Zakariya 7:13 - Xitsonga (Bibele)

¹³ “Leswi a nga vitana, va nga twangiki, va vitanile kutani a ndzi yingisanga,” ku vula Yehovha wa tinyimpi.

BIBELE Mahungu Lamanene

¹³ kutani yi ku: “Ndzi va vitanile, kambe va arile ku yingisa; kwalaho loko va ndzi vitana, na mina ndzi arile ku va yingisa. Ndzi vula sweswo, mina HOSI ya matimba hinkwawo.

Zakariya 7:13 Referans Kwoze

Yeremiya 14:12

Hambi va nga titsona swakudya, ndzi nga ka ndzi nga yingisi ku huwelela ka vona; ni loko va ndzi humesela tiholokosta ni mihlengo, ndzi nga ka ndzi nga swi amukeri; kamba ndzi ta va heta hi tlhari, ni ndlala, ni ntungu.”

Esaya 1:15

Loko mi tshambuluta mavoko ya n'wina, ndzi mi sirhelela mahlo ya mina; loko mi andzisa mikhongelo ya n'wina, a ndzi yingisi; mavoko ya n'wina ma tele ngati.

Yeremiya 11:11

“Hikwalaho, Yehovha u vula a ku: ‘Vonani, ndzi ta va humesela khombo leri va nga taka va nga poni eka rona; va ta huwelela eka mina, kambe ndzi nga ka ndzi nga va yingisi.

Mikiya 3:4

Enkarhini lowo va ta huwelela eka Yehovha, kambe a nga va yingisi; u ta va fihlela mombo wa yena enkarhini lowo, hikuva va onhile ku famba ka vona.

Yakobo 4:3

ma kombela, kambe a mi nyikiwi, hikuva mi kombela hi mukhuva lowo biha, leswaku mi ta kuma swa ku korwisa ku navela ka n'wina.

Luka 13:25

Kutakuloko n'wini wa yindlu a nghenile, a pfarile nyangwa, n'wina mi ri handle, mi ta sungula ku gongondza, mi ku: ‘Hosi, hosi, hi pfulele!’

Ezekiele 20:3

“N'wana wa munhu, vulavula eka vakulukumba va Israele, u ku eka vona: Hosi Yehovha u ri: Xana mi tele ku ta ndzi vutisa xana? Ndza hanya, a ndzi pfumeli ku vutisiwa hi n'wina, ku vula Hosi Yehovha.

Ezekiele 14:3

“N'wana wa munhu, vanhu valavo va namarhele swikwembu swa vona hi timbilu ta vona, va vekile emahlweni ka vona ribye ra ku khunguvanyisa, leri va dyohisaka. Xana ndzi ta va yingisa-ke?

Esaya 50:2

Ndzi tile, kasi a ku nga ri na munhu ha yini-ke? Ndzi huwelerile, a ku hlamulanga munhu ha yini-ke? Xana voko ra mina ri komile leswaku ndzi nga swi koti ku mi ponisa, kumbe a ndzi na matimba ya ku mi ponisa xana? Vona, hi ku ri wumeta ndza omisa lwandle, milambu ndza yi endla emananga; tinhlampfi ta yona ti ta bola hi ku pfumala mati, ti fa hi torha;

Swivuriso 28:9

La pfalaka tindleve leswaku a nga twi milawu, Xikhongelo xa yena i manyala.

Swivuriso 21:13

La tisivaka tindleve leswaku a nga twi mikosi ya swisiwana, U ta rila na yena, kambe a nga ka a nga tsundzukiwi hi munhu.

Yeremiya 7:27

U va byela timhaka teto hinkwato, kambe va nga ka va nga yingisi; u va vitana, kambe va nga ka va nga pfumeri.

Yeremiya 11:10

Va tlhelele eku biheni ka vatata wa vona va khale lava tshamaka va ala ku yingisa marito ya mina, kambe va famba va ya tirhela swikwembu swin'wana; yindlu ya Israele, na yona yindlu ya Yuda yi tshovile ntwanano lowu ndzi wu endleke ni vatata wa vona.

Yeremiya 11:14

Loko u ri wena, u nga tshuki u khongelela tiko leri, kambe u nga tshuki u tlakusa ku huwelela ni loko xi ri xikhongelo, hikuva siku va vitanaka eka mina hikwalaho ka khombo ra vona, ndzi nga ka ndzi nga va yingisi.

Yeremiya 14:2

“Yuda wa rila; tihuvo ta yena ti hele matimba, ti tshame hansi; va khomiwe hi tingana, kutani ku huwelela ka Yerusalema, ku tlhandlukile ehenhla.

Swirilo 3:44

U tifunengetile hi papa, Leswaku xikhongelo xa hina xi nga tshuki xi fika eka wena.

Ezekiele 8:18

Loko ndzi ri mina, ndzi ta endla hi vukari bya mina; tihlo ra mina ri nga ka ri nga tsetseleri, ri ta pfumala tintswalo. Hambi va ta huwelela etindleveni ta mina hi rito lero tlakuka, ndzi nga ka ndzi nga va yingisi.”