Zakariya 8:13 - Xitsonga (Bibele)

¹³ Kukota leswi ngi mi ri xisandzu ematikweni, n'wina, yindlu ya Yuda, na n'wina, yindlu ya Israele, ndzi ta mi hanyisa sweswi, mi va ku kateka. Mi nga chaveni, mavoko ya n'wina a ma tiye!”

BIBELE Mahungu Lamanene

¹³ N'wina va le Yuda na n'wina Vaisraele, mi vile lava rhuketeriweke exikarhi ka vamatiko, kambe sweswi ndzi ta mi ponisa mi hundzuka nkateko ematikweni; hikokwalaho mi nga chavi, tirhani mi tiyile!”

Zakariya 8:13 Referans Kwoze

Zakariya 8:9

Yehovha wa tinyimpi u ri: “Mavoko ya n'wina a ma tiye, n'wina lava twaka marito lama humaka emilon'wini ya vaprofeta emikarhini leyi ku nga sunguriwa ha yona yindlu ya Yehovha wa tinyimpi, yi nga tempele, leswaku yi akiwa.

Sofoniya 3:20

Enkarhini wolowo, ndzi ta mi tisa, ndzi mi hlengeleta hi nkarhi wolowo; hikuva ndzi ta mi endla lava twaleke ni lava dzunisiwaka exikarhi ka vanhu hinkwavo va misava, siku ndzi vuyisaka vakhomiwa va n'wina emahlweni ka n'wina,” ku vula Yehovha.

Pisalema 72:17

Vito ra yona ri ta tshama hi laha ku nga heriki, Vito ra yona ri ta va kona hi laha dyambu ri nga ta va kona. Vanhu va ta katekisana ha yona, Matiko hinkwawo ma ta yi vula la katekeke.

1 Vakorinto 16:13

Hitekani, mi tiya eku pfumeleni, mi endlisa hi vununa, mi tinyika matimba;

Ezekiele 5:15

U ta va xisolo ni xihlamariso emahlweni ka matiko lama ku rhendzeleke, siku ndzi ku humeselaka ku avanyisa ka mina hi vukari ni ku tshinya loku vavisaka. Hi mina Yehovha la vulaka timhaka teto.

Yeremiya 29:18

ndzi ta va phalalela hi matlhari ni ndlala ni ntungu ndzi va nyiketa ku xanisiwa eku fumeni hinkwako ka misava, ni le ku rhukaniweni, ni le ku onhakeni, ni ku va xihlamariso ni xisandzu ematikweni hinkwawo lawa ndzi nga ta va hlongola exikarhi ka wona.

Hagayi 2:19

Mbewu ya ha ri kona exivuyeni xana? Swi tsandza ni vhinya, ni makuwa, ni girenada, ni mutlhwari, a swa ha vekanga. Kambe ku suka siku leri, ndzi ta mi katekisa.”

Daniele 9:11

Kutani Vaisraele hinkwavo va tlurile nawu wa wena, va hambukile leswaku va nga ti yingisa rito ra wena; kutani ku rhuketeriwa ni ku hlambanyiseriwa leswi tsariweke enawini wa Muxe, nandza wa Xikwembu, swi cheriwile ehenhla ka hina, hikuva hi xi dyoherile.

Yeremiya 24:9

Ndzi ta va nyiketa eku xanisekeni ni le makhombyeni, eku fumeni hinkwako ka misava, va ta va xisandzu, va soriwa, va va xikombiso ni ku rhukaniwa ematlhelweni hinkwawo, laha ndzi nga ta va hangalasela kona.

Genesa 26:4

Ndzi ta andzisa vatukulu va wena, va ta kota tinyeleti ta tilo; ndzi ta nyika vatukulu va wena matiko lawa hinkwawo; matiko hinkwawo ya misava ma ta titsakela erixakeni ra wena,

Yeremiya 42:18

Hikuva, ku vula Yehovha wa mavandla, Xikwembu xa Israele, a ku: Kukotisa loko ndzi chulurile vukari bya mina, ni ku leva ka mina, ehenhla ka vaaki va Yerusalema, ndzi ta chulula ku leva ka mina ehenhla ka n'wina loko mi yile eEgipta, mi ta endliwa xisandzu, ni ku chaviwa, ni ndzhukano ni ku sandziwa kutani mi nga ka mi nga tlheli mi vona xivandla lexi.

Pisalema 79:4

Hi hundzukile xisandzu eka lava akisaneke na hina, Ku tlanga, ni xihlekiso xa lava nga ematlhelweni.

Ezekiele 37:11

Kutani a ku eka mina: “N'wana wa munhu, marhambu walawo, i yindlu hinkwayo ya Israele. Vona va ri: ‘Marhambu ya hina ma omile; ku tshemba ka hina ku herile; hi lovile.’

Pisalema 44:16

Loko ndzi twa rito ra la ndzi rhukanaka a va a ndzi sandza, Loko ndzi vona nala ni loyi a tirihiselaka.

