Zakariya 9:12 - Xitsonga (Bibele)

¹² Tlhelelani ekhokholweni, n'wina vakhomiwa lava nga ni ku tshemba! Namuntlha ndza vulavula, ndzi ri: Ndzi ta ku tlherisela kambirhi.

BIBELE Mahungu Lamanene

¹² N'wina vabohiwa, mi nga lahlekeli hi ku tshemba, vuyani ekhokholweni ra n'wina, wu nga muti wa Yerusalema. Namuntlha ndzi tlhela ndzi mi tivisa leswaku ndzi ta mi tlherisela swilo swa n'wina kambirhi.

Zakariya 9:12 Referans Kwoze

Ntirho 42:10

Kutani Yehovha a humesa Yobo eku bohiweni ka yena, loko a khongelerile vanakulobye, Yehovha a n'wi andzisela kambirhi hinkwaswo leswi ngi a ri na swona.

Esaya 61:7

Ematshan'weni ya tingana ta n'wina mi ta nyikiwa swipandzwa swimbirhi; ematshan'weni ya ku hlunama, va ta tsakela ku averiwa ka vona; hi mukhuva wolowo, va ta averiwa kambirhi etikweni, va ta tsaka hi ku tsaka loku nga heriki.

Vaheveru 6:18

leswaku hi timhaka timbirhi leti tiyeke leti Xikwembu xi nga kalaka ku hemba ha tona, hi kuma ku chaveleriwa loku tiyaka, hina hi chaveleke hi ku khoma leswi hi swi tshembaka, leswi vekeriweke emahlweni ka hina,

Yeremiya 51:10

Yehovha u vonakisile ku lulama ka hina; tanani, hi byela Siyoni mitirho ya Yehovha, Xikwembu xa hina.

Yeremiya 31:17

Ku tshemba ku; kona emikarhini ya wena leyi nga ta ta, ku vula Yehovha: vana va wena va ta vuyela emindzilekaneni ya vona.

Nahume 1:7

Yehovha u ni tintswalo, i xichavelo esikwini ra khombo, u tiva lava chavelaka eka yena.

Hosiya 2:15

Hilaha ndzi nga ta n'wi vuyisela masimu ya yena ya vhinya, ndzi n'wi nyika ni nkova wa Akora (dzolonga) yi va nyangwa ya ku tshemba; kutani kwalaho u ta hlamula kukotisa emasikwini ya vuntshwa bya yena, ni kukotisa esikwini leri a nga huma ha rona loko a suka etikweni ra Egipta.

Esaya 40:2

Vulavulani swa mbilu ya Yerusalema, mi n'wi tivisa leswaku vukhumbi bya yena byi herile, ni leswaku ku dyoha ka yena ku rivaleriwile, kambe u rihiwile kambirhi hi voko ra Yehovha swidyoho swa yena hinkwaswo!

Yuwele 3:16

Yehovha u ta dzumadzuma eSiyoni; a twarisa rito ra yena a ri Yerusalema, tilo ni misava swi ta tsekatseka. Kambe Yehovha! Xichavelo eka tiko ra yena, i khokholo eka vana va Israele.

Ezekiele 37:11

Kutani a ku eka mina: “N'wana wa munhu, marhambu walawo, i yindlu hinkwayo ya Israele. Vona va ri: ‘Marhambu ya hina ma omile; ku tshemba ka hina ku herile; hi lovile.’

Mikiya 4:8

Loko u ri wena, nhlohlorhi ya ntlhambi, xitsunga xa n'wana Siyoni, eka wena ku ta ta, ku va ku fika vuhosi byo sungula, ku nga ku fuma ka n'wana wa Yerusalema.

Esaya 52:2

Phumunha ntshuri wa wena, pfuka u tshamisa, wena Yerusalema, hluvula timpecana ta nhamu ya wena, wena mukhomiwa, n'wana Siyoni!

Yeremiya 31:6

Hikuva siku ri kona leri valanguteri va nga tsaka huwelela ha rona entshaveni ya Efrayimi, va ku: ‘Sukani, a hi tlhandlukeni eSiyoni, eka Yehovha, Xikwembu xa hina!’ ”

Esaya 38:18

Hikuva a hi xivandla xa vafi lexi ku twarisaka, a hi rifu leri ku dzunisaka, lava ngheneke esirheni a va ha languteli vutshembeki bya wena.

Esaya 49:9

ku byela vabohiwa: ‘Humani!’ ni lava nga emunyameni: ‘Humelelani!’ “Va ta dya etindleleni, va ta kuma swakudya emitsungeni hinkwayo;

Yeremiya 50:28

Rito ra lava balekeke ni ra lava poneke etikweni ra Babilona ri twakala eSiyoni, vanhu va kona va byeriwa ku rihisa ka Yehovha Xikwembu xa hina, ku tirihisela tempele ya yena.

Vaheveru 6:19

leswi hi titiyisaka ha swona, kukotisa nsoma leyi tiyaka ya moya, yi nga tsekatseki, yi nghenaka ehase ka xisirhelelo,

Esaya 24:22

Ti ta pfaleriwa swin'we erindzini, ti ta khotsiwa ekhotsweni; kuteloko ku hundze nkarhi wo leha, ti ta biwa.

Yeremiya 14:8

Wena tshembo ra Israele, muhanyisi wa yena hi siku ra khombo, xana u ta fana ni wamatiko etikweni, kumbe kukotisa muendzi la hambukaka ku xwa vusiku byin'we ntsena xana?

Yeremiya 16:19

Oho Yehovha, matimba ya mina, ni khokholo ra mina, ni xichavelo xa mina hi siku ra mahlomulo! Matiko ma ta ta eka wena, ma huma emakumu ka misava, kutani ma ta ku: “Kunene, vatata wa hina va fuwile vunwa ni vuhava lebyi nga riki na ku pfuna nchumu.

Yeremiya 17:13

Wena Yehovha, ku tshemba ka Israele! Lava ku tshikaka hinkwavo va ta khomisiwa tingana. Lava ndzi tshikaka va ta tswariwa emisaveni, hikuva va tshikile xihlovo xa mati lama hanyisaka, a nga Yehovha.