Zakariya 7:5 - Xitsonga (Bibele)

⁵ Leswi mi tshamaka mi titsona swakudya mi va mi rila hi n'hweti ya vuntlhanu, ni ya vuntlhanu na timbirhi, hi malembe walawo ya ntlhanu wa makume ni makume mambirhi, xana a mi titsonela mina-ke?

BIBELE Mahungu Lamanene

⁵ leswaku ndzi ma fikisa eka vaaki hinkwavo va tiko ni ka vaprista, hi lawa: “Hi n'hweti ya vuntlhanu ni ya vu-7, emalembeni ya 70 lama hundzeke, loko mi rila ni ku titsona swakudya, a mi nga endleli mina!

Zakariya 7:5 Referans Kwoze

Zakariya 1:12

Kutani ntsumi ya Yehovha yi ahlamisa nomu wa yona, yi ku: ‘Yehovha wa tinyimpi! U ta tshika ku ri kungani ku tsetselela Yerusalema, ni miti ya Yuda leyi u nga yi karihela hi malembe lawa ya ntlhanu wa makume ni makume mambirhi xana?’

1 Vakorinto 10:31

Kambe hambi mi dya, hambi mi nwa, hambi mi endla yini na yini, endlani hinkwaswo ku dzunisa Xikwembu.

Zakariya 7:6

Loko mi ri karhi mi dya, mi nwa, xana a hi n'wina lava dyaka, lava nwaka xana?

Zakariya 7:3

ni ku vutisa vaprista va yindlu ya Yehovha wa tinyimpi ni vaprofeta, leswaku: “Xana ndza ha ta rila ni ku titsona swakudya hi n'hweti ya vuntlhanu tanihi leswi ndzi swi endleke hi malembe layo nghasi?”

Vakolosa 3:23

Kutani leswi mi swi endlaka, hambi yi ri yini na yini, swi endleni hi timbilu ni ku rhandza, mi endlela Hosi, va nga ri vanhu;

2 Vakorinto 5:15

kutani u ferile hinkwavo, leswaku lava hanyaka, va nga ka va nga tshami va tihanyela, kambe va hanyela la feke, a tlhela a va pfukela.

Matewu 23:5

Mitirho ya vona hinkwayo va yi tirha leswaku va voniwa hi vanhu, hikuva va anamisa tifilaktera ta vona, va lehisa makhaxa ya tinguvu ta vona.

Matewu 6:16

“Kutani loko mi titsona swakudya, mi nga tshuki mi fana ni vamandzendze lava khwanyalaka mimombo; hikuva va tionha nghohe va ku va ta voniwa hi vanhu leswaku va titsonile swakudya. Kunene ndza mi byela leswaku va kumile hakelo ya vona.

Matewu 6:5

“Kutani loko mi khongela, mi nga tshuki mi kotisa vamandzendze lava rhandzaka ku khongela va yimile emasinagogeni ni le mahlanganeni ya mitsendzele, leswaku va ta voniwa hi vanhu. Kunene ndza mi byela leswaku va kumile hakelo ya vona.

Matewu 6:2

Hikwalaho, loko u nyika swisiwana, u nga tshuki u yimba nanga emahlweni ka wena, u kotisa leswi vamandzendze va swi endlaka emasinagogeni, ni le mitsendzeleni, leswaku va ta dzunisiwa hi vanhu. Kunene ndza mi byela leswaku va kumile hakelo ya vona.

Zakariya 8:19

“Yehovha wa tinyimpi u te: Ku titsona swakudya ka n'hweti ya vumune, ni ka ya vuntlhanu, ni ka ya vuntlhanu na timbirhi ni ka ya vukhume, swi ta hundzukela yindlu ya Yuda ku tsaka ni mikhuvo leyinene; ntsena mi tirhandzela ntiyiso ni ku rhula.

Yeremiya 25:11

Matiko lawa hinkwawo ma ta endliwa ku onhaka, ni xihlamariso, kutani matiko lawa ma ta tirhela hosi ya Babilona hi malembe ya 70.

2 TIHOSI 25:23

Tindhuna hinkwato ta nyimpi, ni vanhu va tona, kuteloko va swi twile leswaku hosi ya Babilona yi vekile Gedaliya, va ta eka Gedaliya eMispa, a ri Iximaele, n'wana Netaniya, na Yohanani, n'wana Kariyaka, na Seraya, n'wana Tanahumeti, wa Netofa, na Yaazaniya, n'wana wa munhu wa Maaka, va ta ni vanhu va vona.

Esaya 43:23

A ku ndzi humeselangi tinyimpfu ta tiholokosta ta wena, a ku ndzi tlangelanga hi timhamba ta wena. A ndzi ku sindzisanga ku humesa mihlengo, a ndzi ku karhatelanga mirhi ya risuna.

Esaya 58:3

‘Swa hi pfuna yini ku titsona swakudya, loko u nga swi voni? Ni ku tsongahatisa mimoya ya hina, loko u nga vuri nchumu ha swona?’ Vonani siku lero mi titsonaka swakudya, mi endla leswi mi tsakisaka, mi khoma mitirho ya N'wina hinkwayo.

Yeremiya 29:10

“Hikuva ku vula Yehovha, a ku: Malembe ya 70, kutakuloko ma herile ka Babilona, ndzi ta mi tsundzuka, ndzi mi endlela hi marito ya mina yo lulama, ndzi mi tlherisela exivandleni lexi.

Yeremiya 52:12

Hi n'hweti ya vuntlhanu hi siku ra khume ra n'hweti (a ri ri lembe ra 19 ra ku fuma ka Nebukadnetsara, hosi ya Babilona), Nebuzaradani, ndhuna ya valanguteri, nandza wa hosi ya Babilona, a nghena eYerusalema.

Daniele 9:2

hi lembe ro sungula ra ku fuma ka yena, mina, Daniele, loko ndzi hlaya tibuku, ndzi xiyaxiya ntsengo wa malembe lawa Yehovha a byeleke muprofeta Yeremiya, lama nga ta hetiseka, mpfhuka Yerusalema, wu onhakile, ma nga malembe ya 70.

Hosiya 7:14

A va huweleri hi timbilu ta vona eka mina, kambe va rila emasangwini ya vona, va hlengeletana hinkwavo enkarhini wa mavele ni byalwa kutani va ndzi fularhela.

Zakariya 7:4

Kutani rito ra Yehovha wa tinyimpi ri ta eka mina, ri ku: “U byela vanhu hinkwavo va tiko, ni vaprista, u ku:

2 TIHOSI 25:25

Kambe, hi n'hweti ya ntlhanu na timbirhi, Iximaele, n'wana Netaniya, n'wana Elixama wa rixaka ra hosi, a ta a ri ni vavanuna va khume, va tlhava Gedaliya, kutani a fa swin'we ni Vayuda, ni Vakalediya, lava ngi va ri na yena eMispa.