Zakariya 8:6 - Xitsonga (Bibele)

⁶ “Yehovha wa tinyimpi u ri: Ni loko mhaka leyi yi nga nonon'hwa emahlweni ka masalela ya tiko leri emasikwini wolawo, xana ni le ka mina yi nga nonon'hwa-ke, ku vula Yehovha wa tinyimpi?

BIBELE Mahungu Lamanene

⁶ HOSI ya matimba hinkwawo yi vurisa sweswo yi ri: “Hambiloko masalela ya vanhu va mina ma ku: ‘Namuntlha, swilo leswi swi nge pfuki swi endlekile!’ mina ndzi ri, swi nga ka swi nga ndzi tsandzi; ndzi vurisa sweswo mina HOSI ya matimba hinkwawo.”

Zakariya 8:6 Referans Kwoze

Yeremiya 32:27

“Vona, hi mina Yehovha, Xikwembu xa nyama hinkwayo; xana swi kona leswi nga ndzi tsandzaka-ke?

Luka 18:27

Kutani a ku: “Leswi hlulaka vanhu, a swi hluri Xikwembu.”

Luka 1:37

hikuva a ku na xilo lexi hlulaka Xikwembu.”

Luka 1:20

Kutani vona, u ta va mbheveve, u hluleka ku vulavula ku ko ku fika siku leri swi nga ta humelela, hikuva a ku pfumelanga marito ya mina lama nga ta endleka enkarhini wa wona.”

Yeremiya 32:17

“ ‘Oho! Hosi Yehovha, vona, hi wena la endleke matilo ni misava hi matimba ya wena lamakulu, ni voko ra wena leri tshambulukeke; a ku na nchumu lowu ku tsandzaka.

2 TIHOSI 7:2

Kutani ndhuna ya hosi leyi yi tiseketelaka evokweni ra yona, yi hlamula yi ku eka munhu wa Xikwembu: “Hambi Yehovha a nga boxa mafasitere etilweni, mhaka leyo tano yi nga ka yi nga humeleli.” Elixa a hlamula, a ku: “U ta swi vona hi mahlo, kambe u nga ka u nga dyi swona.”

Genesa 18:14

Xana yi kona mhaka leyi nga hlulaka Yehovha? Enguveni leyi, ndzi ta vuya eka wena haxawu, kutani Sara u ta va a kume n'wana.”

Pisalema 118:23

Leswo swi endliwe hi Yehovha; I singita emahlweni ka hina.

Matewu 19:26

Yesu a va languta, a ku eka vona: “Loko va ri vanhu, i mhaka leyi va tsandzaka, kambe Xikwembu a xi tsandzi hi nchumu.”