Zakariya 8:10 - Xitsonga (Bibele)

¹⁰ Hikuva emahlweni ka masiku wolawo, a ku nga ri na hakelo ya munhu ni xifuwo a xi nga ri na hakelo; la humaka ni la tlhelelaka a va nga ri na ku rhula hikwalaho ka nala; a ndzi tshiketa vanhu leswaku va lwa.

BIBELE Mahungu Lamanene

¹⁰ Eminkarhini ya khale, vanhu ni swifuwo swa vona a va tirha mahala va nga kumi hakelo; a va chava ku famba-famba hikwalaho ka valala, hikuva a ndzi endlile leswaku vanhu va vengana.

Zakariya 8:10 Referans Kwoze

Amosi 9:4

Ni loko va ya evukhumbini, va byisiwa hi valala va vona, na kona, ndzi ta lerisa fumu leswaku ri va dlaya; ndzi ta va honokela hi mahlo ku va endla swo biha ku nga ri ku va endla swinene.”

Amosi 3:6

Nanga loko yi yimbiwa emutini, xana vanhu a va tshuki hinkwavo xana? Xana khombo ri nga humelela emutini ri nga humesiwi hi Yehovha?

Esaya 19:2

Ndzi ta hlohlotela Muegipta ku lwa na Muegipta, leswaku munhu a lwa ni makwavo, nakulobye a lwa ni nakulobye, muti wu lwa ni muti, vuhosi byi lwa ni vuhosi.

Yeremiya 16:16

“Vonani, ndzi ta vitana vaphasi lavo tala, ku vula Yehovha, kutani va ta va phasa; kambe ndzhaku, ndzi ta rhuma vahloti lavo tala, va ta va hlota etintshaveni hinkwato ni le switsungeni hinkwaswo ni le mabakweni ya maribye.

Vaavanyisi 5:11

Exikarhi ka swihlovo swa mati, lava copaka miseve A va dzunise mitirho yo lulama ya Yehovha, Mitirho yo lulama ya vafambisi va Israele! “Kutani tiko ra Yehovha ri xikela etinyangweni.

Hagayi 2:15

Kutani sweswi, lavisisani etimbilwini ta n'wina ta siku ra namuntlha ni ta le ndzhaku, ku nga siki vekiwaka ribye ehenhla ka ribye etempeleni ya Yehovha.