Zakariya 9:10 - Xitsonga (Bibele)

¹⁰ Ndzi ta susa tigolonyi exikarhi ka Efrayimi, ni tihanci eka Yerusalema, kutani vurha bya nyimpi byi ta herisiwa. U ta vula ku rhula eka matiko, u ta fuma ku sukela elwandle rin'wana ku yisa elwandle rin'wana, ni ku suka enambyeni ku yisa makumu ya misava.

BIBELE Mahungu Lamanene

¹⁰ Xikwembu xi ri: “Ndzi ta hangalasa makalichi ya nyimpi ma suka etikweni ra Efrayimi, ni tihanci ta nyimpi ndzi ta ti susa eYerusalema; mavurha ya masocha ma ta tshoviwa, hikuva loyi a taka, ú ta twarisa ku rhula ematikweni. Mfumo wa yena wu ta nava ku suka eka lwandle rin'wana, ku ya fika eka lerin'wana; wu ta sukela enambyeni wa Yufrata, wu ya fika endzilekaneni wa tiko ra Egipta.”

Zakariya 9:10 Referans Kwoze

Hosiya 2:18

Kambe hi siku lero, ndzi ta va endlela ntwanano ni swiharhi swa nhova, ni tinyanyana ta tilo, ni leswi kokovaka emisaveni, kutani ndzi ta tshova vurha ni tlhari ndzi va ndzi herisa ku lwa emisaveni, kutani ndzi va akisa hi ku rhula.

Hosiya 1:7

Loko yi ri yindlu ya Yuda, ndzi ta yi tsetselela, ndzi yi ponisa ha Yehovha, Xikwembu xa yona, ndzi nga ka ndzi nga va ponisi hi miseve; ni tlhari, ni ku lwa, ni tihanci, ni vakhandziyi.”

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Mikiya 5:4

U ta yima, a risa hi matimba ya Yehovha, ni ku kwetsima ka vito ra Yehovha, Xikwembu xa yena; va ta aka hi ku rhula, hikuva u ta va nkulukumba ku yisa emakun'wini ya misava.

Esaya 60:12

Hikuva matiko lama nga ku tirheliki ma ta lova, matiko lawa ma ta herisiwa.

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

2 Vakorinto 5:20

Hi tintsumi ta Kriste, kutani va nga ku, i Xikwembu lexi mi khongotelaka ha hina; ha mi khongotela hikwalaho ka Kriste, hi ri:

2 Vakorinto 5:18

Kutani hinkwaswo swi huma eka Xikwembu lexi hi hlanganiseke na xona ha Yesu Kriste, xi nga xona lexi hi nyikeke ntirho wa ku hlanganisa.

Timhaka 10:36

Hi rona rito leri xi ri rhumeleke vana va Israele loko xi vula ku rhula ha Yesu Kriste yi nga Hosi ya hinkwavo.

Hagayi 2:22

ndzi lovisa matimba ya ku fuma ka matiko, ndzi andlala tigolonyi ni lava fambaka ha tona; tihanci ni vakhandziyi va tona va ta wa un'wana ni un'wana hi fumu ra warikwavo.

Esaya 11:10

Enkarhini wolowo rimitsu ra Yese ri ta yimiseriwa matiko tanihi mfungho, matiko ma ta ri lava, kutani vuako bya rona byi ta va ku vonakala ntsena.

Pisalema 72:17

Vito ra yona ri ta tshama hi laha ku nga heriki, Vito ra yona ri ta va kona hi laha dyambu ri nga ta va kona. Vanhu va ta katekisana ha yona, Matiko hinkwawo ma ta yi vula la katekeke.

Pisalema 72:3

Tintshava ti ta vuyisa ku rhula eka vanhu, Ni switsunga mikarhi ya ku lulama.

Duteronoma 11:24

Xivandla hinkwaxo lexi nkondzo wa n'wina wu nga ta xi kandziya, xi ta va xa n'wina; ndzilakana wa n'wina wu ta suka emananga ku ya fika eLebanoni, ni ku suka enambyeni, enambyeni wa Yufrata, ku ya fika eLwandle ra Vupeladyambu.

1 TIHOSI 4:21

Solomoni a a fuma kambe ematikweni hinkwawo, ku suka enambyeni wa Yufrata ku fika etikweni ra Vafilista, ni ku fika endzilakaneni wa Egipta; a va luva eka Solomoni, va n'wi tirhela hi masiku hinkwawo ya ku hanya ka yena.

Pisalema 85:8

Ndzi ta yingisa leswi vuriwaka hi Yehovha Xikwembu; Hikuva u vula ku rhula ka tiko ra yena, ni ka vahlawuriwa va yena; Kambe va nga tshuki va ha vuyela eku hungukeni ka vona.

Esaya 2:4

Kutani Xikwembu xi ta lamula matiko, xi ta avanyisa matiko layo tala ngopfu. Hi mabanga ya vona va ta fula swikomu, hi matlhari ya vona va ta fula masikeri; tiko ri nga ka ri nga ha lwi ni rin'wana, kutani a ku nga ha dyondzisiwi ku lwa.

Mikiya 4:8

Loko u ri wena, nhlohlorhi ya ntlhambi, xitsunga xa n'wana Siyoni, eka wena ku ta ta, ku va ku fika vuhosi byo sungula, ku nga ku fuma ka n'wana wa Yerusalema.

Pisalema 89:26

Yena u ta ndzi khongela, a ku: ‘Hi wena tatana, Xikwembu xanga ribye ra ku hlayiseka ka mina!’

Hosiya 2:20

Ndzi ku teka ni le ku tshembekeni, kutani u ta tiva Yehovha.

Mikiya 5:9

Voko ra wena a ri tlakukele lava ku xanisaka, valala va wena a va herisiwe hinkwavo!