:3

Yehovha u ta humelela, a lwa ni matiko wolawo, kukota siku a lwaka esikwini ra ku dlaya.

Zakariya 2:9

“Hikuva ndzi ta ndzuluta voko ra mina ehenhla ka wona, ma ta hluriwa hi malandza ya wona, kutani mi ta tiva leswaku Yehovha wa tinyimpi u ndzi rhumile.