Zakariya 7:7 - Xitsonga (Bibele)

⁷ Xana a mi tsundzuki marito lawa Yehovha a nga vulavula hi vaprofeta vo sungula, loko muti wa Yerusalema, wa ha akiwile wu tshamile hi ku rhula, miti ya wona yi ri matlhelo ya wona, tiko leri nga edzongeni ni banyi swa ha akiwile xana?”

BIBELE Mahungu Lamanene

⁷ Marito lawa ma ha fana ni lawa HOSI Xikwembu xi ma twariseke hi milomo ya vaprofeta lavo rhanga; eminkarhini ya kona, vaaki va muti wa Yerusalema ni va swimitana leswi nga kusuhi, a va ha tele va tshamisekile; hambi va ri vanhu va le magangeni ni va le dzongeni a va ha tele.

Zakariya 7:7 Referans Kwoze

Yeremiya 17:26

Kambe va ta suka emitini ya Yuda, ni le matlhelweni ya Yerusalema, ni le tikweni ra Benjamini, ni le rivaleni, ni le ntshaveni, ni tlhelo ra dzonga, va tisa tiholokosta ni magandzelo, ni mihlengo, ni mirhi ya risuna, va tisa ni magandzelo ya ku khensa endlwini ya Yehovha.

Yeremiya 32:44

Masimu ma ta xaviwa hi mali, va ta tsala matsalwa ya nxavo, va ma tiyisa, va teka timbhoni, etikweni ra Benjamini ni le matlhelweni ya Yerusalema, ni le mitini ya Yuda, ni le mitini ya le ntshaveni, ni le mitini ya le rivaleni, ni le mitini ya tlhelo ra n'walungu; hikuva ndzi ta vuyisela lava khomiweke va vona, ku vula Yehovha.”

Yeremiya 7:23

kambe hi yona mhaka leyi ndzi va byeleke yona, ndzi ku: ‘Yingisani rito ra mina, kutani ndzi ta va Xikwembu xa n'wina, kambe n'wina mi va tiko ra mina, mi famba endleleni hinkwayo leyi ndzi nga ta mi lerisa yona, hilaha mi nga ta kateka.’

Yeremiya 7:5

Ku nga ku loko mi hundzuka hakunene emikhuveni ya n'wina, ni le tindleleni ta n'wina, loko mi avanyisa hi ku lulama exikarhi ka munhu un'wana ni warikwavo.

Yeremiya 33:13

Emitini ya le ntshaveni, ni le mitini ya mananga, ni le mitini ya tlhelo ra dzonga, ni le tikweni ra Benjamini, ni le matlhelweni ya Yerusalema, ni le mitini ya Yuda, ka ha ta hundza mitlhambi ehansi ka voko ra loyi a yi hlayaka, ku vula Yehovha.

Yeremiya 22:21

Ndzi vulavule na wena eku tirhuleleni ka wena, kutani u ku: ‘Ndzi nga ka ndzi nga yingisi!’ Hi wona mukhuva wa wena we evuhlangini bya wena lowa ku: ‘A ku na ku yingisela rito ra mina.’

Esaya 55:3

Rhiyani tindleve, tanani eka mina, yingisani, kutani mimoya ya n'wina yi ta hanya: ndzi ta endla na n'wina ntwanano lowu nga heriki, ku tiyisa tintswalo ta mina eka Davhida.

Duteronoma 34:3

ni le dzongeni, ni tlhelo ra Yordani, nkova wa Yeriko, muti wa mimpfun'wana, ku fika eSowara.

Yeremiya 13:19

Miti ya tlhelo ra dzonga yi pfariwile, kutani a ku na la nga yi pfulaka; va Yuda hinkwavo va yisiwile evukhumbini, va yisiwile hinkwavo eku bohiweni.

Yeremiya 44:4

Ndzi tshama ndzi mi rhumela malandza ya mina hinkwawo, va nga vaprofeta, ndzi va rhuma wa ha ri mixo, leswaku mi nga endli swilo swa manyala leswi ndzi swi vengaka.

Zakariya 7:6

Loko mi ri karhi mi dya, mi nwa, xana a hi n'wina lava dyaka, lava nwaka xana?

Zakariya 7:8

Rito ra Yehovha ri ta eka Zakariya, ri ku:

Zakariya 7:12

Timbilu ta vona va ti hundzule dayimani, leswaku va nga twi nawu ni marito ya Yehovha wa tinyimpi lawa a va rhumeleke wona hi vaprofeta vo rhanga, hi Moya wa yena. Kutani ku humelela ku kariha lokukulu ka Yehovha wa tinyimpi.