Duteronoma 28:37

U ta va xihlamariso ni ntsheketo, ni xihlekiso exikarhi ka matiko hinkwawo lawa Yehovha a nga ta ku fambisa eka wona.

Vagalatiya 3:14

leswaku ku kateka ka Abrahama ku tela vamatiko ha Yesu Kriste, leswaku hi amukela hi ku pfumela ku tshembisiwa ka Moya.

Zakariya 9:13

Hikuva ndzi ta konga Yuda kukota vurha, ndzi byi rhiya hi Efrayimi; ndzi ta pfuxa vana va wena, Siyoni, va pfukela vana va wena, Yavhani; ndzi ta ku endla u va ku kota fumu ra nhenha.

Zakariya 1:19

Ndzi ku eka ntsumi leyi vulavulaka na mina: “Timhondzo leto ta ku endla yini?” Yi ku eka mina: “Leti hi tona timhondzo leti hangalaseke Yuda, na Israele, na Yerusalema.”

Swirilo 4:15

“Sukani, n'wina mi tinyamiseke!” Ku huweleriwe sweswo eka vona; “Sukani, sukani! Mi nga tshuki mi khumba!” Kuteloko va balekile, a ku ri ku tsendzeleka; A va ku exikarhi ka matiko: “A vanga vuyeli va aka kona.”

Yeremiya 44:22

Yehovha a nga kotanga ku ya emahlweni ku swi rhwala hikwalaho ka vudyoho bya mitirho ya n'wina ni manyala lawa mi ma endleke; kutani tiko ra n'wina ri hundzukile mananga, tiko leri onhiweke, leri soriweke, leri nga akiwiki hilaha swi voniwaka namuntlha.

Yeremiya 44:12

Ndzi ta khoma lava seleke va Yuda, lava phikelelaka ku ya etikweni ra Egipta, ku ya aka kona, va lova hinkwavo, va ta wa etikweni ra Egipta; va lovisiwa hi matlhari ni ndlala; ku sungula hi lontsongo ku fikela eka lonkulu, va ta fa hi matlhari ni ndlala; va endliwa ndzhukano, ni xisandzu, ni manyala, ni xisolo.

Yeremiya 33:24

“Xana a ku voni lexi tiko leri ri xi vulavulaka, loko va ku: ‘Tinxaka timbirhi leti Yehovha a nga ti hlawula u tlhele a ti tshika’? Va sandza tiko ra mina swonghasi, leswaku emahlweni ka vona, a ra ha ri tiko.”

Yeremiya 26:6

ndzi ta endla yindlu leyi kukotisa Xilo, ni muti lowu, ndzi wu endla eXilo lexo rhukaniwa hi matiko hinkwawo ya misava.’ ”

Yeremiya 25:18

Ku nga Yerusalema, ni miti ya Yuda, ni tihosi ta kona, ni vakulukumba va kona, ku va endla ku onhaka, ni xihlamariso, ni xisandzu, ni ku rhuketeriwa, kukotisa loko swi ri tano sweswi;

Mikiya 5:7

Lava seleke va ka Yakobo va ta va exikarhi ka matiko lamanyingi kukotisa mberha leyi humaka eka Yehovha, ni mathonsi lama nga ehenhla ka byanyi; lama nga languteleki ku lerisa ka munhu, hambi ku ri ku fumiwa hi vana va vanhu.

Esaya 43:28

Hikwalaho ndzi sorile tihosi ta vukwetsimelo ndzi nyiketile Yakobo ku yirisiwa, na Israele ku rhukaniwa.

Ezekiele 34:26

Vona ni va le matlhelweni ya xintshabyana xa mina, ndzi ta va endlela ku kateka; ndzi ta nisa mpfula hi nkarhi wa yona; ku ta va ni ku tsakama ka ku kateka kona.

Hagayi 2:5

rito ra ntwanano lowu ndzi nga endla na n'wina, siku mi humaka eEgipta, ni moya wa mina wu tshame exikarhi ka n'wina. Mi nga chavi!

Zakariya 8:15

ndzi tsundzukile kambe emasikwini lawa ku endla Yerusalema, ni yindlu ya Yuda swinene. Mi nga tshukeni!

Zakariya 14:11

Va ta aka kona, ndzhukano a wu nga ha vi kona, Yerusalema, u ta akiwa hi ku rhula.

Duteronoma 26:19

yena kambe u ta ku tlakusa ehenhla ka matiko hinkwawo lawa a ma endleke, a ku nyika ku dzuna, ni ku twala, ni ku kwetsima, u va tiko leri hlawuleriweke Yehovha, Xikwembu xa wena, hilaha a ku byeleke hakona.”

Sofoniya 3:16

Esikwini lero, va ta ku eka Yerusalema: “Siyoni, u nga chavi mavoko ya wena ma nga nembeleli!