Zakariya 8:16 - Xitsonga (Bibele)

¹⁶ Kambe leswi mi faneleke ku swi endla hi leswi: Un'wana ni un'wana a vula leswi tiyeke eka warikwavo; avanyisani swinene hi ku rhula etihubyeni ta n'wina;

BIBELE Mahungu Lamanene

¹⁶ Leswi mi fanelaka ku endla swona hi leswi: Vulavulani ntiyiso mi nga hembelani. Etihubyeni ta n'wina, avanyisani timhaka hi ku lulama, mi tisa ku rhula evanhwini.

Zakariya 8:16 Referans Kwoze

Vaefesa 4:25

Hikwalaho-ke, tshikani vunwa, mi vulavula leswi tiyeke, un'wana ni un'wana eka warikwavo, hikuva hi swirho van'wana eka van'wana.

Zakariya 7:9

“Yehovha wa tinyimpi u ri: Avanyisani hi ku avanyisa lokunene, mi endla hi tintswalo ni nsovo, un'wana ni un'wana eka makwavo;

Pisalema 15:2

Hi la hanyaka eku lulameni, a endla leswi lulameke, Kutani a vula leswi tiyeke hilaha swi nga kona embilwini ya yena.

Zakariya 8:19

“Yehovha wa tinyimpi u te: Ku titsona swakudya ka n'hweti ya vumune, ni ka ya vuntlhanu, ni ka ya vuntlhanu na timbirhi ni ka ya vukhume, swi ta hundzukela yindlu ya Yuda ku tsaka ni mikhuvo leyinene; ntsena mi tirhandzela ntiyiso ni ku rhula.

Esaya 9:7

ku kurisa ku fuma, ni ku nyika xiluvelo xa Davhida ni ku fuma ka yena ku rhula loku nga heriki, ni ku xi tiyisa, ni ku xi seketela hi ku avanyisa ni ku lulama, sweswi ni hilaha ku nga heriki; ku hiseka ka Yehovha wa tinyimpi ku ta endla sweswo!

Swivuriso 12:19

Nomu lowu vulaka ntiyiso, wu tiya makumu, Kambe ririmi ra vunwa i ra nkarhinyana ntsena.

Swivuriso 12:17

La vurisaka u humesa swo lulama, Kambe mbhoni ya vunwa yi vulavula swa ku kanganyisa.

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”

1 Vatesalonika 4:6

Munhu a nga tshuki a kandziyela makwavo, hambi ku ri ku n'wi dya, ni ku n'wi kanganyisa emhakeni, ni loko yi ri yin'we hikuva Hosi i murihiseri wa swilo hinkwaswo leswo tano, kukota leswi hi tshamaka hi mi byela khale hi ku vurisa loku tiyeke.

Vaefesa 4:17

Lexi ndzi xi vulaka, ni lexi ndzi xi tiyisaka eHosini, hileswaku mi nga tshuki ma ha famba kukotisa vahedeni lava fambaka hi miehleketo ya hava ya vona,

Matewu 5:9

Ku katekile lava lamulaka, hikuva va ta thyiwa vana va Xikwembu.

Mikiya 6:12

Vafuwi va muti wolowo va tele ku xisa ni vaaki va wona va vulavula mavunwa; ririmi ra vona ra kanganyisa enon'wini wa vona.

Mikiya 6:8

Wena munhu u tivisiwile leswi lulameke, ni leswi Yehovha a swi lavaka eka wena; hileswaku u endla leswi lulameke, u rhandza tintswalo, ni ku famba hi ku titsongahata emahlweni ka Xikwembu xa wena.

Amosi 5:24

kambe ku avanyisa a ku khuluke tanihi mati, ni ku lulama tanihi nambu lowu nga phyiki.

Amosi 5:15

Vengani leswo biha, mi rhandza leswinene, mi tiyisa leswi lulameke ehubyeni, kumbexana Yehovha, Xikwembu xa tinyimpi a nga tsetselela masalela ya Yosefa.

Levhitika 19:11

“ ‘Mi nga tshuki mi yiva. Mi nga tshuki mi hembelana, hambi ku ri ku xisana.

Yeremiya 22:3

Ku vula Yehovha, a ku: “Avanyisani hi ku lulama, mi lamulela xisiwana emavokweni ya loyi a n'wi karhataka, mi nga tshuki mi pfukela wamatiko, ni xisiwana, ni noni matimba, mi nga va endli swo biha; mi nga halati ngati leyi nga riki na nandzu exivandleni lexi.

Ezekiele 18:8

loko a nga lombi hi bindzu, loko a nga nghenisi voko ra yena emitirhweni leyo homboloka, loko a avanyisa hi ku lulama exikarhi ka munhu ni nakulobye,

Ezekiele 45:9

Hosi Yehovha u ri: Oho tihosi ta Israele, swi ringene! Tshikani ku leva ni ku phanga, endlani hi nawu ni ku lulama mi nga tshami mi xanisa tiko ra mina, ku vula Hosi Yehovha.

Sofoniya 3:13

Nsalo wa Israele wu nga ka wu nga endli leswo biha, wu nga ka wu nga vulavuri mavunwa ririmi ra ku kanganyisa ri nga ka ri nga kumiwi emilon'wini ya vona va ta dya va etlela ehansi, ku nga ri na loyi a va chavisaka.”

Zakariya 8:3

Yehovha u ri: Ndzi tlhelela eSiyoni, ndzi ta aka exikarhi ka Yerusalema; Yerusalema, u ta vuriwa muti wa vunene, ntshava ya Yehovha wa tinyimpi yi vuriwa ntshava leyi nga hlawuleka!

Pisalema 34:15

Mahlo ya Yehovha ma languta lava lulameke, Ni tindleve ta yena ti pfulekela ku huwelela ka vona.